Ysay 5:14 - An Bibel Kernewek 20234 (Kernewek Kemmyn)

¹⁴ Rakhenna ifarn re igoras y vryansenn a-les, hag igeri y anow dres musur; hy splannder ha'y thervysk a dhiyskynn ynno, ha'y routh, hag ev neb a lowenha.

Ysay 5:14 ပူးပေါင်းရင်းမြစ်များ

Salmow 49:14

Avel deves ymons i gorrys yn ifarn; ankow a's bugel, ha'n re ewnhynsek a wra maystri warnedha y'n myttin. i a dhiyskynn dison dhe'n bedh. Aga furv a beder y ifarn; pell dhiworth aga chiow ughel.

Salmow 55:15

Des ankow warnedha, ha diyskynnens yn few dhe ifarn; rag yma sherewneth yn aga annedhow, hag yn aga mysk.

Lavarow Koth 1:12

avel ifarn, gwren ni aga daslenki yn few, ha kowal, avel an re hag a dhiyskynn dhe'n pytt;

Lavarow Koth 27:20

Ifarn hag Abaddon, nevra ny's teves lowr; ha ny'n jeves dewlagas mab-den lowr.

Lavarow Koth 30:16

ifarn, torr wownagh, dor nag yw gwalghys nevra a dhowr ha'n tan na lever nevra, ‘Lowr.’

Ysay 14:11

Dha veuredh yw dres yn-nans dhe ifarn, gans son dha delynnow; yma gweli a gontron lesys yn-dannos, ha pryves yw dha gudhans.

Ysay 14:9

Ifarn a-woeles yw amovys ragos, dhe'th vetya pan dheudh; ev a dhifun spyrysyon an re varow ragos oll myns a veu ledyoryon an norvys; ev a dhrehav dhiworth aga thronys oll myghternedh an kenedhlow.

Ysay 21:4

Ow holonn a's teves penn-dro, degrena re'm dalghennas; an tewlwolow a hwansen re dheuth ha bos skruth dhymm.

Ysay 24:8

Joy an tabourigow a hedh, tros an re lowen a dhifyk, ha joy an sowtri a hedh.

Ysay 30:33

Rag Tofeth re beu ordenys a hirneth, ynwedh parys yw rag an myghtern. Re beu gwrys down ha ledan, gans tan ha palster a brenn. Anall an Arloedh avel gover a loskven a wra y enowi.

Ezekiel 7:12

An termyn re dheuth, devedhys yw an jydh. Na lowenhes an prener, ha na wres an gwerther kyni, rag yma sorr war oll an routh anedha.

Daniel 5:30

An keth nos na y feu ledhys Belshassar, myghtern an Kaldeanys,

Nahum 1:10

Rag kepar ha spern kesplethennys, ha kepar ha diwes pennow medhow, devorys vydhons, kepar ha sowl fest sygh.

Habakkuk 2:5

Rychys ynwedh yw fals, ny dhur an den goethus, neb re ledanhas y vryansenn avel ifarn, ha kepar hag ankow na yll bos gwalghys, mes ev a guntell a-dro dhodho oll an kenedhlow, hag assembla dhodho oll an poblow.

Matthew 7:13

‘Ewgh a-bervedh der an porth kul; rag ledan yw an porth hag efan yw an fordh a led dhe dhiswrians ha lies yw an re a wra entra dredhi;

Luk 17:27

yth esens ow tybri hag eva, demmedhi ha ri yn demmedhyans, bys y'n jydh mayth eth Noy a-bervedh y'n gorhel, ha'n liv a dheuth ha'ga distrui yn kettep penn.

Luk 21:34

‘Bedhewgh war, ma na vo agas kolonn nevra beghys gans diwessa, na medhwynsi na fienasow bewnans, ha na wrello an jydh dos warnowgh yn tromm