Ysay 49:9 - An Bibel Kernewek 20234 (Kernewek Kemmyn)
9 rag leverel dhe'n brisnoryon, ‘Dewgh yn-mes’, dhe'n re usi yn tewlder, ‘Omdhiskwedhewgh!’ Peuri a wrons ryb an fordhow, war oll an ugheldiryow moel y fydh aga feurva.
My a hembronk dellyon yn fordh na aswonnons; yn hynsyow na aswonnons y's gidyav. My a dreyl an tewlder a-ragdha dhe wolewder, an tylleryow garow dhe dir leven. An re ma yw an taklow a wrav, ha ny's forsakyav.
Yndellma y lever an Arloedh, dha Dhasprenyas, an Sans a Ysrael: My yw an Arloedh dha Dhuw, a'th tysk rag dha les dha honan, ha'th hembronk y'n fordh may tegoedh dhis mones ynni.
Yma Spyrys an Arloedh Duw warnav, drefenn an Arloedh dhe'm untya dhe dhri nowodhow da dhe'n re uvel. Ev re'm dannvonas dhe lystenna an re trogh aga holonn, dhe dhisklerya livreson dhe gethyon, ha delivrans dhiworth tewlder rag prisnoryon;
Rakhenna yndellma y lever an Arloedh Duw, Otta, ow servysi a dheber mes hwi a'gas bydh nown; otta, ow servysi a yv mes hwi a'gas bydh syghes; otta, ow servysi a lowenha mes hwi a gemmer meth.
Y'n jydh na an menydhyow a dhever gans sugen grappys, an breow a dhinwa leth resek a wra oll goverow Yuda gans dowr. Fenten a dheu yn-mes dhiworth chi an Arloedh ha dowra nans Shittim.
Hag ev a sev, ha bugelya yn nerth an Arloedh, yn braster hanow an Arloedh y Dhuw. Hag i a drig yn sawder, rag lemmyn ev a vydh meur bys yn finweth an norvys.
‘Yma Spyrys an Arloedh warnav vy, rag ev re'm untyas dhe dhri nowodhow da dhe'n voghosogyon; ev re'm dannvonas dhe bregoth livreson dhe'n gethyon, ha restorita gweles dhe'n dhellyon, dhe dhannvon dhe-ves yn rydh an re arweskys,
rag igeri aga dewlagas, may treyllyons dhiworth tewlder dhe wolow, ha dhiworth awtorita Satnas dhe Dhuw, may tegemmerrons gevyans a beghosow, ha kevrenn yn mysk an re sanshes dre fydh ynnov vy.”
Ev a wrug dhodho marghogeth war dylleryow ughel an tir, hag ev a dhybris askorr an gwel; ev a wrug dhodho sugna mel yn-mes a'n garrek, hag oyl a ven flynt;
Mes hwi yw agh dhewisys, oferyaseth ryel, kenedhel sans, pobel arbennik dhodho, may hyllowgh deklarya an gwriansow marthys a neb a'gas gelwys yn-mes a dewlder a-bervedh yn y wolow marthys.