Ysay 49:8 - An Bibel Kernewek 20234 (Kernewek Kemmyn)

⁸ Yndellma y lever an Arloedh: Y'n prys plegadow re worthybis dhis, yn dydh selwyans re'th weresis; my re'th withas, ha'th ri avel kevambos dhe'n bobel, rag fastya an tir, rag kevrenna an ertajys ynyal,

Ysay 49:8 ပူးပေါင်းရင်းမြစ်များ

2 Samuel 7:13

Ev a dhrehav chi rag ow hanow vy, ha my a fast tron y vyghterneth bys vykken.

Salmow 2:8

Govynn orthiv, ha my a re dhis an kenedhlow y'th ertach, ha pennow pella an nor y'th perghennogeth.

Salmow 69:13

Mes ow fysadow yw dhiso jy, A Arloedh; yn prys plegadow, A Dhuw, gorthyp dhymm y'th tregeredh veur, yn gwirder dha selwyans.

Salmow 75:3

An nor a deudh ha myns eus trigys ynno; my yw neb a fast y golovenyow.’ Sela.

Ysay 26:3

Ty a with yn kres perfydh an den yw fyrv y vrys, rag ev a drest ynnos.

Ysay 27:3

My, an Arloedh, a's gwith; prest my a wra hy dowrhe. My a's gwith mo ha myttin rag na's pystikko nagonan.

Ysay 41:10

na borth own, rag yth esov genes, na vydh digolonnek, rag my yw dha Dhuw; my a wra dha nertha, my a wra dha weres, my a'th syns gans dorn dhyghow ow selwyans.

Ysay 42:1

Otta ow gwas neb a skoedhyav, ow den dewisys may lowenha ow enev ynno; my re worras ow Spyrys warnodho, ev a dheg gwirvreus yn-mes dhe'n kenedhlow.

Ysay 42:6

My yw an Arloedh, my re'th helwis yn ewnder, my a'th syns er an leuv, ha dha witha, my re'th ros yn kevambos dhe'n bobel, golow dhe'n kenedhlow,

Ysay 44:26

neb a surha ger y was, hag a gowlwra kusul y gannasow; neb a gews a Yerusalem, ‘Hi a vydh annedhys’, hag a-dro dhe sitys Yuda, ‘I a vydh drehevys, ha my a dhastrehav aga magoryow’;

Ysay 49:19

Rag dha vagoryow ha'th tylleryow gwag ha'th tir gwastys a vydh re vyghan lemmyn rag dha drigoryon, ha'n re a'th lonkas a vydh pell dhe-ves.

Ysay 51:16

My re worras ow geryow yn dha anow, ha'th kudha yn skeus ow leuv, owth ystynn an nevow, hag ow fondya selyow an norvys, hag ow leverel dhe Sion, ‘Ty yw ow fobel.’

Ysay 51:3

Rag an Arloedh a vynn konfortya Sion, ev a vynn konfortya oll hy magoryow, ha gul hy gwylvos avel Eden, hy difeyth avel lowarth an Arloedh. Joy ha lowender a vydh kevys ynni, grasyans ha lev kana.

Ysay 54:3

Rag ty a omles a-dhyghow hag a-gledh, ha'th has a erit an kenedhlow, hag a wra dhe'n sitys ynyal bos annedhys.

Ysay 55:6

Hwilewgh an Arloedh hedre vo dhe gavoes, gelwewgh warnodho hedre vo yn ogas;

Ysay 57:13

Pan griydh rag gweres, gwres dha guntellow a idolys dha sawya! An gwyns a's dheg i oll dhe-ves, hag anall a's hwyth dhe-ves. Mes neb a hwila skovva ynnov vy a bew an tir, hag erita ow menydh sans.

Ysay 58:12

Dha vagoryow koth a vydh dastrehevys; ty a dhassev an selyow a henedhow pals; ha ty a vydh gelwys dastrehevyer aswaow, ha restoryer stretys rag tus dhe driga ynna.

Ysay 58:5

Yw yndella an penys a dhewisav, dydh rag den dhe omuvelhe? Yw rag plegya y benn yn-nans avel korsenn, ha lesa avel gweli yskar ha lusu? Yw hemma an pyth a gelwydh penys, ha dydh kemmeradow dhe'n Arloedh?

Ysay 61:2

dhe dhisklerya blydhen favour an Arloedh, ha dydh dial agan Duw; dhe gonfortya oll kynoryon;

Ysay 61:4

I a dhastrehav an magoryow koth ha dri yn-bann an tylleryow diboblys kyns; i a nowydhha trevow diswrys, re beu gwastys henedh wosa henedh.

Ysay 65:9

My a dhre has yn-mes a Yakob, hag yn-mes a Yuda nebonan dhe erita ow menydhyow, hag ow re dhewisys a's erit, ha'm servysi a drig ena.

Matthew 26:28

rag hemm yw ow goes a'n kevambos nowydh yw skoellys rag lies dhe dhehwelyans peghosow.

2 Korinthianys 6:2

rag ev a lever, ‘Yn termyn plegadow my a'th klewas hag yn dydh a selwyans my a'th weresas.’ Otta, lemmyn yth yw termyn fest plegadow, otta, lemmyn yth yw dydh a selwyans;

Efesianys 1:6

dhe wormel splannder y ras a wrontyas dhyn y'n Karadow;

Ebrowyon 12:24

ha dhe Yesu, mayn an kevambos nowydh, ha dhe'n goes skoellys a gews tra well ages goes Abel.

Ebrowyon 5:7

Yn dydhyow y gig, Yesu a brofyas pysadow ha govynnadow, gans kriow ughel ha dagrow, dhe neb a ylli y dhelivra dhiworth mernans hag ev a veu klewys drefenn y own a Dhuw.

Ebrowyon 8:6

Mes lemmyn, Krist re gavas menystrans hag yw hwath bryntinna ages an onan koth a-ban yw ev an mayn a gevambos gwell, selys war ambosow gwell.