Ysay 49:6 - An Bibel Kernewek 20234 (Kernewek Kemmyn)

⁶ yn-medh ev: ‘Tra re drufel ragos yw ty dhe vos ow gwas, rag drehevel loethow Yakob, ha dri arta an re withys a Ysrael. My a'th re avel golow dhe'n kenedhlow, rag mayth hettho ow selwyans dhe bennow an norvys.’

Ysay 49:6 ပူးပေါင်းရင်းမြစ်များ

Jenesis 49:10

Ny dreyl an welenn dhiworth Yuda na'n dernwelenn a-dhiworth y dreys, erna dheffo ev neb a's pew; ha dhodho ev y fydh omaj an poblow.

2 Myghternedh 20:10

Hezekia a worthybis, ‘Es yw rag an skeus hirhe deg kamm; mes gwra dhe'n skeus dehweles war-dhelergh deg kamm.’

2 Myghternedh 3:18

Ha nyns yw hemma marnas tra skav yn golok an Arloedh, rag ev a re Moab yn agas leuv.

Salmow 37:28

Rag an Arloedh a gar gwirvreus, ha ny as y syns. Gwithys yns i bynitha, mes has an debeles a vydh treghys dhe-ves.

Salmow 67:3

Re'th wormello an poblow, A Dhuw; re'th wormello oll an poblow.

Salmow 97:10

Hwi neb a gar an Arloedh, kesewgh drog; ev a with enevow y syns; ev a's delirv dhiworth dorn an debeles.

Ysay 11:10

Y'n jydh na gwreydhenn Yesse a sev avel baner dhe'n poblow; an kenedhlow a'n hwila, ha'y bowesva a vydh gloryus.

Ysay 42:10

Kenewgh dhe'n Arloedh kan nowydh, y wormola dhiworth penn an norvys! Tarannes an mor ha pup-tra eus ynno, an arvoryow ha'ga thrigoryon.

Ysay 42:6

My yw an Arloedh, my re'th helwis yn ewnder, my a'th syns er an leuv, ha dha witha, my re'th ros yn kevambos dhe'n bobel, golow dhe'n kenedhlow,

Ysay 45:22

Treylyewgh dhymm ha bedhewgh selwys, oll pennow a'n norvys; rag my yw Duw ha nyns eus ken.

Ysay 46:13

My a dhre ow ewnder yn ogas, ny vydh pell, ha'm selwyans, ny wra ev strechya. My a re selwyans dhe Sion, ha dhe Ysrael y rov ow splannder.

Ysay 48:20

Kewgh yn-mes a Babylon, fiewgh dhiworth Kaldea, dyllewgh hemma gans garm a lowender, ha'y dherivas, dannvenewgh e bys yn penn an norvys; leverewgh, ‘An Arloedh re dhasprenas Yakob y was.’

Ysay 51:4

Goslowewgh orthiv, ow fobel, hag attendyewgh orthiv, ow henedhel; rag lagha a yn-mes a-dhiworthiv, ha'm ewnder a vydh golow dhe'n kenedhlow.

Ysay 52:10

An Arloedh re dhislennis y vregh sans a-rag dewlagas an kenedhlow oll, hag oll pennow an norvys a wel selwyans agan Duw.

Ysay 55:5

Otta, ty a elow kenedhel na aswonnydh, ha kenedhel na aswonnydh a wra poenya dhis, drefenn an Arloedh dha Dhuw, ha'n Sans a Ysrael, rag ev re'th glorifias.

Ysay 56:8

Yndellma y lever an Arloedh Duw, neb a guntell an re skattrys a Ysrael: My a guntell ynwedh erell dhedha, dres an re kuntellys dhedha seulabrys.

Ysay 60:3

Kenedhlow a dheu dhe'th wolow, ha myghternedh dhe splannder dha howldrevel.

Ysay 62:11

Otta, an Arloedh re dherivas dhe benn an norvys: Leverewgh dhe vyrgh Sion, ‘Otta, dha selwyans a dheu; otta yma y wober ganso, ha'y attal a-ragdho.’

Yeremia 12:16

Hag ena, mar tyskons yn tiwysyk fordhow ow fobel, dhe di ren ow hanow, ‘Dell vew an Arloedh’ par dell dhysksons ow fobel dhe di re Baal; ena i a vydh drehevys yn mysk ow fobel.

Mika 5:3

Rakhenna ev a vynn aga forsakya, bys pan wra an venyn yn lavur dineythi; ena remenant y vreder a dhehwel dhe vebyon Ysrael.

Zekaria 6:13

Ev a wra drehevel tempel an Arloedh, hag ev a dheg an meuredh hag esedha ha governa war y se. Ev a vydh oferyas war y se, hag y fydh kusul kres ynter an dhew.

Zekaria 8:22

Ha meur a boblow ha kenedhlow krev a dheu dhe hwilas Arloedh an luyow yn Yerusalem ha dhe bysi war an Arloedh.

Luk 2:32

golow rag diskwedhyans dhe'n Jentilys, ha glori dhe'th pobel Ysrael.’

Oberow 13:47

Rag yndella an Arloedh re'gan gorhemmynnis: “My re'th ordenas avel golow dhe'n Jentilys, rag dri selwyans bys yn penn pella an norvys.” ’

Oberow 26:18

rag igeri aga dewlagas, may treyllyons dhiworth tewlder dhe wolow, ha dhiworth awtorita Satnas dhe Dhuw, may tegemmerrons gevyans a beghosow, ha kevrenn yn mysk an re sanshes dre fydh ynnov vy.”

Oberow 26:23

y koedh dhe Grist godhav, may fe an kynsa, der y dhasserghyans dhiworth an re varow, dhe dherivas golow ha dh'agan pobel ha dhe'n Jentilys.’