Ysay 49:5 - An Bibel Kernewek 20234 (Kernewek Kemmyn)

⁵ Ha lemmyn an Arloedh a lever, neb a'm formyas y'n dorr dhe vos y was, dhe dhri Yakob tre dhodho, ha may fo Ysrael kuntellys dhodho, rag enorys yth ov yn golok an Arloedh, ha'm Duw re dheuth ha bos ow nerth –

Ysay 49:5 ပူးပေါင်းရင်းမြစ်များ

Nehemia 8:10

Yn eur na ev a leveris dhedha, ‘Kewgh, dybrewgh an blonek, hag evewgh an gwin hweg ha dannvenewgh rannow dhodho ev na'n jeves travyth parys ragdho. Sans yw an jydh ma dh'agan Arloedh: na bedhewgh grevys, rag lowena an Arloedh yw agas nerth.’

Ysay 11:12

Ev a dhrehav baner rag an kenedhlow ha kuntell divresow Ysrael, ha dri war-barth an re skattrys a Yuda dhiworth peswar korn an norvys.

Ysay 12:2

Otta, Duw yw ow selwyans; my a fydh, ha ny borthav own, rag an Arloedh Duw yw ow nerth ha'm kan, hag ev yw ow selwyans.

Ysay 25:1

A Arloedh, ty yw ow Duw; my a'th ughelha, my a wormel dha hanow, rag ty re wrug marthusyon, towlow a'n termyn koth, len ha sur.

Ysay 27:12

Y'n jydh na an Arloedh a dhrush a-dhiworth kanel an Ewfrates bys yn nans Ejyp, ha hwi, mebyon Ysrael, a vydh kuntellys onan hag onan.

Ysay 43:4

Rag ty yw drudh y'm golok hag enorys, ha my a'th kar; y rov tus yn keschanj ragos, kenedhlow yn keschanj rag dha vewnans.

Ysay 44:2

Yndellma y lever an Arloedh a'th wrug, neb a'th formyas a'n dorr, hag a wra dha weres: Na borth own, a Yakob, ow gwas, Yeshurun neb re dhewisis.

Ysay 49:1

Goslowewgh orthiv, ynysow, klewewgh, A boblow, a bellder: an Arloedh a'm gelwis dhiworth an dorr, pan esen yn brys ow mamm ev a'm henwis.

Ysay 50:4

An Arloedh Duw re ros dhymm taves an re yw dyskys, rag may hwodhviv fatell sostenav gans ger an den skwith. Myttin ha myttin ev a dhifun, ev a wra dhe'm skovarn difun rag goslowes kepar ha'n re yw dyskys.

Ysay 52:13

Otta, ow gwas a wra seweni, ughelhes vydh ha drehevys yn-bann, hag ev a vydh fest ughel.

Ysay 56:8

Yndellma y lever an Arloedh Duw, neb a guntell an re skattrys a Ysrael: My a guntell ynwedh erell dhedha, dres an re kuntellys dhedha seulabrys.

Yeremia 1:5

‘Kyns my dhe'th formya y'n dorr my a'th aswonnis; ha kyns ty dhe dhos yn-mes a'n brys my a'th sakras, ha'th worra dhe vos profoes dhe'n kenedhlow.’

Zekaria 6:13

Ev a wra drehevel tempel an Arloedh, hag ev a dheg an meuredh hag esedha ha governa war y se. Ev a vydh oferyas war y se, hag y fydh kusul kres ynter an dhew.

Matthew 11:27

Pup-tra oll a veu delivrys dhe'm charj gans ow Thas, ha denvyth ny aswonn an Mab saw an Tas, na ny aswonn denvyth an Tas saw an Mab ha neb may fynno an Mab y dhiskwedhes dhodho.

Matthew 15:24

Mes ev a worthybis, ow leverel, ‘Ny veuv vy dannvenys saw dhe dheves kellys chi Ysrael.’

Matthew 17:5

Hag ev ow kewsel, awotta, kommolenn wolow a dewlis skeus warnedha, hag awotta lev yn-mes a'n gommolenn ow leverel, ‘Hemm yw ow Mab karadow, mayth usi ynno ow delit; klewewgh ev.’

Matthew 23:37

‘Yerusalem, Yerusalem neb a ladh an brofoesi ha labydha an re yw dannvenys dhis! Peskweyth y yeunis vy kuntell dha fleghes war-barth, kepar dell guntell yar hy yerigow yn-dann hy eskelli, mes hwi ny vynnsowgh.

Matthew 28:18

Ha Yesu a dheuth, ha kewsel dhedha, ow leverel, ‘Pub galloes yn nev ha war an nor re beu res dhymm.

Matthew 3:17

hag awotta lev yn-mes a'n nevow ow leverel, ‘Hemm yw ow Mab karadow, mayth usi ynno ow delit.’

Luk 19:42

ow leverel, ‘Mar kodhves, ty ynwedh, y'n jydh ma an taklow a led dhe gres! – mes lemmyn kudhys yns a'th tewlagas.

Yowann 3:35

An Tas a gar an Mab hag ev re ros pup-tra yn y dhorn.

Oberow 10:36

Hwi a woer an ger a dhannvonas ev dhe vebyon Ysrael, ow pregoth kres dre Yesu Krist neb yw Arloedh peub oll.

Romanyon 15:8

Rag y lavarav dhywgh y teuth Krist ha bos menyster dhe'n re drodreghys rag gwirder Duw, rag surhe an ambosow a veu res dhe'n tasow,

Galatianys 1:15

Byttegyns pan vynnas Duw, neb a'm dibarthas a-dhia vrys ow mamm ha'm gelwel der y ras,

1 Peder 3:22

usi a dhyghow dhe Dhuw, gyllys yn nev, gans eledh ha potestatys ha nerthow gwrys gostydh dhodho ev.