Ysay 49:4 - An Bibel Kernewek 20234 (Kernewek Kemmyn)
4 Mes my a leveris, ‘Yn euver re lavuris, ha spena ow nerth rag travyth ha rag gwakter; byttegyns yma ow gwirvreus gans an Arloedh, ha'm pewas gans ow Duw.’
‘Yerusalem, Yerusalem neb a ladh an brofoesi ha labydha an re yw dannvenys dhis! Peskweyth y yeunis vy kuntell dha fleghes war-barth, kepar dell guntell yar hy yerigow yn-dann hy eskelli, mes hwi ny vynnsowgh.
Ha Yesu a worthybis ha leverel, ‘A henedh diskryjyk ha kammhynsek, pes termyn y fydhav genowgh? Pes termyn y res dhymm agas perthi? Dro ev omma dhymmo.’
ow mires war-tu ha Yesu, awtour ha perfydhder agan fydh, rag an lowender settys a-ragdho ev neb a borthas an grows, ow tispresya an meth, ha neb re esedhas orth leuv dhyghow tron Duw.
My a lowenha yn feur y'n Arloedh, ow enev a vydh heudhik y'm Duw, drefenn ev dhe'm kwetha gans dillas a selwyans ha'm kudha yn goen ewnder, kepar dell wra gour pries a omwisk yn tulyfant oferyas, ha kepar dell wra benyn bries hy omafina gans hy gemmweyth.
Ev a worthybis, ‘My re beu pur dhiwysyk rag an Arloedh, Duw an luyow, rag an Ysraelysi re eskasas dha gevambos, terri dha alteryow, ha ladha dha brofoesi gans an kledha. Nyns eus nagonan gesys marnas my, hag ymons ow hwilas ow bewnans, dh'y gemmeres dhe-ves.’