Ysay 49:23 - An Bibel Kernewek 20234 (Kernewek Kemmyn)

²³ Myghternedh a vydh dha dasvethow, ha'ga fennsevigesow a vydh dha vammvethow, i a ombleg dhis ha'ga fas dhe'n dor, ha lapya doust dha dreys. Ena ty a woer my dhe vos an Arloedh; an re a'm gorta, ny's tevydh meth.

Ysay 49:23 ပူးပေါင်းရင်းမြစ်များ

Jenesis 27:29

Re'th serfyo an poblow ha kenedhlow omblegya a-dheragos. Bydh mester war dha vreder ha gwres mebyon dha vamm omblegya a-dheragos. Milliges re bo an re a wra dha villiga ha benniges an re a wra dha venniga.’

Jenesis 43:26

Yosep a dheuth a-berth y'n chi, hag i a dhros dhodho y'n chi an ro esa yn aga dorn, hag omblegya dhodho dhe'n leur.

Salmow 138:4

Oll myghternedh an nor a'th wormel, A Arloedh, rag i re glewas lavarow dha anow.

Salmow 25:3

Sur na berthes meth an re a drest ynnos jy; perthes meth an re a wra falsuri heb ken.

Salmow 34:22

An Arloedh a dhaspren enev y wesyon; ha ny vydh kessydhys denvyth a'n re a hwila skovva ynno ev.

Salmow 68:31

Pennsevigyon a dheu yn-mes a Ejyp; Ethiopia a fysk dhe ystynn hy diwleuv dhe Dhuw.

Salmow 69:6

Na berthes meth a'm govis vy an re a'th worta, A Arloedh, Duw an luyow; na vedhes konfondys a'm govis vy an re a'th hwila, A Dhuw Ysrael.

Eksodus 6:7

ha'gas kemmeres avel ow fobel, ha my a vydh agas Duw; ha hwi a woer my dhe vos an Arloedh agas Duw re'gas dros a-dhann veghyow an Ejyptianys.

Ysay 14:1

Rag an Arloedh a gemmer truedh a Yakob, ha dewis Ysrael arta, ha ri powes dhedha war aga thiredh. Alyons a jun gansa, ha glena orth chi Yakob.

Ysay 14:2

Poblow a's kemmer ha'ga dri dh'aga thyller aga honan. Chi Ysrael a's erit yn tir an Arloedh avel kethyon ha kethesow. I a wra dhe'n re a's kemmeras yn kethneth bos aga hethyon i, hag i a rewl an re a's arwaskas.

Ysay 25:9

Y'n jydh na y fydh leverys, Otta, hemm yw agan Duw; ni a'n gortas, hag ev a'gan sawyas. Hemm yw an Arloedh ha ni re'n gortas; bedhen ni lowen ha fest heudhik yn y selwyans.

Ysay 26:8

Yn hyns dha vreusow, ni a'th worta A Arloedh; dha hanow ha dha govadh yw hwans an enev.

Ysay 29:22

Rakhenna yndellma y lever an Arloedh, neb a dhasprenas Abraham, a-dro dhe ji Yakob: Na fella ny vydh Yakob ow kemmeres meth, ha na fella ny vydh y fas gwannliwek;

Ysay 41:20

rag may hwello tus ha godhvos, ynwedh prederi ha konvedhes, y hwrug dorn an Arloedh hemma ha'n Sans a Ysrael dh'y formya.

Ysay 43:10

‘Hwi yw ow dustunioryon’, y lever an Arloedh, ha'm gwas a dhewisis, rag may hwodhvowgh ha krysi dhymm, ha konvedhes, my dhe vos ev. Kyns my ny veu Duw formys, na ny vydh nevra war ow lergh.

Ysay 45:14

Yndellma y lever an Arloedh: Gwayn lavur Ejyp ha gwara Ethiopia, ha pobel Sabea, gwer meur aga ughelder, a dheu dhis, ha bos dhis; i a hol war dha lergh ow tos dhis yn kadonyow. I a ombleg dhe'n dor a-ragos, ha pysi dhis, ow leverel, ‘Yma Duw genes yn sur, ha nyns eus nahen, nyns eus duwow saw ev.’

Ysay 45:17

Mes Ysrael a vydh selwys y'n Arloedh gans selwyans heb diwedh, ny'gas bydh meth na ny vydhowgh konfondys bys vykken.

Ysay 49:7

Yndellma y lever an Arloedh, Dasprenyas Ysrael, ha'y Sans, dhodho ev neb yw dispresys fest yn town, kasadow dhe'n kenedhlow, keth rewloryon: ‘Myghternedh a wel hag a sev, ha pennsevigyon a ombleg dhe'n dor, drefenn an Arloedh neb yw lel, an Sans a Ysrael, neb re'th tewisas.’

Ysay 50:7

An Arloedh Duw a'm gweres, ytho ny veuv konfondys; rakhenna my re settyas ow fas avel kellester, ha my a wonn na borthav meth.

Ysay 52:15

yndella marth a's tevydh lies kenedhel; myghternedh a dhege aga ganow a'y wovis, rag an pyth na via leverys dhedha, henna i a wel, ha'n pyth na glewsons, henna i a breder.

Ysay 52:6

Rakhenna ow fobel a wra aswonn ow hanow; rakhenna y'n jydh na i a woer my dhe vos neb a gews; awottavy.

Ysay 60:14

Mebyon an re a'th arwaskas a gerdh dhis ow plegya dhe'n dor, hag oll myns a'th tespityas a ombleg dhe'n dor orth godhnow dha dreys; hag i a'th elow Sita an Arloedh, Sion a Sans Ysrael.

Ysay 60:16

Dena leth an kenedhlow ty a wra, ha dena bronn myghternedh. Ena ty a woer my, an Arloedh, dhe vos dha Selwyas, ha'th Tasprenyas, an Galloesek a Yakob.

Ysay 60:3

Kenedhlow a dheu dhe'th wolow, ha myghternedh dhe splannder dha howldrevel.

Ysay 62:2

An kenedhlow a wel dha ewnder, hag oll myghternedh dha glori, Ty a vydh gelwys gans hanow nowydh a wra ganow an Arloedh y fastya.

Ysay 64:4

A-henys tus ny glewas, na ny woslowas skovarn, na ny welas lagas duw marnas ty, neb a ober ragdho ev neb a'n gorta.

Ezekiel 37:6

Ha my a worr warnowgh giow, ha gul kig dhe devi warnowgh, ha'gas kudha gans kneus; ha my a worr ynnowgh anall ha hwi a vew. Ena hwi a woer my dhe vos an Arloedh.’

Yoel 2:27

Hwi a wodhvydh my dhe vos yn mysk Ysrael, ha my dhe vos an Arloedh agas Duw, ha nyns eus nahen. Ha ny wra ow fobel perthi meth bynitha.

Mika 7:17

i a lap an doust kepar ha sarf, kepar ha pedrevanes an dor: i a dheu ow kwynnel a'ga skovvaow, a dheu a-rag a'n Arloedh gans krena, hag own a's tevydh ahanas.

Niverow 11:12

A wrug vy omdhoen ha dineythi oll an bobel ma? may leverri dhymm, “Gwra aga doen y'th askra, dell dheg mager flogh-dena, dhe'n tir a desys y ri dh'aga thasow”?

Matthew 25:16

Hag ev neb a dhegemmeras an pymp talent eth ha kenwertha gansa hag a wrug prow a bymp moy.

Romanyon 10:11

Rag an skryptor a lever, ‘Ny'n jevydh meth neb a grysso ynno.’

Romanyon 5:5

ha ny fyll govenek dhyn, rag kerensa Duw dhe vos dinewys yn agan kolonn der an Spyrys Sans re beu res dhyn.

Romanyon 9:33

dell yw skrifys, ‘Ottavy ow korra yn Sion men trebuchya, ha karrek a offens ha neb a grysso ynno, ny berth ev meth.’

1 Peder 2:6

Rag skrifys yw y'n Skryptor, ‘Otta, my a worr yn Sion men, pennmen dewisys, drudh, ha neb a grys ynno ny'n jevydh meth.’

Diskwedhyans 3:9

Otta, y hwrav gul dhedha a'n synaga a Satnas a lever aga bos Yedhewon, ha nyns yns, mes i a wowlever – otta, y hwrav gul dhedha dos dhe omblegya a-dherag dha dreys, ha godhvos my dhe'th kara.