Ysay 49:22 - An Bibel Kernewek 20234 (Kernewek Kemmyn)

²² Yndellma y lever an Arloedh Duw: Otta, my a dhrehav ow dorn dhe'n kenedhlow, ha settya ow baner yn-bann dhe'n poblow; i a dhre dha vebyon yn aga askra, ha'th vyrghes a vydh degys war aga diwskoedh.

Ysay 49:22 ပူးပေါင်းရင်းမြစ်များ

Luk 13:29

Hag i a dheu a'n howldrevel ha'n howlsedhes hag a'n kledh hag a'n dyghow hag esedha orth moes yn gwlaskor Duw.

Salmow 86:9

Oll an kenedhlow a wrussys a dheu hag omblegya a-dheragos, A Arloedh, ha gordhya dha hanow.

Malaki 1:11

Rag meur yw ow hanow yn mysk an kenedhlow, dhiworth an howldrevel ha bys an howlsedhes, hag yn pub le yma ynkys offrynnys dhe'm hanow, hag offrynn pur, rag meur yw ow hanow yn mysk an kenedhlow, yn-medh Arloedh an luyow.

Ysay 66:20

I a dhre oll agas breder dhiworth oll an kenedhlow avel offrynn dhe'n Arloedh, war vergh, hag yn charettow, hag yn gravathow, ha war vulyon, ha war gowrvergh, dhe'm menydh sans, Yerusalem, yn-medh an Arloedh, kepar dell dhre mebyon Ysrael offrynn yn lester glan dhe ji an Arloedh.

Ysay 49:12

Otta, an re ma a dheu a bellder, hag otta, an re ma a'n gledhbarth, hag a'n howlsedhes, ha'n re ma a bow Sinim.

Ysay 14:2

Poblow a's kemmer ha'ga dri dh'aga thyller aga honan. Chi Ysrael a's erit yn tir an Arloedh avel kethyon ha kethesow. I a wra dhe'n re a's kemmeras yn kethneth bos aga hethyon i, hag i a rewl an re a's arwaskas.

Salmow 72:17

Re dhurryo y hanow bys vykken; re bo y hanow fastys hedre vo an howl. Ena tus a omvennik dredho; an kenedhlow oll a'n gelow gwynnvys.

Salmow 72:8

Re'n jeffo maystri a vor dhe vor, ha dhiworth an avon bys yn pennow an norvys.

Salmow 22:27

Oll pennow an norvys a berth kov ha treylya dhe'n Arloedh; hag oll teyluyow an kenedhlow a wordh a-dheragos.

Salmow 102:22

pan yw an poblow omguntellys war-barth, ha'n gwlaskordhow, dhe servya an Arloedh.

Ysay 18:3

Oll trigoryon an norvys hag annedhysi an bys, pan vydh baner drehevys war an menydhyow, mirewgh! ha pan vydh hirgorn hwythys, klewewgh!

Ysay 43:6

My a lever dhe'n gledhbarth, ‘Daskorr i!’ ha dhe'n dhyghowbarth, ‘Na wra aga lesta! Dro ow mebyon a'n pellder ha'm myrghes a benn an norvys,

Ysay 62:10

Tremenewgh, tremenewgh der an yetys, pareusewgh fordh rag an bobel; drehevewgh, drehevewgh an fordh-veur, klerhewgh dhe-ves an meyn, drehevewgh baner rag an poblow.

Ysay 66:19

My a sett tokyn yn aga mysk, ha dannvon re a'n dhiankoryon anedha dhe'n kenedhlow, dhe Tarshish, dhe Put, ha dhe Lud, an re a denn an warak, dhe Tubal ha Yavan, an ynysow pell, na glewsons son ahanav, na weles ow glori; hag i a dhiskler ow glori yn mysk an kenedhlow.

Zekaria 8:22

Ha meur a boblow ha kenedhlow krev a dheu dhe hwilas Arloedh an luyow yn Yerusalem ha dhe bysi war an Arloedh.