Ysay 49:2 - An Bibel Kernewek 20234 (Kernewek Kemmyn)

² Ev a wrug ow ganow avel kledha lymm, yn skeus y dhorn ev a'm kudhas; ev a'm gwrug seth lymmys, yn goen y sethow ev a'm kelas.

Ysay 49:2 ပူးပေါင်းရင်းမြစ်များ

Salmow 91:1

Seul a drig yn skovva an Ughella a bowes yn-dann woskes an Ollgalloesek.

Eksodus 33:22

ha'm golewder ow tremena, my a wra dha worra yn fols y'n garrek, ha'th kudha gans ow dorn ha my ow tremena;

Ysay 11:4

mes ev a vreus an edhommogyon gans ewnder, hag ervira gans ewnder rag boghosogyon an norvys. Ev a wysk an norvys gans gwelenn y anow, ha gans spyrys y dhiwweus ev a ladh an tebelwas.

Ysay 42:1

Otta ow gwas neb a skoedhyav, ow den dewisys may lowenha ow enev ynno; my re worras ow Spyrys warnodho, ev a dheg gwirvreus yn-mes dhe'n kenedhlow.

Ysay 50:10

Piw yn aga mysk a berth own a'n Arloedh hag yw gostydh dhe lev y was? Ev neb a gerdh yn tewlder, neb na'n jeves golow, byttegyns ev a drest yn hanow an Arloedh, ha poesa war y Dhuw.

Ysay 50:4

An Arloedh Duw re ros dhymm taves an re yw dyskys, rag may hwodhviv fatell sostenav gans ger an den skwith. Myttin ha myttin ev a dhifun, ev a wra dhe'm skovarn difun rag goslowes kepar ha'n re yw dyskys.

Ysay 51:16

My re worras ow geryow yn dha anow, ha'th kudha yn skeus ow leuv, owth ystynn an nevow, hag ow fondya selyow an norvys, hag ow leverel dhe Sion, ‘Ty yw ow fobel.’

Yeremia 1:18

Rag, otta, my re'th wrug y'n jydh ma sita gerys, ha koloven a horn, ha fosow a vrons erbynn an tir kowal, erbynn myghternedh Yuda, erbynn aga fennternedh, erbynn aga oferysi, hag erbynn pobel an tir.

Hosea 6:5

Ytho my a's nadhas dre'n brofoesi, my a's ladhas dre eryow ow ganow; ow breusow eth war-ves avel golow.

Habakkuk 3:11

An howl ha'n loer a sevis stag yn aga annedh, i a omdennas a-rag golow dha sethow hag a-rag splannder dha wuw dewynnek.

Luk 23:46

Ha Yesu a grias gans lev ughel ha leverel, ‘A Das, y'th tiwleuv y kemmynnav vy ow spyrys.’ Hag ow leverel hemma, ev a anellas y spyrys yn-mes.

Efesianys 6:17

ha kemmerewgh an basnett a selwyans ha kledha an Spyrys, yw lavar Duw.

Ebrowyon 4:12

Rag ger Duw yw effeythus ha lymma ages pub kledha dewvinyek, ow kwana erna ranno enev ha spyrys, mellow ha mer, hag a yll breusi tybyansow ha mynnas an golonn.

Diskwedhyans 1:16

Ha ganso yn y dhorn dhyghow yth esa seyth sterenn, ha kledha lymm dewvinyek ow tos yn-mes a'y anow, ha'y fas kepar ha'n howl ow splanna yn y nerth.

Diskwedhyans 19:15

Ha kledha lymm a yn-mes a'y anow, may hwasko an kenedhlow ganso, hag ev a wra aga rewlya gans gwelenn horn, hag ev a drett gwinwask konnar sorr Duw Ollgalloesek.

Diskwedhyans 2:12

‘Ha dhe el an eglos yn Pergamum skrif: An taklow ma a lever ev ha ganso an kledha lymm dewvinyek:

Diskwedhyans 2:16

Kemmer edrek; poken dos dhiso yn skon a vynnav hag omladh er aga fynn gans kledha ow ganow.