Ysay 49:16 - An Bibel Kernewek 20234 (Kernewek Kemmyn)

¹⁶ Otta, my re'th gravyas war balv ow dorn, yma dha fosow pup-prys a-ragov.

Ysay 49:16 ပူးပေါင်းရင်းမြစ်များ

Eksodus 13:9

Hag y fydh dhis avel tokyn war dha dhorn hag avel kov yntra dha dhewlagas, may fo lagha an Arloedh yn dha anow; rag dre leuv grev an Arloedh re'th tros yn-mes a Ejyp.

An Gan a Ganow 8:6

Desedh vy avel sel war dha golonn, avel sel war dha vregh, rag bos kerensa mar grev avel ankow, hy avi mar dhibita avel ifarn; hy flammow yw lughes a dan, losk a'n kreffa.

Ysay 26:1

Y'n jydh na an gan ma a vydh kenys yn pow Yuda: Ni a'gan beus sita krev; ev a wra selwyans, avel fosow ha kerweyth.

Ysay 54:12

My a vynn gwruthyl dha bynaklys a rubiow, dha yetys a veryl, hag oll dha fos a veyn drudh.

Ysay 60:18

Freudh ny vydh klewys byth moy y'th tiredh, na terroes na distruyans y'th oryon, mes ty a elow dha fosow Selwyans, ha'th yetys Gormola.

Ysay 62:6

War dha fosow, A Yerusalem, my re settyas goelyadoryon; oll an jydh hag oll an nos nevra ny dewons. Hwi neb a with an Arloedh yn kov na vedhes taw dhywgh,

Ysay 62:7

ha na rewgh powes dhodho bys pan fastyo ha settya Yerusalem avel gormola y'n norvys.

Yeremia 17:1

Pegh Yuda yw skrifys gans toul-skrifa a horn, ha gans poynt a adamant gravys yw war legh aga holonn, ha war gern agas alteryow,

Yeremia 22:24

Dell vewav, yn-medh an Arloedh, kyn fe Konia mab Yehoyakim myghtern Yuda bysow ow leuv dhyghow, hwath alena my a'th torrsa

Haggay 2:23

Y'n jydh na, yn-medh Arloedh an luyow, my a'th kemmer, A Zerubbabel, ow gwas, mab Shealtiel, yn-medh an Arloedh, ha my a'th wra kepar ha bysow sel: rag my re'th tewisas, yn-medh Arloedh an luyow.