Ysay 49:14 - An Bibel Kernewek 20234 (Kernewek Kemmyn)

¹⁴ Mes yn-medh Sion, ‘An Arloedh re'm forsakyas, ow Arloedh re'm ankovas.’

Ysay 49:14 ပူးပေါင်းရင်းမြစ်များ

Salmow 13:1

Pygemmys prys A Arloedh? A wredh ow ankevi bynitha? Pygemmys prys y kudhydh dha fas dhiworthiv?

Salmow 22:1

Ow Duw, ow Duw, prag y'm gessys? Prag yth es'ta mar bell dhiworth ow selwyans, ha dhiworth geryow ow hynvann?

Salmow 31:22

Rag my a leveris y'm toeth, ‘Treghys ov vy a-dherag dha dhewlagas.’ Mes ty a glewas lev ow govynnadow pan griis vy warnas.

Ysay 40:27

Prag y leverydh, A Yakob, hag y kewsydh, A Ysrael, ‘Kudhys yw ow fordh rag an Arloedh, ha dispresys yw ow breus gans ow Duw’?

Ysay 49:13

Kenewgh yn lowen, A nevow, ha kri gans joy, A norvys; kenewgh yn lowen, A venydhyow! Rag an Arloedh re gonfortyas y bobel, ha kemmeres truedh a'y voghosogyon.

Ysay 49:15

A yll benyn ankevi an flogh orth hy bronn? po fyllel kemmeres truedh a vab hy thorr? I ynwedh a yll ankevi, mes my, ny'th ankovav.

Ysay 54:6

Rag an Arloedh re'th helwis, avel gwreg forsakys ha grevys yn spyrys, avel gwreg yowynkneth gour, pan yw hi tewlys dhe-ves, yn-medh dha Dhuw.

Yeremia 23:39

rakhenna otta, my a'gas ankev yn tien, ha'gas tewlel dhe-ves dhiworth ow fas, hwi ha'n sita a res dhywgh ha dh'agas tasow.

Yeremia 31:3

an Arloedh a omdhiskwedhas dhodho a-bell: My re'th karas gans kerensa heb diwedh; ytho gans tregeredh my re'th tennas.

Kynvannow 5:20

Prag y hwre'ta agan ankevi bys vykken, agan forsakya pub dydh oll?

Ezekiel 33:10

Ha ty, A vab den, lavar dhe ji Ysrael, Yndella y leversowgh, ‘Beghys on i gans agan kammweythresow ha'gan peghosow, ha ni a wra pedri ynna: ytho fatell vewyn?’