Ysay 49:10 - An Bibel Kernewek 20234 (Kernewek Kemmyn)

¹⁰ Ny's tevydh na nown na syghes, ny's gwask na toemmder na howl, rag ev neb a gemmer truedh anedha a vynn aga hembronk, ha ryb fentynyow dowr aga hevarwoedha.

Ysay 49:10 ပူးပေါင်းရင်းမြစ်များ

Ysay 14:1

Rag an Arloedh a gemmer truedh a Yakob, ha dewis Ysrael arta, ha ri powes dhedha war aga thiredh. Alyons a jun gansa, ha glena orth chi Yakob.

Ysay 25:4

Ty re beu dinas dhe'n den gwann, dinas dhe'n den truan yn y ahwer, skovva rag an gowas ha goskes rag toemmder. Rag anall turans yw kepar ha kowas a-has erbynn fos.

Ysay 32:2

Pubonan a vydh avel kudhva rag an gwyns, ha skovva rag an annawel, avel goverow dowr yn tir sygh, avel an skeus a garrek bras yn tir skwith.

Ysay 33:16

ev a vydh trigys y'n ughelderyow, dinasow an karregi a vydh y skovva; y vara a vydh res dhodho, ha ny fyll dowr dhodho.

Ysay 35:6

Ena an evredhek a lamm avel karow, ha taves an den avlavar a gan yn lowen. Rag dowr a derr yn-mes y'n gwylvos, ha goverow y'n difeythtir.

Ysay 35:7

An tir poeth a vydh poll kors, ha'n tir sygh a vydh fentynyow dowr. Y'n tyller mayth esa owrgeun ow krowedha, an gwels a vydh kors ha papyrus.

Ysay 4:6

Hi a vydh goskes dhe woskeusi rag syghor dydhweyth, ha skovva ha kudh rag tewedh ha glaw.

Ysay 40:11

Avel bugel ev a vag y flokk; gans y vregh ev a guntell y eyn ha'ga doen yn y askra; ev a hembronk yn hwar an re usi ow ri bronn.

Ysay 41:17

Pan hwila an voghosogyon ha'n edhommogyon dowr, ha nyns eus banna, ha krin yw aga thaves gans syghes, my an Arloedh a worthyp dhedha, my, Duw Ysrael, ny's gasav.

Ysay 43:19

Otta, y hwrav tra nowydh, lemmyn y hwra ev egina: a ny'n gwelowgh? My a wra hyns y'n difeythtir, avonyow y'n gwylvos.

Ysay 48:17

Yndellma y lever an Arloedh, dha Dhasprenyas, an Sans a Ysrael: My yw an Arloedh dha Dhuw, a'th tysk rag dha les dha honan, ha'th hembronk y'n fordh may tegoedh dhis mones ynni.

Ysay 48:21

Ny's tevo syghes pan y's hembronkas der an difeythyow, ev a wrug may resekka an dowr ragdha a'n garrek, ev a folsas an garrek, ha'n dowr a frosas yn-mes.

Ysay 51:14

Delivrys vydh yn skon an re gweskys dhe'n dor yn kargharow; ny verwons y'n pytt, na ny fyllons a vara.

Ysay 52:12

Rag ny wrewgh dos yn-mes yn fysk ha ny wrewgh mos yn fo, rag an Arloedh a a-ragowgh, ha Duw Ysrael a vydh agas gwithyas-delergh.

Ysay 54:10

Rag kyn fo an menydhyow removyes, ha'n breow kemmerys dhe-ves, ny vydh ow thregeredh removyes dhiworthis, na ny vydh ow hevambos a gres kemmerys dhe-ves, yn-medh an Arloedh, neb a gemmer truedh ahanas.

Ysay 54:8

Yn liv a gonnar my a gudhas ow fas dhiworthis pols, mes gans tregeredh heb diwedh my a gemmer truedh ahanas, yn-medh an Arloedh, dha Dhasprenyas.

Ysay 58:11

An Arloedh a'th hembronk prest, ha sostena dha enev yn tylleryow sygh ha krevhe dha eskern. Ty a vydh avel lowarth dowrhes, hag avel fenten dowr ma na fyll hy dowrow.

Ysay 65:13

Rakhenna yndellma y lever an Arloedh Duw, Otta, ow servysi a dheber mes hwi a'gas bydh nown; otta, ow servysi a yv mes hwi a'gas bydh syghes; otta, ow servysi a lowenha mes hwi a gemmer meth.

Yeremia 31:9

I a dheu yn-dann dhagrewi, ha gans konfort my a's hembronk, my a wra dhedha kerdhes ryb frosow dowr, yn fordh leven le ma na drebuchyons; rag my yw tas dhe Ysrael, hag Efraym yw ow hynsa-genys.

Ezekiel 34:23

My a dhrehav warnedha unn bugel, ow gwas Davydh, hag ev a's mag; ev a's mag, ha bos dhedha bugel.

Yona 4:8

Ha pan dhrehevis an howl, Duw a dhannvonas gwyns toemm dhiworth an howldrevel, ha'n howl a weskis war benn Yona, may klamderas. Hag ev a bysis may farwa, ow leverel, ‘Gwell dhymm yw merwel es bewa.’

Mika 7:14

Bugel dha bobel gans dha vagel, para dha eretons, hag a drig y honan yn koeswik y'n kres a dir feyth; peurens yn Bashan ha Gilead kepar hag y'n dydhyow koth.

Matthew 5:6

‘Gwynn aga bys an re a berth nown ha syghes ow yeuni war-lergh ewnder, rag i a vydh lenwys.

Yowann 6:35

Yesu a leveris dhedha, ‘My yw an bara a vewnans; neb a dheu dhymmo vy ny'n jevydh nown bynitha, ha neb a grys ynnov vy ny'n jevydh syghes nevra.