Ysay 48:9 - An Bibel Kernewek 20234 (Kernewek Kemmyn)

⁹ A-barth ow hanow my a dhelat ow sorr, a-barth ow gormola y'n lestav ragos, ma na'th tregghiv dhe-ves.

Ysay 48:9 ပူးပေါင်းရင်းမြစ်များ

Salmow 106:8

Byttegyns ev a's selwis a-barth y hanow, rag may hwrella dh'y wriansow nerthek bos aswonnys.

Salmow 143:11

Bewha vy, A Arloedh, a-barth dha hanow; a-barth dha ewnder doroy ow enev yn-mes a anken.

Salmow 25:11

A-barth dha hanow, A Arloedh, gav dhymm ow hammweyth, rag meur yw.

Salmow 78:38

Mes ev, leun a druedh, a avas aga hammweyth ha ny's distruis. Ha lieskweyth ev a dreylyas dhe-ves y sorr ha ny wrug dhe oll y gonnar difuna.

Salmow 79:9

Gweres dhyn ni, A Dhuw agan selwyans, a-barth golewder dha hanow; gwra agan delivra, ha kudh agan peghosow, a-barth dha hanow.

Lavarow Koth 19:11

Skians da a wra den lent dhe serri, hag yth yw glori dhodho skonya a aswonn kammwrians.

Ysay 30:18

Rakhenna an Arloedh a worta dhe vos grassyes orthowgh; ha rakhenna ev a sev dhe gemmeres truedh ahanowgh. Rag an Arloedh yw Duw a wirvreus, gwynnvys kemmys a'n gorta.

Ysay 37:35

My a vydh skoes dhe'n sita ma dh'y sawya a-barth dhymmo vy hag a-barth Davydh ow gwas.’

Ysay 43:25

My, my yw ev neb a dhefend dhe-ves dha dreuspassow a'm govis ow honan, ha ny borthav kov a'th peghosow.

Ysay 48:11

A'm govis vy, a'm govis evy y'n gwrav, rag fatell vydhav defolys? Ha'm glori ny'n rov dhe arall.

Ysay 65:8

Yndellma y lever an Arloedh: Dell yw an sugen hwath kevys yn bagas a rappys, ha den a lever, ‘Na wra y dhistrui, rag yma bennath ynno’, yn kettella my a wra a-barth ow servysi, heb distrui peub oll.

Yeremia 14:7

Kyn hwra agan drogoberow doen dustuni er agan pynn, A Arloedh, gwra neppyth a-barth dha hanow; rag agan dislelder yw meur; ni re beghas er dha bynn.

Ezekiel 20:14

My a wrug hemma a-barth ow hanow, ma na ve disakrys a-wel dhe'n kenedhlow, neb a's dres dhe-ves a-wel dhedha.

Ezekiel 20:22

Mes my a gildennas ow leuv dhe-ves, hag oberi a-barth ow hanow, ma na ve disakrys a-wel dhe'n kenedhlow, may hwrug vy aga dri yn-mes yn aga gwel.

Ezekiel 20:44

Hwi a woer my dhe vos an Arloedh pan wrav vy yn ta genowgh a-barth ow hanow, a-der war-lergh agas drog fordhow ha'gas gwriansow legrys, a ji Ysrael, yn-medh an Arloedh Duw.

Ezekiel 20:9

Mes my a'n gwrug a-barth ow hanow, ma na vo disakrys a-wel dhe'n kenedhlow mayth esons yn aga mysk, may feuv aswonnys dhedha a-wel dhedha, orth aga dri yn-mes a bow Ejyp.

Ezekiel 36:21

Mes y feu bern dhymm rag ow hanow sans a wrussa chi Ysrael y dhisakra yn mysk an kenedhlow may teuthons di.

Yoshua 7:9

An Kananysi hag oll annedhysi an tir a glew anodho, ha'gan kyrghynna, ha treghi dhe-ves agan hanow dhiworth an tir. Ena pandr'a wre'ta rag dha hanow bras?’

1 Samuel 12:22

Rag ny wra an Arloedh forsakya y bobel, a-barth y hanow meur, drefenn bos plegadow dhe'n Arloedh agas gwruthyl y bobel.