Ysay 48:8 - An Bibel Kernewek 20234 (Kernewek Kemmyn)

⁸ Naneyl ny glewsys, na ny wodhves, a'n termyn koth ny veu dha skovarn igerys; rag y hwodhyen ty dhe vos pur draytus, hag a'th enesigeth ty a veu henwys dislel.

Ysay 48:8 ပူးပေါင်းရင်းမြစ်များ

Salmow 40:6

Nyns osta hwansek dhe sakrifis hag offrynn; mes ty re igoras ow diwskovarn. Offrynn leskys hag offrynn peghes ny wovynnsys.

Salmow 51:5

Otta, yn kammweyth y feuv vy dineythys, hag yn pegh y'm omdhuk ow mamm.

Salmow 58:3

An debeles yw estrenyon dhiworth an brys; i a wander yn stray kettell vons dineythys, ow kowleverel.

Ysay 21:2

Gwelesigeth asper yw disklerys dhymm; an traytour a drayt, an gwastyer a wast. Yskynn, Elam, gwra esedhva, Media; my a wrug dhe oll hy hanasow hedhi.

Ysay 26:11

A Arloedh, drehevys yw dha leuv, mes ny's gwelons. Gwelens i dha avi rag dha bobel ha perthi meth; gas dhe'n tan gwithys rag dha eskerens aga devorya.

Ysay 33:1

Go-jy, ty dhistruer, mes ny veus distruys; ty a draytas, mes nagonan ny wrug dha drayta. Pan astelydh distrui, ty a vydh distruys; pan astelydh trayta, i a wra dha drayta.

Ysay 42:25

Ytho ev a dhinewis warnodho toemmder y sorr, ha nerth an gas. Ev a worras tan ynno a-derdro, mes ny gonvedhas, ev a'n loskas, mes ny'n kemmeras yn y golonn.

Ysay 46:8

Perthewgh kov a hemma ha prederewgh; avisewgh arta yn agas kolonn, hwi dhrogoberoryon.

Ysay 47:11

Mes drog a dheu warnas, na' fydh y dhefendya dre soena. Terroes a goedh warnas, na' fydh y woheles, hag a-dhistowgh y teu distruyans warnas, ma na wodhes anodho travyth.

Ysay 48:4

Drefenn my dhe wodhvos dha vos gorth, ha'th konna dhe vos giowenn a horn, ha'th tal dhe vos brest,

Ysay 48:7

Lemmyn yth yns i gwrys, a-der yn termyn passys, kyns an jydh hedhyw ny glewsys anedha, bys ma na ylli leverel, ‘My a's godhva seulabrys.’

Ysay 50:5

An Arloedh Duw re igoras ow skovarn, ha nyns en vy gorth, ny dreylis war-dhelergh.

Ysay 57:4

Piw y hwredh ges anodho? Piw yth igerydh dha vin er y bynn ha gorra dha daves mes? A nyns owgh hwi fleghes a gammweythres, has a wowegneth?

Yeremia 3:20

Yn sur dell dhiberth gwreg yn traytus a-dhiworth hy gour, yndellma hwi re beu dislel dhymm, A ji Ysrael, yn-medh an Arloedh.

Yeremia 5:11

Rag chi Ysrael ha chi Yuda re beu fest traytus er ow fynn, yn-medh an Arloedh.

Yeremia 5:21

Klewewgh hemma lemmyn, A bobel dhiboell, ha heb konvedhes; neb a's teves lagasow ha ny welons; neb a's teves skovornow, ha ny glewons.

Yeremia 6:10

Piw y kowsav dhodho, ha ri gwarnyans, may klewvons? Otta, aga skovarn yw antrodreghys, ha ny's teves goslowes; otta, ger an Arloedh yw keredh dhedha; ny's teves lowender ynno.

Hosea 5:7

I re draytas an Arloedh, ha dineythi fleghes direyth. Lemmyn an loer nowydh a wra aga dybri war-barth gans aga rannow a dir.

Hosea 6:7

Mes i re dorras an kevambos avel Adam: ena i re'm traytas.

Hosea 7:9

Estrenyon re dhevoryas y nerth, ha ny woer. Blew loes yw lesys warnodho, ha ny woer.

Malaki 2:11

Yuda re beu dislen, ha neppyth kasadow re beu gwrys yn Ysrael ha Yerusalem: rag Yuda re dhisakras an sentri a wra an Arloedh y gara, ha re dhemmedhis an vyrgh a dhuw astranj.

Efesianys 2:3

hag yn aga mysk, ni oll ynwedh a wre omdhegi kyns yn yeunadow agan kig, ow kul hwansow an kig ha'n prederow, hag yth en ni dre natur fleghes sorr kepar ha'n re erell ynwedh.

Dewteronomi 31:16

Ha'n Arloedh a leveris dhe Moyses, ‘Otta, ty a gosk gans dha dasow, ha'n bobel ma a dhrehav ha horya war-lergh duwow astranj an tir mayth ons dhi yn aga mysk. I a'm forsak ha terri ow hevambos a wrugavy gansa.

Dewteronomi 31:18

My a gudh ow fas sertan y'n jydh na, drefenn oll an drog re wrussons, ow treylya dhe dhuwow erell.