A henedh, gwelewgh ger an Arloedh. A veuv gwylvos dhe Ysrael, po tir a dewlder? Ytho prag y lever ow fobel, ‘Ni yw rydh dhe wandra; ny dheun dhis namoy’?
Diskleryewgh yn mysk an kenedhlow ha derivewgh, sevewgh baner ha derivewgh, na'n kudhewgh, leverewgh: Babylon yw kemmerys, Bel yw gorrys dhe veth, Merodak yw dyegrys. Hy imajys yw gorrys dhe veth, hy idolyow yw digolonnek.
Ny wrav agas henwel gwesyon na fella, rag ny woer an gwas pandr'a wra y vester; mes my re'gas henwis kowetha, rag pup-tra a wrug vy klewes a'w Thas my a wrug y dheklarya dhy'hwi.
Mes hwi a dhegemmer nerth pan dheu an Spyrys Sans warnowgh, ha dustunioryon vydhowgh dhymm, hag yn Yerusalem hag yn oll Yudi ha Samaria ha bys penn pella an norvys.’
Mes, dell yw skrifys, ‘An pyth na welas lagas bythkweth ha na glewas skovarn ha na dheuth yn kolonn mab-den, an pyth re beu darbarys gans Duw dhe'n re a'n kar’ –
Wosa hemma my a viras, hag otta daras igerys y'n nev, ha'n kynsa lev a glewis kepar ha hirgorn ow kewsel genev, ow leverel, ‘Deus yn-bann omma, ha my a vynn diskwedhes dhis an taklow a res hwarvos wosa hemma.’