Ysay 48:4 - An Bibel Kernewek 20234 (Kernewek Kemmyn)

⁴ Drefenn my dhe wodhvos dha vos gorth, ha'th konna dhe vos giowenn a horn, ha'th tal dhe vos brest,

Ysay 48:4 ပူးပေါင်းရင်းမြစ်များ

2 Myghternedh 17:14

Ny vynnsens goslowes mes kales aga hilbenn ens, dell ens aga thasow na grysi y'n Arloedh aga Duw.

2 Kroniklys 30:8

Na vedhewgh kales agas kilbenn lemmyn dell vedha agas tasow; ystynnewgh leuv dhe'n Arloedh ha dewgh dh'y sentri, re sakras bys vykken, ha servyewgh an Arloedh rag may treyllyo y gonnar dhiworthowgh.

2 Kroniklys 36:13

Ev a rebellyas ynwedh erbynn myghtern Nebukadnessar, neb re wrussa dhodho gul ti re Dhuw; ev a galeshas y gilbenn ha kaleshe y golonn erbynn treylya dhe'n Arloedh, Duw Ysrael.

Nehemia 9:28

Mes wosa i dhe gavoes powes, i a wrug drog arta a-dheragos; ytho ty a's gasas yn leuv aga eskerens, hag i a rewlyas warnedha. Pan grisons dhis arta, ty a's klewas dhiworth nev, ha lieskweyth ty a's delivras herwydh dha versi.

Salmow 75:5

Na dhrehevewgh agas korn mar ughel, ha na gewsewgh howtyn dha gonna.’

Salmow 78:8

Ha ma na vens avel aga thasow, henedh gorth ha dislen; henedh na veu fyrv aga holonn, ha nag esa aga spyrys len gans Duw.

Eksodus 32:9

Ha'n Arloedh a leveris dhe Moyses, ‘My re welas an bobel ma, hag otta, yth yw pobel kales hy hilbenn;

Eksodus 33:3

Ke dhe dir a dhinwa leth ha mel; mes ny wrav mos y'n kres ahanas, ma na'th kowllytthiv, rag pobel kales hy hilbenn yth os.’

Eksodus 33:5

Rag an Arloedh re lavarsa dhe Moyses, ‘Lavar dhe vebyon Ysrael, “Ty yw pobel kales dha gilbenn; mar teffen unn pols y'n kres ahanas, my a'th kowlladhsa. Ytho, diwisk dha degynnow a-dhiworthis, may hwodheffiv an pyth dhe wul genes.” ’

Eksodus 9:7

Ha Faro a dhannvonas, hag otta, nyns o marow nagonan a warthek Ysrael. Mes kolonn Faro o kaleshes ha ny asas an bobel dhe vones.

Lavarow Koth 29:1

Gour neb yw keredhys fest yn fenowgh, hag a bes kales y gilbenn, a vydh brewys distowgh, ha ny vydh eli.

Ysay 30:9

Rag homm yw pobel dhiwostydh, mebyon wowek, mebyon na vynn klewes lagha an Arloedh;

Ysay 46:12

Goslowewgh orthiv, hwi hardh agas kolonn, hwi neb yw pell a ewnder:

Yeremia 19:15

Yndellma y lever Arloedh an luyow, Duw Ysrael: Otta, my a dhre war an sita ma hag oll hy threvow oll an drogedh re gewsis er hy fynn, drefenn i dhe galeshe aga hilbenn ma na glewvens ow geryow.

Yeremia 3:3

Rakhenna an kowasow re beu skonys, ha ny dheuth an glaw diwedhes; ha ty a'th o tal hora, ty a naghas kemmeres meth.

Yeremia 5:3

A Arloedh, a nyns yw dha lagas war an gwirder? ty re's gweskis mes ny wodhevons payn; ty re's diswrug, mes i re naghas degemmeres dyskybleth: i re wrug aga fasow kalessa ages karrek; i re naghas dehweles.

Yeremia 7:26

mes ny woslowsons orthiv, na ny blegsons aga skovarn, mes i a galeshas aga hilbenn. I a wrug gweth ages aga thasow.

Ezekiel 2:4

Mebyon penn-kales yns i ha gorth aga holonn; yth esov orth dha dhannvon dhedha. Lavar dhedha, ‘Yndellma y lever an Arloedh Duw.’

Daniel 5:20

Mes pan veu ughelhes y golonn ha kaleshes y spyrys, may tyghtyas gans goeth, y feu tennys a'y dron ryel, ha'y enor a veu degemmerys dhiworto.

Oberow 7:51

‘A hwi kales agas kilbenn, hag antrodreghys yn agas kolonn hag yn agas diwskovarn, pup-prys y sevowgh erbynn an Spyrys Sans, kepar dell wre agas tasow, yndella hwi ynwedh a wra.

Romanyon 2:5

Mes dre dha golonn gales hag anedrek yth esos ow kreuni konnar ragos dha honan y'n jydh a gonnar may fo diskwedhys ynno breus gwiryon Duw.

Dewteronomi 10:16

Trodreghewgh ytho kudhgenn agas kolonn, na vedhewgh kales agas kilbenn namoy.

Dewteronomi 31:27

Rag my a woer fatell osta diwostydh ha kales dha gilbenn. Ha my hwath yn few genowgh hedhyw, hwi re beu diwostydh erbynn an Arloedh: pyseul dhe voy wosa ow mernans.

Ebrowyon 3:13

Mes ynniewgh an eyl y gila pub dydh, hedre vo gelwys ‘Hedhyw’, ma na vowgh kaleshes dre doell peghosow.