Ysay 48:3 - An Bibel Kernewek 20234 (Kernewek Kemmyn)

³ My a dharleveris an kynsa taklow nans yw pell, i eth yn-mes a'm ganow, my a's dellos; ena a-dhistowgh my a's gwrug, hag i a hwarva.

Ysay 48:3 ပူးပေါင်းရင်းမြစ်များ

Ysay 42:9

Otta, an taklow dargenys kyns, hwarvedhys yns, ha taklow nowydh a dherivav lemmyn; kyns i dhe egina anedha y terivav orthowgh.

Ysay 41:22

Degens i ha derivens dhyn an pyth a hwyrvydh, derivens an taklow tremenys, pyth yns, rag may prederryn a-dro dhedha, rag may hwodhvyn aga siwyans; po derivewgh dhyn an taklow yw dhe dhos.

Yoshua 21:45

Ny fyllis nagonan a'n ambosow da re gowssa an Arloedh dhe ji Ysrael; pubonan oll a veu kollenwys.

Ysay 45:21

Dyllewgh ha profyewgh agas ken; omgusulyens i war-barth. Piw a dharleveris hemma nans yw pell? Piw a'n dhellos seuladhydh? A nyns o my, an Arloedh? Nyns eus Duw a-der my, Duw gwiryon ha Selwador, nyns eus nagonan a-der my.

Ysay 43:9

Oll an kenedhlow re dheuth war-barth ha'n poblow res omguntellas. Piw yn aga mysk a dherivas hemma, ha darleverel an taklow kyns? Degens aga dustunioryon rag aga justifia, ha klewens ha leverens, ‘Gwir yw.’

Ysay 37:7

Ottavy ow korra ynno spyrys, ha pan glew kyhwedhel, ev a dhehwel dh'y bow y honan; ha my a wra dhodho koedha der an kledha yn y bow y honan.” ’

Ysay 37:29

Rag ty dhe gonneri er ow fynn ha'th valghder dhe dhos dhe'm diwskovarn, my a worr ow hig y'th troen, ha'm genva y'th tiwweus, ha my a wra dhis dehweles war an fordh may teuthys warnedhi.

Ysay 29:5

Mes routh dha estrenyon a vydh avel ponn, ha'n routh fell a vydh avel us ow tremena dhe-ves. Ena yn pols, distowgh,

Ysay 30:13

rakhenna an kammweyth ma a vydh ragowgh avel aswa yn fos ughel parys dhe goedha, deantell, balek, may teu hy thorrva distowgh, a-dhesempis.

Ysay 41:27

My re beu an kynsa neb a dherivas dhe Sion, ‘Awottensi!’ My a re dhe Yerusalem kannas a nowodhow da.