Ysay 48:21 - An Bibel Kernewek 20234 (Kernewek Kemmyn)

²¹ Ny's tevo syghes pan y's hembronkas der an difeythyow, ev a wrug may resekka an dowr ragdha a'n garrek, ev a folsas an garrek, ha'n dowr a frosas yn-mes.

Ysay 48:21 ပူးပေါင်းရင်းမြစ်များ

Nehemia 9:15

Ty a ros dhedha bara dhiworth nev rag aga nown, ha dri dowr ragdha yn-mes a'n garrek rag aga syghes, ha ty a leveris dhedha mayth ellens a-ji dhe erita an pow re doses gans leuv drehevys y ri dhedha.

Nehemia 9:20

Ty a ros dha spyrys da dh'aga dhyski ha ny skonsys dha vanna a'ga ganow hag a ros dhedha dowr rag aga syghes.

Salmow 105:41

Ev a igoras an garrek, ha'n dowrow a dhewragas; avonyow a resas y'n syghtiryow.

Salmow 74:15

Ty a folsas an fenten ha'n fros; ty a dhesyghas avonyow prest ow resek.

Salmow 78:15

Ev a folsas an karregi y'n difeyth, hag a ros diwes dhedha, kepar ha pan dheffa yn-mes a dhownderyow meur.

Salmow 78:16

Ev a dhros frosow yn-mes a'n garrek hag a wrug dhe dhowrow dewraga kepar hag avonyow.

Salmow 78:20

Otta, ev a weskis an garrek may tewragas an dowrow, ha'n frosow a fennas. Mes a yll ev ri bara ynwedh, po darbari kig dh'y bobel?’

Eksodus 17:6

Otta, my a sev a-ragos ena war an garrek yn Horeb, ha ty a wra gweskel an garrek, ha dowr a wra dos anedhi mayth effo an bobel.’ Ha Moyses a wrug yndella a-wel henavogyon Ysrael.

Ysay 30:25

War bub menydh ughel ha pub bre ughel y fydh goverow ow resek gans dowr, yn dydh an ladhva vras pan goedh an touryow.

Ysay 49:10

Ny's tevydh na nown na syghes, ny's gwask na toemmder na howl, rag ev neb a gemmer truedh anedha a vynn aga hembronk, ha ryb fentynyow dowr aga hevarwoedha.

Yeremia 31:9

I a dheu yn-dann dhagrewi, ha gans konfort my a's hembronk, my a wra dhedha kerdhes ryb frosow dowr, yn fordh leven le ma na drebuchyons; rag my yw tas dhe Ysrael, hag Efraym yw ow hynsa-genys.

Niverow 20:11

Ha Moyses a dhrehevis y dhorn ha gweskel an garrek gans y welenn diwweyth; ha dowr a dheuth yn-mes yn lanwes, ha'n kuntelles a evas, ha'ga chatel.