Ysay 48:20 - An Bibel Kernewek 20234 (Kernewek Kemmyn)

²⁰ Kewgh yn-mes a Babylon, fiewgh dhiworth Kaldea, dyllewgh hemma gans garm a lowender, ha'y dherivas, dannvenewgh e bys yn penn an norvys; leverewgh, ‘An Arloedh re dhasprenas Yakob y was.’

Ysay 48:20 ပူးပေါင်းရင်းမြစ်များ

2 Samuel 7:23

Piw yw haval dhe'th pobel, haval dhe Ysrael, kenedhel dhibarow y'n norvys, neb eth Duw dh'y dasprena avel pobel ragdho y honan, ha dhe wul hanow ragdho, ha dhe wul ragowgh traow bras hag euthyk, rag dha wlas, a-dherag dha bobel, a dhasprensys ragos dha honan dhiworth Ejyp, a-dhiworth an kenedhlow ha'ga duwow?

Ezra 2:1

Ytho an re ma o mebyon an rannvro esa ow tos yn-bann mes a'n gethneth, a-dhiworth an dus re bia kemmerys yn-mes, a wrussa Nebukadnessar myghtern Babylon aga divroa dhe Babylon; hag i a dheuth arta dhe Yerusalem ha dhe Yuda, pub huni dh'y dre y honan.

Salmow 126:1

Pan dreylyas an Arloedh kethneth Sion, yth en ni kepar ha'n re owth hunrosa.

Ysay 12:1

Y'n jydh na ty a lever: My a'th wormel, A Arloedh, rag kyn feus serrys orthiv, dha sorr re dreylyas dhe-ves, ha ty a'm konfortyas.

Ysay 12:4

Y'n jydh na hwi a lever: Gormelewgh an Arloedh, gelwewgh war y hanow; gwrewgh y wriansow godhvedhys yn mysk an poblow, deklaryewgh y hanow dhe vos ughelhes.

Ysay 24:14

I a dhrehav aga lev, ha garma gans lowena; i a gri dhiworth an howlsedhes a-dro dhe veuredh an Arloedh.

Ysay 26:1

Y'n jydh na an gan ma a vydh kenys yn pow Yuda: Ni a'gan beus sita krev; ev a wra selwyans, avel fosow ha kerweyth.

Ysay 42:10

Kenewgh dhe'n Arloedh kan nowydh, y wormola dhiworth penn an norvys! Tarannes an mor ha pup-tra eus ynno, an arvoryow ha'ga thrigoryon.

Ysay 43:1

Ha lemmyn yndellma y lever an Arloedh, ev neb a'th wrug, A Yakob, hag ev neb a'th formyas, A Ysrael: Na borth own, rag my re'th prenas ha re'th henwis orth hanow, dhymmo vy yth os.

Ysay 44:22

My re skubas dhe-ves dha dreuspassow avel kommolenn, ha'th peghosow avel niwl; dehwel dhymm, rag my re'th tasprenas.

Ysay 48:6

Ty re glewas; lemmyn gwel oll hemma; hag a ny vynnowgh y dhyllo? Alemma rag my a wra dhis klewes taklow nowydh, taklow kudhys na wodhyes.

Ysay 49:13

Kenewgh yn lowen, A nevow, ha kri gans joy, A norvys; kenewgh yn lowen, A venydhyow! Rag an Arloedh re gonfortyas y bobel, ha kemmeres truedh a'y voghosogyon.

Ysay 49:6

yn-medh ev: ‘Tra re drufel ragos yw ty dhe vos ow gwas, rag drehevel loethow Yakob, ha dri arta an re withys a Ysrael. My a'th re avel golow dhe'n kenedhlow, rag mayth hettho ow selwyans dhe bennow an norvys.’

Ysay 51:14

Delivrys vydh yn skon an re gweskys dhe'n dor yn kargharow; ny verwons y'n pytt, na ny fyllons a vara.

Ysay 52:10

An Arloedh re dhislennis y vregh sans a-rag dewlagas an kenedhlow oll, hag oll pennow an norvys a wel selwyans agan Duw.

Ysay 52:11

Treylyewgh, treylyewgh, dewgh yn-mes alena, na dochyewgh tra avlan. Dewgh yn-mes anodho ha bedhewgh glan, hwi neb a dheg lestri an Arloedh.

Ysay 52:9

Germewgh gans joy, hwi vagoryow a Yerusalem; rag an Arloedh re gonfortyas y bobel, ev re dhasprenas Yerusalem.

Ysay 62:11

Otta, an Arloedh re dherivas dhe benn an norvys: Leverewgh dhe vyrgh Sion, ‘Otta, dha selwyans a dheu; otta yma y wober ganso, ha'y attal a-ragdho.’

Ysay 63:9

yn oll aga anken. Nyns o kannas nag el mes y lok ev a's sawyas. Yn y gerensa hag yn y druedh ev a's dasprenas; ev a's drehevis ha'ga doen oll an dydhyow koth.

Yeremia 31:10

Klewewgh ger an Arloedh, hwi genedhlow, ha'y dhisklerya dhe'n ynysow pell; leverewgh, ‘Ev neb a skattras Ysrael a wra y guntell, ha'y witha par dell wra an bugel y flokk.’

Yeremia 31:11

Rag an Arloedh re dhasprenas Yakob, ha'y dhelivra a leuv re grev ragdho.

Yeremia 31:21

Drehav arwoedhyow-fordh, gwra dhis postow kevarwoedh; gorr dha golonn troha'n fordh-veur, an fordh mayth ythys. Treyl arta, A wyrghes Ysrael, treyl arta dhe'n sitys ma usi dhis.

Yeremia 50:2

Diskleryewgh yn mysk an kenedhlow ha derivewgh, sevewgh baner ha derivewgh, na'n kudhewgh, leverewgh: Babylon yw kemmerys, Bel yw gorrys dhe veth, Merodak yw dyegrys. Hy imajys yw gorrys dhe veth, hy idolyow yw digolonnek.

Yeremia 50:28

Klewir son an re a fi, hag a skap yn-mes a bow Babylon, dhe dheklarya yn Sion dial an Arloedh agan Duw, dial rag y dempel.

Yeremia 50:8

Fiewgh a gres Babylon, kewgh dhe bow an Kaldeanys, ha bedhewgh avel boghes a-rag an flokk.

Yeremia 51:45

Dewgh yn-mes anedhi, ow fobel! Sawyewgh agas bewnans, peub ahanowgh, a-dhiworth sorr fers an Arloedh!

Yeremia 51:48

Ena an nevow ha'n nor ha peub eus ynna, a arm rag lowender war Babylon; rag an dhistruoryon a dheu er aga fynn yn-mes a'n gogledh, yn-medh an Arloedh.

Yeremia 51:6

Fiewgh yn-mes a Babylon, re sawyo peub y vewnans! Na ewgh dhe goll drefenn hy anewnder, rag hemm yw termyn dial an Arloedh; ev a attal dhedhi hy gober.

Zekaria 10:8

My a wra aga huntelles gans hwiban, rag my re wrug aga dasprena. I a vydh niverus kepar dell vons kyns.

Zekaria 2:10

Kan ha lowenha, A Vyrgh Sion, rag awotta, yth esov vy ow tos, ha my a wra triga y'th fysk, yn-medh an Arloedh.

Dewteronomi 30:4

Mar pe re a'th tivresow skattrys bys amal nev, alena y hwra an Arloedh dha Dhuw dha guntell hag alena y hwra dha gemmeres.

Diskwedhyans 18:20

Lowenhewgh warnedhi, a nev, ha hwi syns, hag abesteli, ha profoesi, rag Duw re ros dhywgh gwirvreus er hy fynn.

Diskwedhyans 18:4

Ha my a glewas ken lev dhiworth nev, ow leverel, ‘Dewgh yn-mes anedhi, ow fobel, ma na vewgh kevrennogyon a'y feghosow, ha ma na dhegemmerrowgh a'y flaow.