Ysay 48:2 - An Bibel Kernewek 20234 (Kernewek Kemmyn)

² Rag i a omhenow war-lergh an sita sans, ha fydhya yn Duw Ysrael; Arloedh an luyow yw y hanow.

Ysay 48:2 ပူးပေါင်းရင်းမြစ်များ

Nehemia 11:1

Yth esa trigys hembrenkysi an bobel yn Yerusalem ha remenant an bobel a dewlis prenn dhe dhewis unn deylu mes a bub deg dhe driga yn Yerusalem, an sita sans, ha'n naw arall yn trevow erell.

Nehemia 11:18

Oll an Levysi y'n sita sans o dew kans peswar ha peswar ugens.

Salmow 48:1

Meur yw an Arloedh, ha gwiw dhe vos gormelys yn feur yn sita agan Duw, yn y venydh sans.

Salmow 87:3

Taklow gloryus a vydh kewsys ahanas, ty sita Duw. Sela.

Ysay 10:20

Y'n jydh na remenant Ysrael, ha'n re a skapyas dhiworth chi Yakob, ny besyons na fella kregi war an den a's gweskis, mes i a greg war an Arloedh, Sans Ysrael.

Ysay 47:4

Agan dasprenyas, Arloedh an luyow y hanow, an Sans a Ysrael.

Ysay 51:13

Ty re ankovas an Arloedh, dha Wrier, neb a lesas an nevow hag a fondyas selyow an norvys. Oll an jydh ty a berth own, drefenn konnar an gwasker, neb a'n jeves mall a dhistrui. Mes ple'ma konnar an gwasker?

Ysay 51:15

Rag my yw an Arloedh, dha Dhuw, neb a ankres an mor, may tarenno an tonnow; Arloedh an luyow yw ow hanow.

Ysay 52:1

Difun, difun, gwisk dha nerth, A Sion! Gwisk dha dhillas teg, A Yerusalem, an sita sans; rag ny enter ynnos na fella den antrodreghys nag avlan.

Yeremia 10:16

Nyns yw rann Yakob avella: rag ev yw formyer pup-tra hag Ysrael yw gwelenn y eretons: Arloedh an luyow yw y hanow.

Yeremia 21:2

‘Govynn, my a'th pys, orth an Arloedh ragon; rag Nebukadnessar myghtern Babylon a werr er agan pynn; martesen an Arloedh a wra gwrians marthys ragon, may kildenno a-dhiworthyn.’

Yeremia 44:26

Rakhenna klewewgh ger an Arloedh, hwi oll a Yuda usi trigys yn pow Ejyp: Otta, my a de der ow hanow meur, yn-medh an Arloedh, na vydh ow hanow leverys yn ganow gour vyth a Yuda yn pow Ejyp oll, ow leverel, “Dell vew an Arloedh.”

Daniel 9:24

‘Deg seythun ha tri-ugens yw ervirys rag dha bobel, ha rag dha sita sans, rag gorfenna an treuspass, rag gorra sel war beghes, ha gul prenedh rag kammweyth; rag dro ewnder hag a dhur bys vykken, ha selya an welesigeth profoesek, ha rag untya an tyller an moyha sans.

Mika 3:11

Hy fennow a re breus rag falswober, hy oferysi a dhysk rag arveth, hy frofoesi a dhargan rag arghans; hag i ow poesa war an Arloedh, ow leverel, ‘A nyns usi an Arloedh yn agan mysk? Ny wra drog vyth dos warnan.’

Matthew 27:53

hag i a dheuth yn-mes a'n bedhow wosa y dhasserghyans, ha mos y'n sita sans hag omdhiskwedhes dhe lies huni.

Matthew 4:5

Ena an jowl a'n kemmeras dhe'n sita sans hag a'n settyas war bynakyl an tempel,

Romanyon 2:17

Mes mara'th henwir Yedhow ha fydhya a wredh y'n lagha ha bostya yn Duw

Diskwedhyans 11:2

Mes gwra goheles an klos usi a-ves dhe'n tempel, ha na wra y vusura rag y vos res dhe'n Jentilys; hag i a wra trettya an sita sans dew vis ha dew-ugens.

Diskwedhyans 21:2

Ha my a welas an sita sans, Yerusalem nowydh, ow tiyskynna yn-mes a nev dhiworth Duw, parys kepar ha benyn bries afinys rag hy gour.

Diskwedhyans 22:19

ha den mar kemmer dhe-ves travyth dhiworth lavarow rol an profoesans ma, Duw a gemmer y rann dhiworth an wydhenn a vewnans hag yn-mes a'n sita sans yw deskrifys y'n rol ma.

Breusysi 17:13

Ena Mika a leveris, ‘Lemmyn my a woer an Arloedh dhe wul da dhymm, drefenn an Levyas dhe vos ha bos ow oferyas.’