Ysay 48:13 - An Bibel Kernewek 20234 (Kernewek Kemmyn)

¹³ Ow dorn a fondyas an norvys, ha'm dorn dhyghow a lesas an nevow; pan y's galwav, i a sev a-ragov war-barth.

Ysay 48:13 ပူးပေါင်းရင်းမြစ်များ

Ysay 40:26

Drehevewgh yn-bann agas dewlagas, ha gwelewgh: piw a wrug an re ma? Ev neb a dheg yn-mes aga lu, orth aga nivera, ha'ga gelwel pubonan orth hanow; der y nerth meur ha'y alloes krev ny fyll onan vyth.

Ysay 45:18

Rag yndellma y lever an Arloedh, Kreador an nevow, Duw yw ev; ev a formyas an norvys ha'y wruthyl; ev a'n fastyas, ny'n kreatyas dhe vos gwag, ev a'n formyas dhe vos annedhys: My yw an Arloedh, nyns eus arall.

Salmow 102:25

Wostalleth y selsys an nor, ha'n nevow yw ober dha dhiwleuv.

Eksodus 20:11

rag yn hwegh dydh an Arloedh a wrug nev ha nor, an mor, ha myns eus ynna, ha powes y'n seythves dydh; ytho an Arloedh a vennigas an seythves dydh ha'y sanshe.

Ysay 42:5

Yndellma y lever Duw, an Arloedh, neb a wrug an nevow ha'ga ystynn, neb a lesas an norvys ha'n pyth a dheu anodho, neb a re anall dhe'n bobel usi warnodho, ha spyrys dhe'n re a gerdh ynno:

Ysay 40:12

Piw yw re vusuras an dowrow yn palv y leuv, ha re verkyas an nevow gans dornva, ha re synsis doust an bys yn musurva, ha re boesas an menydhyow yn mantol ha'n breow yn balans?

Ysay 40:22

Ev a esedh war gylgh an bys, ha'y drigoryon avel kulyoges-reden yth yns; ev a ystynn an nevow avel vayl, hag a's les avel tylda ynno may trigir.

Salmow 147:4

Ev a amont niver an ster, ev a re henwyn dhe bubonan anedha.

Job 37:18

A yllydh, kepar hag ev, ystynn an nevow, mar grev avel mirour teudhys?

Romanyon 4:17

Dell yw skrifys, ‘My re'th wrug tas kenedhlow pals’ – a-rag an Duw may fydhyas ynno, neb a re bewnans dhe'n re varow hag a elow dhe vosva an taklow na's teves bosva.

Ysay 40:21

A ny wodhowgh? A ny glewsowgh? A ny veu kewsys dhywgh a-dhia'n dhallethva? A ny gonvedhsowgh a-ban veu selys an bys?

Ysay 45:12

My yw neb a wrug an norvys, ha my a greatyas mab-den warnodho; ow diwla y feu a lesas an nevow, ha my a worhemmynnis aga luyow oll.

Ysay 51:13

Ty re ankovas an Arloedh, dha Wrier, neb a lesas an nevow hag a fondyas selyow an norvys. Oll an jydh ty a berth own, drefenn konnar an gwasker, neb a'n jeves mall a dhistrui. Mes ple'ma konnar an gwasker?

Ysay 44:24

Yndellma y lever an Arloedh, dha Dhasprenyas, neb a'th formyas y'n dorr: My yw an Arloedh, a wrug pup-tra, neb a ystynnas an nevow ow honan, hag a lesas an norvys ow honan;

Yeremia 51:15

Ev yw neb a wrug an nor der y nerth, neb a fondyas an nor gans y furneth, ha der y gonvedhes ev a ystynnas an nevow.