Ysay 48:1 - An Bibel Kernewek 20234 (Kernewek Kemmyn)

¹ Klew hemma, A ji Yakob, hwi neb yw henwys orth hanow Ysrael, hag a dheuth dhiworth dowrow Yuda, hag a wra ti re hanow an Arloedh, ha gelwel war Dhuw Ysrael, mes ny'n gwrons yn gwiryonedh nag yn ewnder.

Ysay 48:1 ပူးပေါင်းရင်းမြစ်များ

Jenesis 32:28

Hag yn-medh ev, ‘Ny vydh dha hanow gelwys Yakob namoy mes Ysrael, rag ty re strivyas gans Duw ha gans mab-den ha fetha.’

Jenesis 35:10

Hag yn-medh Duw dhodho, ‘Yakob yw dha hanow, mes ny vydh dha hanow gelwys Yakob na fella, mes Ysrael a vydh dha hanow’; ytho ev a elwis y hanow Ysrael.

2 Myghternedh 17:34

Bys y'n jydh hedhyw i a bes gans aga gisyow koth. Ny berthons own a'n Arloedh ha ny withons an ordenansow, na'n breusow, na'n laghys, na'n gorhemmynnow a worhemmynnis an Arloedh dhe vebyon Yakob, neb a ros dhodho an hanow Ysrael.

2 Myghternedh 5:20

Gehazi, gwas Elisha, gour Duw, a leveris dh'y honan, ‘Ow mester re sparyas Naaman an Aramyas ma, drefenn na dhegemmeras dhiworth y dhiwla an pyth a brofyas ev. Dell vew an Arloedh, my a wra poenya war y lergh ha kemmeres neppyth a-dhiworto.’

Salmow 63:11

Mes an myghtern a lowenha yn Duw; oll an re a de yn y hanow ev a vost, rag ganow an re a wowlever a vydh deges.

Salmow 66:3

Leverewgh dhe Dhuw, ‘Ass osta euthyk y'th wriansow! Dre vraster dha nerth yth ombleg dha eskerens dhiso jy.

Salmow 68:26

Bennigewgh Duw y'n kuntellesow, ha'n Arloedh, hwi fenten Ysrael.

Salmow 68:27

Ottena Benyamin byghan, aga rewler, pennternedh Yuda ha'ga routh, pennternedh Zebulun ha pennternedh Naftali.

Eksodus 23:13

Koelewgh orth an pyth oll re leveris dhywgh; ha na elwewgh war henwyn duwow erell, na na esewgh i dhe vos klewys a'gas ganow.

Lavarow Koth 5:16

Na as dha fentynyow dhe fenna y'n stret, na goverow a dhowr y'n plenys.

Ysay 26:13

A Arloedh agan Duw, arlydhi erell re'gan rewlyas a-der ty, mes dha hanow unnsel ni a venek.

Ysay 44:5

Hemma a lever, ‘Dhe'n Arloedh yth ov’, y gila a vydh gelwys gans hanow Yakob, hag onan arall a vynn skrifa war y leuv, ‘Dhe'n Arloedh’ ha kemmeres an hanow a enor ‘Ysrael’.

Ysay 45:23

My re dos ren ow honan, dhiworth ow ganow gallas yn ewnder ger na dhehwel: ‘Dhymmo vy y hwra plegya pub glin, pub taves a wra ti.’

Ysay 46:12

Goslowewgh orthiv, hwi hardh agas kolonn, hwi neb yw pell a ewnder:

Ysay 51:1

Goslowewgh orthiv, hwi hag a jas war-lergh ewnder, hwi hag a hwila an Arloedh. Mirewgh orth an garrek may fewgh treghys dhiworti, hag orth an mengleudh may fewgh pelys dhiworto.

Ysay 51:2

Mirewgh orth Abraham, agas tas, hag orth Sara a'gas dineythis; rag nyns o ev marnas onan pan y'n gelwis, mes my a'n bennigas ha'y wul lies.

Ysay 58:2

I a'm hwila pub dydh, ha hwansa godhvos ow fordhow, kepar dell vens kenedhel a wrug ewnder ha na forsakyas ordenans aga Duw. I a wovynn dhiworthiv breusow a ewnder hag i a gemmer delit ow tos nes dhe Dhuw.

Ysay 62:8

An Arloedh re dos ren y vregh dhyghow ha re vregh y nerth: Ny rov dha reun arta avel boes rag dha eskerens, ha ny yv mebyon estren dha win nowydh a lavursys ragdho;

Ysay 64:6

Ni oll yw avel tra avlan, hag avel kweth woesek yw oll agan gweythyow gwiryon; ni oll a wedher avel delenn, ha'gan kammweythresow a'gan deg dhe-ves avel gwyns.

Ysay 65:16

Piwpynag y'n tir a hwillo bennath warnodho y honan a'n hwila re'n Duw a wirder; ha piwpynag y'n tir a dollo ti a de ti re'n Duw a wirder; rag ankevys yw an kynsa troblow, ha kudhys dhiworth ow dewlagas.

Yeremia 4:2

ha mar tedh ‘Dell vew an Arloedh!’ yn gwirder, yn breus, hag yn ewnder, ena an kenedhlow a omvennik ynno, ha bostya ynno.

Yeremia 44:26

Rakhenna klewewgh ger an Arloedh, hwi oll a Yuda usi trigys yn pow Ejyp: Otta, my a de der ow hanow meur, yn-medh an Arloedh, na vydh ow hanow leverys yn ganow gour vyth a Yuda yn pow Ejyp oll, ow leverel, “Dell vew an Arloedh.”

Yeremia 5:2

Kyn leverons, ‘Dell vew an Arloedh’, yn sur i a de yn fals.

Levitikus 19:12

Ha ny wrewgh hwi ti yn fals re'm hanow vy, na defola hanow dha Dhuw. An Arloedh ov vy.

Mika 2:7

Yw chi Yakob milliges? Yw spyrys an Arloedh berrhes? Yw hemma y wriansow ev? A ny wra ow geryow gul da dhe seul a gerdh yn ewnhynsek?

Sefania 1:5

ha'n re a ombleg war an tohow dhe lu an nevow; ha'n re a ombleg war an tohow ha ti re'n Arloedh ha ti ynwedh re Milkom;

Zekaria 5:3

Ena ev a leveris dhymm, ‘Homm yw an volleth usi ow mos yn-mes war enep oll an tir; rag herwydh an skrif war unn tenewen, pub lader a vydh pellhes, ha herwydh skrif an tenewen arall pubonan a wowli a vydh pellhes.

Malaki 3:5

Ha my a dheu nes dhywgh rag breus. Ha my a vydh test uskis erbynn an hudoryon ha'n avoutroryon, ha'n re a de yn fals, hag erbynn an re a doell an gweythor a'y wober, an wedhwes ha'n omdhivas, ha treylya dhe-ves an alyon, ha na berthons own ahanav, yn-medh Arloedh an luyow.

Niverow 24:7

Dowr a wra frosa a-dhiworth y gelern, ha'y has a vydh yn lies dowr, y vyghtern a vydh ughella ages Agag, ha'y ruvaneth a vydh ughelhes.

Matthew 23:13

‘Go-hwi, skribys ha Fariseow, falswesyon, rag hwi a dhege gwlaskor nev erbynn tus; rag nyns ewgh agas honan a-bervedh ynno na ny esowgh dhe vones a-bervedh an re a vynn entra.

Yowann 1:47

Yesu a welas Nathanael ow tos dhodho hag yn-medh ev anodho, ‘Awotta Ysraelyas yn hwir, ma nag eus ynno gil!’

Yowann 4:24

Duw yw Spyrys, ha res yw dh'y wordhyoryon y wordhya yn spyrys hag yn gwiryonedh.’

Romanyon 2:17

Mes mara'th henwir Yedhow ha fydhya a wredh y'n lagha ha bostya yn Duw

Romanyon 9:6

Mes nyns yw par dell fallsa ger Duw. Rag nyns yns dhe Ysrael oll hag yw sevys a Ysrael.

Romanyon 9:8

Homma a styr nag yw mebyon an kig neb yw mebyon Duw, mes mebyon an ambos a reknir avel henedh.

Dewteronomi 10:20

Porth own a'n Arloedh dha Dhuw ha gwra y servya. Glen orto, ha to ren y hanow.

Dewteronomi 33:28

Ysrael a drig yn sawder; y honan oll yw fenten Yakob, yn tir a ys ha gwin nowydh, y nevow ynwedh a dhever gluth.

Dewteronomi 5:28

An Arloedh a glewas son agas geryow pan gewssowgh dhymm, ha'n Arloedh a leveris dhymm, ‘My re glewas son geryow an bobel ma, a gowssons dhis; pup-tra a gowssons yw mas.

Dewteronomi 6:13

Porth own a'n Arloedh dha Dhuw ha gwra y servya, ha ti re y hanow.

1 Timothi 4:2

yn falsuri gowleverysi, leskys aga howses gans horn.

Diskwedhyans 2:9

‘My a aswonn dha wriansow ha'th halar ha'th voghosogneth (mes rych osta) ha my a aswonn blasfemi an re a lever aga bos Yedhewon, heb bos yndella, mes synaga Satnas yns i.

Diskwedhyans 3:9

Otta, y hwrav gul dhedha a'n synaga a Satnas a lever aga bos Yedhewon, ha nyns yns, mes i a wowlever – otta, y hwrav gul dhedha dos dhe omblegya a-dherag dha dreys, ha godhvos my dhe'th kara.