Ysay 47:8 - An Bibel Kernewek 20234 (Kernewek Kemmyn)

⁸ Lemmyn ytho, klew hemma, ty garores plesour, neb a esedh yn sawder, neb a lever yn hy holonn, ‘My! Nyns eus ken onan a-der my! Ny esedhav avel gwedhwes, na perthi koll fleghes.’

Ysay 47:8 ပူးပေါင်းရင်းမြစ်များ

Ysay 14:14

my a yskynn a-ugh keyn an kommol; my a vydh kepar ha'n Ughella.’

Ysay 32:11

Krenewgh, hwi venynes yw attes; skruthewgh, hwi yw fydhyansek; omstryppyewgh ha bedhewgh lomm, grogysewgh agas diwglun gans yskar.

Ysay 32:9

Sevewgh, hwi venynes yw attes, klewewgh ow lev; myrghes fydhyansek, goslowewgh orth ow lavar.

Ysay 45:18

Rag yndellma y lever an Arloedh, Kreador an nevow, Duw yw ev; ev a formyas an norvys ha'y wruthyl; ev a'n fastyas, ny'n kreatyas dhe vos gwag, ev a'n formyas dhe vos annedhys: My yw an Arloedh, nyns eus arall.

Ysay 45:5

My yw an Arloedh, ha nyns eus ken; a-der my nyns eus duw; my a'th arv, kyn na'm aswonnsys,

Ysay 45:6

rag may hwodhvons, dhiworth an howldrehevel ha dhiworth an howlsedhes, nag eus nagonan a-der my, my yw an Arloedh ha nyns eus ken.

Ysay 47:10

Ty a omglewo saw y'th troktra; ty a leveris, ‘Ny'm gwel denvyth.’ Dha skians ha'th aswonnvos a'th toellas, ha ty a leveris y'th kolonn, ‘My! Nyns eus ken onan a-der my.’

Yeremia 49:31

Sevewgh, kewgh yn-bann erbynn kenedhel attes, eus trigys yn tiagha, yn-medh an Arloedh, na's teves yetow na barrys, usi trigys hy honan.

Yeremia 50:11

Drefenn hwi dhe lowenhe, drefenn hwi dhe vos fest heudhik, hwi dhistruoryon ow ertach, kyn terlemmowgh avel denewes y'n aswels, ha kryghias avel mergh krev,

Yeremia 51:53

Kyn yskynno Babylon dhe nev, ha kyn kerro hy ughelder krev, a-dhiworthiv distruoryon a dheu warnedhi, yn-medh an Arloedh.

Ezekiel 16:49

Awotta anewnder Sodom dha hwoer: goeth, gwalgh a vara, hag es hebask o dhedhi hi ha dh'y myrghes; ny nerthas leuv an boghosek na'n edhommek.

Ezekiel 28:2

Mab den, lavar dhe bennsevik Tyr, Yndellma y lever an Arloedh Duw: Drefenn goeth dha golonn, ty a lever, ‘My yw duw, owth esedha war dron duwow yn kolonn an moryow.’ Mes den osta a-der duw, kyn settydh dha golonn avel kolonn duw.

Ezekiel 30:9

Y'n jydh na kannasow a yn-mes dhiworthiv yn gorholyon dhe ownekhe Ethiopia dhibreder, hag y fydh kren ynna yn dydh Ejyp, rag otta, ev a dheu.

Daniel 11:36

‘Ha'n myghtern a wra herwydh y vodh; ev a omughelha hag omvostya a-ugh pub duw, ha leverel taklow euthyk erbynn Duw an duwow. Ev a sewen bys may fydh kowlwrys an sorr, rag an pyth apoyntys a vydh gwrys.

Daniel 4:22

ty yw, A vyghtern, neb yw tevys krev, ha dha veuredh re devis ha drehedhes dhe'n nevow, ha'th vestrynses bys finweth an norvys.

Daniel 4:27

Ytho, A vyghtern, re bo ow husul degemmeradow dhis; daspren dha beghosow gans gwiryonedh, ha'th anewnder dre dhiskwedhes tregeredh dhe'n voghosogyon, rag may fo dha sewenyans martesen hirhes.’

Daniel 4:30

An myghtern a gewsis ow leverel, ‘A nyns yw homma Babylon veur, hag a dhrehevis vy avel chi ryel dre nerth ow galloes, ha rag enor ow meuredh?’

Daniel 4:4

Yth esen vy, Nebukadnessar, attes y'm chi, hag ow floryshya y'm palys.

Daniel 5:23

mes ty a omughelhas erbynn Arloedh an nevow. Lestri y ji re beu dres a-ragos, ha ty ha'th arlydhi, dha wragedh, ha'th iswragedh re evas gwin dhiworta; ha ty re wormolas an duwow a arghans hag owr, brons, horn, prenn ha men, neb na welons na klewes na godhvos; mes an Duw mayth usi dha anall yn y dhorn, hag oll dha hynsyow, ny wrussys y enora.

Daniel 5:30

An keth nos na y feu ledhys Belshassar, myghtern an Kaldeanys,

Nahum 1:10

Rag kepar ha spern kesplethennys, ha kepar ha diwes pennow medhow, devorys vydhons, kepar ha sowl fest sygh.

Nahum 3:4

Drefenn myns fornikasyon an hora teg hy semlans, mestres pystri, neb a werth kenedhlow gans hy fornikasyon, ha teyluyow gans hy fystri, –

Habakkuk 1:7

Fell hag euthyk yns: aga breus ha'ga reowta a yn-rag a-dhiworta.

Sefania 2:15

Hemm yw an sita heudh a vewa gans diagha, a leveris yn hy holonn, ‘Ottavy, ha nyns eus denvyth marnas my.’ Ass yw hi gyllys yn difeyth, growedhva rag bestes! Pubonan a dremen dresti a hwiban ha shakya y leuv.

2 Thessalonianys 2:4

neb a omsett hag omdhrehevel a-ugh pup-tra yw henwys Duw, po yw gordhys, mayth esedh yn tempel Duw, ow teklarya ev y honan dhe vos Duw.

Breusysi 18:27

An Danysi a gemmeras an pyth a wrussa Mika, war-barth ha'n oferyas o dhodho, hag i a dheuth dhe Laish, dhe bobel gosel ha digeudh, hag i a's weskis gans an kledha hag a loskas an sita.

Breusysi 18:7

An pymp gour eth yn-rag, ha pan dheuthons dhe Laish, i a welas an bobel esa ena ow pewa gans diagha herwydh gis tus Sidon, kosel ha digeudh, heb edhomm a dravyth war an norvys, ha dhedha rychys. Pell vons a dus Sidon, ha ny's teva kevrenn gans denvyth.