Ysay 47:7 - An Bibel Kernewek 20234 (Kernewek Kemmyn)

⁷ Ty a leveris, ‘My a vydh mestres bys vykken.’ Ny withsys an taklow ma y'th kolonn, na perthi kov a'ga diwedh.

Ysay 47:7 ပူးပေါင်းရင်းမြစ်များ

Eksodus 7:23

Faro a dreylyas ha mos a-bervedh yn y ji, ha ny wrug ev vri a hemma hwath.

Ysay 42:25

Ytho ev a dhinewis warnodho toemmder y sorr, ha nerth an gas. Ev a worras tan ynno a-derdro, mes ny gonvedhas, ev a'n loskas, mes ny'n kemmeras yn y golonn.

Ysay 47:5

Esedh yn taw, ha ke yn tewlder, A vyrgh Kaldea! Rag ny'th henwir na fella mestres gwlaskordhow.

Ysay 57:1

An den gwiryon a dhe goll, ha ny wra denvyth y settya war y golonn; gwer dregeredhus yw kemmerys dhe-ves, ha denvyth ny gonvedh. Rag an den gwiryon yw kemmerys dhe-ves dhiworth an terroes.

Ysay 57:11

Piw re berthsys own ha dout anodho, may leversys gow, ha na berthsys kov ahanav na worra hemma y'th kolonn? A nyns yw rag my dhe dewi a hirneth, ytho ny berthydh own ahanav?

Yeremia 5:31

An brofoesi a brofoes yn fals, an oferysi a wovern herwydh aga awtorita aga honan; ha'm pobel a gar y vos yndella: mes pandr'a wrewgh pan dheu an diwedh?

Kynvannow 1:9

Yth esa hy avlander yn hy lostennow, ny ombrederi a'y thenkys; rakhenna marthys veu hy therroes, nyns esa dhedhi konforter vyth. ‘Gwel, A Arloedh, ow anken, rag an eskar re dryghis!’

Ezekiel 28:2

Mab den, lavar dhe bennsevik Tyr, Yndellma y lever an Arloedh Duw: Drefenn goeth dha golonn, ty a lever, ‘My yw duw, owth esedha war dron duwow yn kolonn an moryow.’ Mes den osta a-der duw, kyn settydh dha golonn avel kolonn duw.

Ezekiel 29:3

Kows ha lavar, Yndellma y lever an Arloedh Duw: Otta, yth esov er dha bynn, A Faro myghtern Ejyp, an dhragon vras ow krowedha yn mysk hy avonyow, neb a leveris dhymm, ‘Dhymmo vy yw ow Nil; my a'n gwrug ragov vy ow honan.’

Ezekiel 7:2

Ha ty, A vab den, yndellma y lever an Arloedh Duw dhe bow Ysrael: Diwedh! an diwedh a dheuth war beswar korn an tir.

Daniel 4:29

Orth penn dewdhek mis, yth esa ev ow kerdhes ev war do an palys ryel yn Babylon.

Daniel 4:4

Yth esen vy, Nebukadnessar, attes y'm chi, hag ow floryshya y'm palys.

Dewteronomi 32:29

Unnweyth a pens fur ha konvedhes hemma, ha dissernya aga fin!

Diskwedhyans 18:7

Kepar dell wrug hi omwordhya ha bewa yn rychys, yndellma rewgh dhedhi payn hag ahwer, rag hi a leveris yn hy holonn, “My yw esedhys myghternes, ha nyns ov vy gwedhwes, ha ny welav ahwer.”