Ysay 47:5 - An Bibel Kernewek 20234 (Kernewek Kemmyn)

⁵ Esedh yn taw, ha ke yn tewlder, A vyrgh Kaldea! Rag ny'th henwir na fella mestres gwlaskordhow.

Ysay 47:5 ပူးပေါင်းရင်းမြစ်များ

Salmow 31:17

Na as vy dhe berthi meth, A Arloedh, rag my re elwis warnas; perthes an debeles meth, ha bedhens i tawesek y'n bedh.

Salmow 46:10

Bedhewgh kosel, ha godhvydhewgh my dhe vos Duw; my a vydh ughelhes yn mysk an kenedhlow, my a vydh ughelhes y'n nor.

Ysay 13:10

Rag ster an nevow ha'ga Orionow ny rons aga golow. An howl a vydh tewl pan dhrehav, ha'n loer ny wra dh'y loergann splanna.

Ysay 14:23

My a's gwra yn perghennogeth rag sort, ha pollow dowr, ha'y skuba dhe-ves gans an skubell a gollva, yn-medh Arloedh an luyow.

Ysay 14:4

ty a gemmer an kows ma yn-bann erbynn myghtern Babylon, ha leverel: Fatell hedhis an turant! Fatell hedhis an omsettyans!

Ysay 21:9

Mir, otta gour ow tos yn charett, gans para a vergh.’ Ena ev a worthybis, ‘Babylon re goedhas, re goedhas; hag oll imajys hy duwow yw brewys war an leur.’

Ysay 23:2

Tewewgh, annedhysi an arvor, marchons Sidon; yth esa dha gannasow ow tremena dres an mor

Ysay 47:1

Deus yn-nans hag esedh y'n doust, A wyrghes, myrgh Babylon! Esedh war an dor heb tron, myrgh Kaldea! Rag ny'th henwir na fella tender ha bleudh.

Ysay 47:7

Ty a leveris, ‘My a vydh mestres bys vykken.’ Ny withsys an taklow ma y'th kolonn, na perthi kov a'ga diwedh.

Yeremia 25:10

Ynwedh my a gemmer a-dhiworta lev lowender ha lev lowena, lev an gour pries ha lev an venyn bries, son an meyn melin ha golow an gantol.

Yeremia 8:14

Prag yth on esedhys stag? Omguntellewgh, hag entryn y'n sitys kerys, ha merwel ena: rag an Arloedh agan Duw re'gan daskorras dhe'n mernans, ha ri dhyn dowr gwenonek dhe eva, drefenn ni dhe begha erbynn an Arloedh.

Kynvannow 1:1

1 Ass yw an sita owth esedha digoweth hag o leun a dus! Ass yw hi gyllys kepar ha gwedhwes, hag o meur y'n kenedhlow! Neb o pennseviges y'n powyow re beu gorrys yn keth dhe hwel krev.

Kynvannow 2:10

Yma henavogyon myrgh Sion owth esedha war an dor yn tawesek; i re dewlis doust war aga fenn hag omwrogysa gans yskar; gwyrghesow Yerusalem a blegyas aga fenn dhe'n dor.

Habakkuk 2:20

Mes yma'n Arloedh yn y dempel sans: tewes a-dheragdho oll an nor!

Zekaria 2:13

Taw a-rag an Arloedh, oll kig, rag difunys yw a-dhiworth y drigva sans.

Lyther Yud 1:13

mordonnow gwyls owth ewyni gans aga bismer aga honan, sterennow ow kwandra may feu dhedha gwithys an tewlder bys vykken.

Diskwedhyans 17:18

Ha'n venyn a welsys yw an sita vras, a's teves galloes war vyghternedh an norvys.’

Diskwedhyans 18:7

Kepar dell wrug hi omwordhya ha bewa yn rychys, yndellma rewgh dhedhi payn hag ahwer, rag hi a leveris yn hy holonn, “My yw esedhys myghternes, ha nyns ov vy gwedhwes, ha ny welav ahwer.”

1 Samuel 2:9

‘Ev a with treys y dus lel, mes an debeles a vydh tawesek yn tewlder; rag dre alloes ny wra denvyth gwarthevya.