Ysay 47:14 - An Bibel Kernewek 20234 (Kernewek Kemmyn)
14 Mir, avel sowl yth yns, an tan a's lesk; ny's teves omdhelivra dhiworth nerth an flamm. Nyns yw hemma glow rag omdoemma, na tan mayth esedhir a-ragdho.
Hy thorrva a vydh avel torrva lester priweythor, brewys heb pita, rag na vo kevys yn y vrewyon darn dhe gemmeres tan dhiwar oeles po dhe dhri dowr yn-bann dhiworth dowrargh.
An beghadoryon yn Sion a berth own; kren a dhalghenn an re dhidhuw: ‘Piw ahanan a yll triga gans an tan a dhevor? Piw ahanan a yll triga gans flammow a dhur bys vykken?’
Skant nyns yns i plynsys, skant nyns yns i hesys, skant ny wra aga ben gwreydhya y'n dor, kyns ev dhe hwytha warnedha hag y hwedhrons, ha'n korwyns a's dre dhe-ves avel kulyn.
Piw a wrug dhe nebonan difuna dhiworth an howldrevel, orth y elwel dh'y servis yn ewnder? Ev a re kenedhlow a-ragdho, ha fetha myghternedh; ev a's gwra avel doust gans y gledha, avel sowl herdhys gans y warak.
Hanter anodho ev a lesk yn tan; a-ugh an hanter ma ev a rost kig ha'y dhybri, ha lenwys yw; ynwedh ev a omdoemm hag a lever, ‘Aha, toemm ov, my re welas an tan!’
Rakhenna kepar dell wra tavosow tan dybri an sowl, hag kepar dell wra gwels sygh sedhi y'n flammow, yndellma aga gwreydh a vydh avel poder, ha'ga bleujyow a yn-bann avel doust; drefenn i dhe nagha lagha Arloedh an luyow, ha skonya lavar Sans Ysrael.
Breselyoryon Babylon re hepkorras omladh, i a worta yn aga dinasow; aga nerth re fyllis, i res eth ha bos avel benynes; tan re beu gorrys yn hy annedhow, hy barrow yw terrys.
Yndellma y lever Arloedh an luyow: Fos ledan Babylon a vydh terrys dhe'n leur, ha'y yetow ughel a vydh leskys gans tan. An bobel a lavur rag travyth, ha'n kenedhlow a omskwith rag tan.
My a sett ow fas er aga fynn. Kyn skapyons dhe-ves dhiworth an tan, an tan a's deber; ha hwi a woer my dhe vos an Arloedh, pan settyav ow fas er aga fynn.
Chi Yakob a vydh tan, ha chi Yosep a vydh flamm; chi Esaw a vydh sowl, hag i a worr tan ynna ha'ga devorya. Ny vydh denvyth gesys a ji Esaw, rag an Arloedh re gewsis.
Rag otta, an jydh yma ow tos, ow tewi avel forn. Oll an dus orgelus ha pub drogoberer a vydh sowl, ha'n jydh usi ow tos a wra aga howlleski, yn-medh Arloedh an luyow, na as dhedha naneyl gwreydhenn na skorrenn.
Hag unn el galloesek a gemmeras men kepar ha men-melin bras, ha'y dewlel y'n mor, ow leverel, ‘Yndella, gans garowder, Babylon an sita vras a vydh tewlys war-nans, ha ny vydh kevys namoy.