Ysay 47:11 - An Bibel Kernewek 20234 (Kernewek Kemmyn)

¹¹ Mes drog a dheu warnas, na' fydh y dhefendya dre soena. Terroes a goedh warnas, na' fydh y woheles, hag a-dhistowgh y teu distruyans warnas, ma na wodhes anodho travyth.

Ysay 47:11 ပူးပေါင်းရင်းမြစ်များ

Nehemia 4:11

Ha'gan eskerens a leveris, ‘Kyns i dhe wodhvos po gweles travyth, ni a dheu yn aga mysk ha'ga ladha hag astel an ober.’

Salmow 35:8

Bedhes ev sowdhenys gans terroes, ha bedhes ev kemmerys y'n roes a gudhas ev; koedhes ev ynni dhe derroes.

Salmow 50:22

‘Prederewgh hemma, hwi neb a ankev Duw, ma na wrylliv agas skwardya, ha na vo nagonan dhe dhelivra.

Salmow 55:15

Des ankow warnedha, ha diyskynnens yn few dhe ifarn; rag yma sherewneth yn aga annedhow, hag yn aga mysk.

Salmow 73:19

Fatell ons i distruys yn unn lamm, skubys glan dhe-ves gans browaghow!

Lavarow Koth 13:21

Anfeus a hol peghadoryon, mes sewena a re pewas dhe'n re wiryon.

Ysay 13:6

Oulyewgh, rag ogas yw dydh an Arloedh; kepar ha terroes dhiworth an Ollgalloesek.

Ysay 29:5

Mes routh dha estrenyon a vydh avel ponn, ha'n routh fell a vydh avel us ow tremena dhe-ves. Ena yn pols, distowgh,

Ysay 30:13

rakhenna an kammweyth ma a vydh ragowgh avel aswa yn fos ughel parys dhe goedha, deantell, balek, may teu hy thorrva distowgh, a-dhesempis.

Ysay 37:36

Ena el an Arloedh eth yn-mes ha gweskel pymp ha naw-ugens a vilyow yn kamp Assyria; ha pan sevis tus ternos, otta, korfow marow ens i oll.

Ysay 45:7

My a form golow ha kreatya tewlder, my a wra kres ha kreatya galar, my yw an Arloedh neb a wra oll an taklow ma.

Ysay 47:9

An dhew dra ma a dheu warnas, a-dhistowgh, a-ji dhe unn jydh: koll fleghes ha gwedhowses a dheu warnas yn leun, yn despit dhe'th husow pals, ha galloes meur dha worhanow.

Ysay 48:8

Naneyl ny glewsys, na ny wodhves, a'n termyn koth ny veu dha skovarn igerys; rag y hwodhyen ty dhe vos pur draytus, hag a'th enesigeth ty a veu henwys dislel.

Ysay 57:1

An den gwiryon a dhe goll, ha ny wra denvyth y settya war y golonn; gwer dregeredhus yw kemmerys dhe-ves, ha denvyth ny gonvedh. Rag an den gwiryon yw kemmerys dhe-ves dhiworth an terroes.

Yeremia 51:29

Ha'n tir a gren hag a wynn, rag porposys an Arloedh erbynn Babylon a sev, dhe wul tir Babylon ynyal, heb annedhyas.

Yeremia 51:43

Hy sitys yw devedhys ha bos euth, tir syghor ha difeythtir, tir le ma nag eus trigys denvyth, ha dredho ma na dremen mab-den.

Yeremia 51:8

Distowgh Babylon yw koedhys ha brewys; kynewgh rygdhi! Kemmerewgh balsam rag hy goli; may fo martesen yaghhes.

Kynvannow 1:21

I re glewas fatell wrug vy kyni; nyns eus dhymm konforter vyth. Oll ow eskerens a glewas a'm anken; lowen yns i drefenn ty dhe wul henna. Doroy an jydh a dherivsys, ha bedhens i kepar dell ov vy.

Ezekiel 7:26

Anfeusi war anfeusi a dheu, hag y fydh hwedhel war hwedhel. I a hwila gwelesigeth dhiworth profoes; dyskans a'n lagha gans an oferyas a vydh kellys, ha kusul dhiworth an henavogyon.

Matthew 18:34

Ha'y vester o serrys hag a'n daskorras dhe'n dormentorys bys pan wrella attyli dhodho oll an gendon.

Luk 12:59

Yn-medhav dhywgh, ny wredh mos alena erna vo attylys an diwettha mita.’

Luk 17:27

yth esens ow tybri hag eva, demmedhi ha ri yn demmedhyans, bys y'n jydh mayth eth Noy a-bervedh y'n gorhel, ha'n liv a dheuth ha'ga distrui yn kettep penn.

1 Thessalonianys 5:3

Tus pan leverons, ‘Yma kres ha diogeledh’, ena diswrians tromm a dheu warnedha kepar ha gloes dineythyans dhe venyn gans flogh, ha ny wrons diank mann.

Diskwedhyans 3:3

Kovha, ytho, fatell re wrussys degemmeres ha goslowes; ha syns fast, ha kemmer edrek. Mar ny vynn'ta difuna, dos a wrav kepar ha lader, ha ny wre'ta godhvos py eur tyffiv er dha bynn.