Ysay 46:7 - An Bibel Kernewek 20234 (Kernewek Kemmyn)

⁷ I a'n drehav war aga diwskoedh, i a'n gorr yn y le, hag ev a sev ena; ny yll ev gwaya dhiworth y dyller. Mar kri nebonan dhodho, ny worthyp, na ny wra y sawya a alar.

Ysay 46:7 ပူးပေါင်းရင်းမြစ်များ

1 Myghternedh 18:26

Ytho i a gemmeras an lodhen a veu res dhedha, y bareusi, ha gelwel war hanow Baal a'n myttin bys yn hanter-dydh, ow kria, ‘A Baal, gorthyp dhyn!’ Mes nyns esa lev, ha nyns esa gorthyp. Hag i a lammas a-dro dhe'n alter re wrussons.

1 Myghternedh 18:29

Pan dremenas hanter-dydh, i a vuskegis bys yn termyn offrynn an greun, mes nyns esa lev, na gorthyp, na nyns esa nagonan ow koslowes.

1 Myghternedh 18:40

Elias a leveris dhedha, ‘Dalghennewgh profoesi Baal; na esewgh nagonan anedha dhe dhiank.’ Ena i a's dalghennas; hag Elias a's dros dhe nans Kishon, ha'ga ladha ena.

Ysay 37:38

Hag y hwarva, pan esa ow kordhya yn chi Nisrok y dhuw, Adrammelek ha Shareser y vebyon a'n ladhas gans an kledha, hag i a skapyas dhe bow Ararat. Hag Esarhaddon y vab a reynyas yn y le.

Ysay 40:20

Neb yw re voghosek rag offrynn a dhewis prenn na wra pedri; ev a hwila ser konnyk ragdho rag drehevel imaj gravys na vydh deantell.

Ysay 41:28

My a viras, mes nyns esa denvyth; yn mysk an re ma nyns eus kusulyer vyth, neb pan wovynnav, a re gorthyp.

Ysay 41:29

Otta, toell yns i oll, nyns yw aga oberow travyth; aga imajys teudh yw gwyns ha gwakter.

Ysay 41:7

An ser a golonnekha an owrer, hag ev neb a levenha gans an morthol a golonnekha gwesker an anwan, ow leverel a'n sodra ‘Da yw’, hag ev a'n fast gans kentrow ma na vo deantell.

Ysay 44:12

An gov a gemmer toul, hag oberi ganso war regydh, ha shapya imaj gans mortholow, ha'y wul gans nerth y vregh; dhodho yma nown ha'y nerth a fyll, ny yv dowr, hag ev a glamder.

Ysay 45:20

Omguntellewgh ha dewgh, dewgh nes war-barth, hwi fowesigyon a'n kenedhlow! Ny's teves godhvos vyth, an re a dheg aga imajys a brenn, hag i a bys dhe dhuw na'n jeves selwel.

Ysay 46:1

Bel a ombleg dhe'n dor, Nebo a warrgromm, yma aga imajys war vestes ha gwarthek; an taklow degys genowgh yw beghus, avel beghyow poes war enyval skwith.

Ysay 47:15

Yndella dhis yw an re may lavursys gansa, neb re genwerthas genes a-dhia'th yowynkneth. I oll a wander yn aga hynsyow aga honan; nyns eus denvyth dhe'th sawya.

Yeremia 10:5

Yth yns avel boekka yn gwel kukumbrow, ha ny yllons kewsel: res yw dhedha bos degys rag ny yllons kerdhes. Na vedhewgh ownek dhedha; rag ny yllons gul drog, na nyns eus ynna dhe wul da.

Yeremia 11:12

Ena sitys Yuda hag annedhysi Yerusalem a wra mos, ha kria war an duwow may sakrifions dhedha: mes ny's sawyons vytholl yn termyn aga foenvos.

Yeremia 2:28

Mes ple'ma dha dhuwow a wrussys dhe'th honan? Gas dhedha sevel, mar kyllons dha selwel yn termyn dha ahwer: rag war-lergh niver dha sitys yw dha dhuwow, A Yuda.

Daniel 3:1

Nebukadnessar an myghtern a wrug delow owrek, tri-ugens kevelin yn ughelder, ha hwegh kevelin yn les; ev a'n drehevis yn plen Dura, yn rannvro Babylon;

Yona 1:5

Ha'n marners a's teva own, ha kria, peub war y dhuw y honan, ha tewlel mes an karg esa y'n gorhel bys y'n mor, may fo skaffa. Mes Yona galsa yn-nans bys y'n barth a-ji dhe'n lester, hag yth esa ow krowedha, down yn kosk.

1 Korinthianys 12:2

Dell wodhowgh, pan ewgh hwi paganys, dynys vewgh, ledys yn stray dhe idolys avlavar, yn py fordh pynag y fewgh ledys.

1 Samuel 5:3

Ha pan sevis tus Ashdod ternos a-varr, yth esa Dagon koedhys war y fas dhe'n dor a-dherag argh an Arloedh. Ytho i a gemmeras Dagon ha'y settya yn y le arta.