Ysay 46:4 - An Bibel Kernewek 20234 (Kernewek Kemmyn)

⁴ bys y'th henys my yw ev, bys pan dreylli loes my a'th teg. My re'th wrug ha my a'th skoedh, ha my a venten hag a wra sawya.

Ysay 46:4 ပူးပေါင်းရင်းမြစ်များ

Salmow 48:14

Rag an Duw ma yw agan Duw ni bys vykken ha bynnari. Ev a'gan hembronk bynitha.

Salmow 68:19

Benniges re bo an Arloedh, neb a berth agan begh pub dydh; ev yw Duw agan selwyans. Sela.

Salmow 71:18

Ha lemmyn y'm henys, ha loes ow blew, A Dhuw, na wra ow forsakya, erna dheriffiv dha alloes dhe'n kenedhel ma, dha nerth dhe bub henedh a dheu.

Salmow 71:9

Na'm towl vy dhe-ves yn termyn henys; na'm forsak vy pan fyll ow nerth.

Salmow 92:14

I a dheg frut hwath yn aga hothni, hag y fydhons yr ha glas,

Ysay 41:4

Piw re wrug hag a gowlwrug hemma, ow kelwel an henedhow a-dhia'n dhallethva? My, an Arloedh, an kynsa, ha gans an re dhiwettha; my yw ev.

Ysay 43:13

Ynwedh alemma rag my yw ev; nyns eus denvyth a yll delivra dhiworth ow dorn; my a ober ha piw a yll y lettya?

Ysay 43:25

My, my yw ev neb a dhefend dhe-ves dha dreuspassow a'm govis ow honan, ha ny borthav kov a'th peghosow.

Ysay 48:12

Goslow orthiv, A Yakob, ha ty Ysrael, neb a elwis: my yw ev; my yw an kynsa, ha my yw an diwettha.

Malaki 2:16

My a gas torrva demmedhyans, yn-medh an Arloedh, Duw Ysrael, ha gour neb a gudh y dhillas gans freudh, yn-medh Arloedh an luyow. Ytho omwithewgh yn agas spyrys, ha na derrewgh fydh.

Malaki 3:6

Rag my yw an Arloedh, ny wrav vy chanjya, ha hwi fleghes Yakob, nyns owgh hwi devedhys dhe dhiwedh.

Romanyon 11:29

Rag antreylyadow yw rohow ha galow Duw.

Dewteronomi 1:31

hag y'n gwylvos, le may hwelsys fatell wrug an Arloedh dha Dhuw dha dhoen, dell dheg den y vab, dres oll an fordh a gerdhsowgh bys pan dheuthewgh y'n tyller ma.

Ebrowyon 1:12

avel mantell ty a wra aga rolya war-barth, hag avel dillasenn i a vydh chanjys. Mes ty yw an keth, ha dha vlydhynyow ny wrons fyllel.’

Ebrowyon 13:8

Yesu Krist yw an keth de ha hedhyw ha bys vykken.

Jamys 1:17

Pub ro da ha pub ro perfydh a dhiyskynn dhiworth a-wartha, ow tos yn-nans dhiworth an Tas a wolowys ha nyns eus chanj na skeus treylyans ganso.