Ysay 46:1 - An Bibel Kernewek 20234 (Kernewek Kemmyn)

¹ Bel a ombleg dhe'n dor, Nebo a warrgromm, yma aga imajys war vestes ha gwarthek; an taklow degys genowgh yw beghus, avel beghyow poes war enyval skwith.

Ysay 46:1 ပူးပေါင်းရင်းမြစ်များ

Job 39:11

A yllydh fydhya ynno drefenn y grevder, ha gasa dhodho dha lavur poes?

Eksodus 12:12

Rag my a wra tremena dres pow Ejyp an nos na, ha my a wra gweskel pub kynsa-genys yn pow Ejyp, ha den ha best; ha war dhuwow Ejyp my a wra breus: my yw an Arloedh.

Ysay 2:18

An idolys a dremen glan dhe-ves.

Ysay 2:20

Y'n jydh na den a dewl y idolys a arghans ha'y idolys a owr, an pyth a wrug pubonan dhodho y honan dhe wordhya, dhe'n godhow ha dhe'n ughsommyses,

Ysay 21:9

Mir, otta gour ow tos yn charett, gans para a vergh.’ Ena ev a worthybis, ‘Babylon re goedhas, re goedhas; hag oll imajys hy duwow yw brewys war an leur.’

Ysay 30:6

Profoesans a-dro dhe vestes an Negeb. Dre dir a ahwer hag angoes, a lewes hag a lew owth usa, a nader ha sarf askellek, i a dheg aga rychys war skoedh asenes, ha'ga thresoryow war geyn kowrvergh, dhe bobel nag yw dhe les.

Ysay 45:20

Omguntellewgh ha dewgh, dewgh nes war-barth, hwi fowesigyon a'n kenedhlow! Ny's teves godhvos vyth, an re a dheg aga imajys a brenn, hag i a bys dhe dhuw na'n jeves selwel.

Ysay 46:7

I a'n drehav war aga diwskoedh, i a'n gorr yn y le, hag ev a sev ena; ny yll ev gwaya dhiworth y dyller. Mar kri nebonan dhodho, ny worthyp, na ny wra y sawya a alar.

Yeremia 10:5

Yth yns avel boekka yn gwel kukumbrow, ha ny yllons kewsel: res yw dhedha bos degys rag ny yllons kerdhes. Na vedhewgh ownek dhedha; rag ny yllons gul drog, na nyns eus ynna dhe wul da.

Yeremia 50:2

Diskleryewgh yn mysk an kenedhlow ha derivewgh, sevewgh baner ha derivewgh, na'n kudhewgh, leverewgh: Babylon yw kemmerys, Bel yw gorrys dhe veth, Merodak yw dyegrys. Hy imajys yw gorrys dhe veth, hy idolyow yw digolonnek.

Yeremia 50:38

Syghor erbynn hy dowrow, may fons desyghys! Rag yth yw tir a imajys gravys, hag i yw foll yn aga idolyow.

Yeremia 51:44

My a gessydh Bel yn Babylon, ha kemmeres a'y anow an pyth re lonkas. Ny wra an kenedhlow frosa dhodho na fella; ynwedh fos Babylon re goedhas.

Yeremia 51:47

Rakhenna an dydhyow a dheu pan gessydhav imajys Babylon; oll hy thir a vydh gorrys dhe veth hag oll hy re ledhys a goedh yn hy kres.

Yeremia 51:52

Rakhenna otta, an dydhyow a dheu, yn-medh an Arloedh, pan gessydhav aga imajys gravys, hag yn oll hy thir an re woliys a gyn.

Daniel 11:8

Ynwedh ev a dheg aga duwow yn keth dhe Ejyp, gans aga delowyow teudh, ha'ga lestri drudh a arghans hag a owr; ha dre vlydhynyow ny wra ev mellya gans myghtern an gledhbarth.

Daniel 3:14

Nebukadnessar a gewsis ha leverel dhedha, ‘Yw gwir, A Shadrak, Meshak hag Abednego, na wrewgh servya ow duwow, na gul gologhas dhe'n delow owrek a wrug vy y dhrehevel?

Nahum 1:14

Ha'n Arloedh re ros gorhemmynn y'th kever: ‘Ny vydh has dhiworth dha hanow namoy; dhiworth chi dha dhuwow y troghav dhe-ves an imaj gravys ha'n imaj teudh; my a bareus dha vedh; rag ty yw distyr.’

Niverow 32:38

Nebo, ha Baal-meon (aga henwyn dhe vos chanjys), ha Sibma; hag i a ros henwyn erell dhe'n sitys a dhrehevsons.

Matthew 23:4

I a gelm beghyow poes ha kales dhe berthi ha'ga gorra war dhiwskoedh tus, mes i aga honan ny vynnons aga remova gans aga bys.

1 Samuel 5:3

Ha pan sevis tus Ashdod ternos a-varr, yth esa Dagon koedhys war y fas dhe'n dor a-dherag argh an Arloedh. Ytho i a gemmeras Dagon ha'y settya yn y le arta.