Ysay 45:9 - An Bibel Kernewek 20234 (Kernewek Kemmyn)

⁹ Go-ev neb a striv orth y Wrier, priweyth orth an priweythor! A lever an pri dh'y formyer, ‘Pandr'a wredh?’ po ‘Nyns eus skovornow dhe'th ober’?

Ysay 45:9 ပူးပေါင်းရင်းမြစ်များ

Job 10:9

Porth kov, ty dhe'm gul a bri; a vynnydh ow threylya dhe dhoust arta?

Job 33:13

Prag y strivydh er y bynn, rag ny yll denvyth gorthybi dhe oll y eryow?

Job 40:2

‘A yll den kavyllek strivya gans an Ollgalloesek? Neb a dhadhel gans Duw, gorthybes ev dhodho.’

Job 9:12

Awotta, ev a gib dhe-ves; piw a yll y lettya? Piw a yll leverel dhodho, “Pandr'a wredh?”

Job 9:4

Fur yw ev y'n golonn, ha galloesek yn nerth. Piw re settyas y honan er y bynn ha seweni?

Lavarow Koth 21:30

Nyns eus na furneth, na konvedhes na kusul a yll sevel erbynn an Arloedh.

Ekklesiastes 6:10

Dhe'n dra a veu kyns, hanow a veu res seulabrys. Y hwodhor pandr'yw mab-den. Ny yll strivya gans den yw kreffa agesso.

Ysay 10:15

A wra an voel bostya erbynn an den a dregh ganso? A wra an heskenn braggya erbynn an den a heskenn gensi? Kepar ha pan wrello gwelenn shakya an den a wra y handla, po lath drehevel neppyth nag yw prenn!

Ysay 29:16

Hwi a dreyl an pyth a-wartha dhe woeles. A vydh priweythor tybys avel pri? A lever an pyth yw gwrys a-dro dh'y wrier, ‘Ny'm gwrug’? A lever pott a-dro dh'y briweythor, ‘Ny gonvedh’?

Ysay 45:10

Go-ev neb a lever dhe das: ‘Pandr'a dhineythydh?’ po dhe venyn, ‘Pandr'a dhegedh y'th lavur?’

Ysay 64:7

Nyns eus denvyth a elow war dha hanow na strivya dhe gavoes dalghenn ynnos; rag ty re gudhas dha fas ragon, ha'gan delivra yn leuv agan kammweythresow.

Ysay 64:8

Ha lemmyn, Arloedh, ty yw agan Tas. Ni yw an pri, ha ty yw agan priweythor; ni oll yw ober dha leuv.

Yeremia 18:6

A ny allav gul genes kepar ha'n priweythor ma, A ji Ysrael? yn-medh an Arloedh. Otta, par dell yw an pri yn leuv an priweythor, yndella yth owgh y'm leuv vy, A ji Ysrael.

Yeremia 36:29

Hag a-dro dhe Yehoyakim myghtern Yuda ty a lever: Yndellma y lever an Arloedh, Ty re loskas an rol-skrifa ma, ow leverel, Prag y skrifsys ynni y teu myghtern Babylon yn sur ha distrui an tir ma ha gul dhe hedhi anodho den ha best?

Yeremia 50:24

My a settyas maglenn ragos ha ty a veu kechys, A Babylon, mes ny wodhyes; ty a veu kevys ha dalghennys drefenn ty dhe strivya erbynn an Arloedh.

Daniel 4:35

ha pub annedhyas a'n norvys yw reknys avel mann; kepar dell vynno y hwra yn mysk lu an nev, hag yn mysk annedhysi an norvys; ny yll denvyth lettya y dhorn na leverel dhodho, ‘Pandr'a wredh?’

1 Korinthianys 10:22

A wren ni gul dhe'n Arloedh perthi avi? On ni kreffa agesso ev?