Ysay 45:7 - An Bibel Kernewek 20234 (Kernewek Kemmyn)

⁷ My a form golow ha kreatya tewlder, my a wra kres ha kreatya galar, my yw an Arloedh neb a wra oll an taklow ma.

Ysay 45:7 ပူးပေါင်းရင်းမြစ်များ

2 Myghternedh 19:25

‘A ny glewsys jy? Nans yw pell my a ordenas hemma. Yn dydhyow koth my a'n tewlis; lemmyn my re wrug dhodho hwarvos, rag may fydhydh ow tifeythya sitys kerys yn kalsow a radell.

Job 10:13

‘Mes ty a gudhas an taklow ma y'th kolonn; my a woer y feu hemma y'th vrys.

Job 2:10

Mes yn-medh ev dhedhi, ‘Ty a gews kepar dell gewssa onan a'n benynes foll. A wren ni degemmeres dader dhiworth leuv Duw, hag a ny wren ni degemmeres drogedh?’ Gans hemma oll ny beghas Job gans y dhiwweus.

Job 34:29

‘Mes pan yw ev tawesek, piw a'n dampen? Pan gudh ev y fas, piw a'n aspi? Mes yma ev a-ugh kenedhel hag a-ugh densys,

Salmow 105:28

Ev a dhannvonas tewlder hag y tewlhas; hag i a settyas hwath erbynn y eryow.

Salmow 29:11

An Arloedh a re nerth dh'y bobel; an Arloedh a vennik y bobel gans kres.

Salmow 74:16

Ty a bew an jydh, dhiso jy ynwedh yw an nos; ty re bareusis an golow ha'n howl.

Salmow 75:7

Mes Duw yw an breusyas; ev a iselha unn den hag ughelhe den arall.

Salmow 8:3

Pan virav orth an nevow, ober dha vysies, an loer ha'n ster a wrussys aga fastya,

Eksodus 14:20

ow tos yntra kamp Ejyp ha kamp Ysrael. Hag yth esa an gommolenn ena gans an tewlder; ha'n nos a dremenas heb an eyl ow tos nes dh'y gila der oll an nos.

Ysay 31:2

Mes ev yw fur hag a dhre drog; ny dhaskelow y eryow, mes ev a sev erbynn chi an dhrogoberoryon, hag erbynn gweresoryon an re a wra sherewynsi.

Ysay 42:16

My a hembronk dellyon yn fordh na aswonnons; yn hynsyow na aswonnons y's gidyav. My a dreyl an tewlder a-ragdha dhe wolewder, an tylleryow garow dhe dir leven. An re ma yw an taklow a wrav, ha ny's forsakyav.

Ysay 44:24

Yndellma y lever an Arloedh, dha Dhasprenyas, neb a'th formyas y'n dorr: My yw an Arloedh, a wrug pup-tra, neb a ystynnas an nevow ow honan, hag a lesas an norvys ow honan;

Ysay 47:11

Mes drog a dheu warnas, na' fydh y dhefendya dre soena. Terroes a goedh warnas, na' fydh y woheles, hag a-dhistowgh y teu distruyans warnas, ma na wodhes anodho travyth.

Yeremia 10:16

Nyns yw rann Yakob avella: rag ev yw formyer pup-tra hag Ysrael yw gwelenn y eretons: Arloedh an luyow yw y hanow.

Yeremia 13:16

Rewgh gordhyans dhe'n Arloedh agas Duw, kyns ev dhe dhri tewolgow, ha kyns agas treys dhe drebuchya aga desedha war an menydhyow tewl; ha pan esowgh ow hwilas golow, ev a'n treyl dhe skeus ankow, ha'y wul tewolgow down.

Yeremia 31:35

Yndellma y lever an Arloedh, a re an howl rag golow dydh hag ordena an loer ha'n ster rag golow nos, a rann an mor may hwromm an tonnow – Arloedh an luyow yw y hanow.

Yeremia 51:20

Ty yw kaspoel dhymm, ow arv vatel: genes my a vrew kenedhlow; my a dhistru gwlaskordhow;

Kynvannow 3:38

A nyns yw yn-mes a anow an Ughella y teu drog ha da?

Ezekiel 32:8

My a dewlha warnas oll golowys splann an nevow, ha dri tewolgow war dha dir, yn-medh an Arloedh Duw.

Daniel 2:22

Ev a dhiskudh taklow down ha kevrinek; ev a aswonn pyth eus y'n tewolgow, ha'n golow usi trigys ganso ev.

Yoel 2:2

dydh tewlder ha tewlyjyon, dydh kommol ha tewolgow tew. Dell les an bora war an menydhyow y teu pobel vras ha krev; nyns esa bythkweth aga far, na ny vydh namoy a'y wosa, bys vlydhynyow henedhow ha henedhow.

Amos 3:6

Eus korn hwythys yn sita, heb bos an bobel ownek? A vydh anfeusi yn sita, marnas an Arloedh a'n gwrug?

Amos 4:13

Rag otta, ev neb a form an menydhyow ha gul an gwyns, neb a dheklar y vrys dhe vab-den; neb a dreyl an myttin dhe dewlder, ha stankya war dylleryow ughel an norvys – an Arloedh, Duw an luyow yw y hanow!

Amos 5:6

Hwilewgh an Arloedh ha bewa, ma na tartho avel tan yn chi Yosep, dh'y dhevorya, heb denvyth dh'y dhifeudhi yn Bethel.

Nahum 1:8

Mes gans liv ow fenna ev a gowldhistru hy thyller, hag ev a helgh y envi bys yn tewlder.

Oberow 4:28

rag gul an pyth a ragdhestnas dha leuv ha'th towl may fe gwrys.

2 Korinthianys 4:6

Rag Duw, neb a leveris ‘Yn-mes a dewlder y hwra golow splanna’, re splannas yn agan kolonnow dhe ri golow godhvos golewder Duw yn fas Krist.

Jamys 1:17

Pub ro da ha pub ro perfydh a dhiyskynn dhiworth a-wartha, ow tos yn-nans dhiworth an Tas a wolowys ha nyns eus chanj na skeus treylyans ganso.

Lyther Yud 1:13

mordonnow gwyls owth ewyni gans aga bismer aga honan, sterennow ow kwandra may feu dhedha gwithys an tewlder bys vykken.

Lyther Yud 1:6

ha'n eledh na withas aga offis aga honan mes a asas aga thrigva aga honan re beu gwithys ganso yn chaynys heb diwedh yn tewlder bys yn breus an jydh meur;