Ysay 45:3 - An Bibel Kernewek 20234 (Kernewek Kemmyn)

³ My a re dhis tresoryow a dewlder, ha rychys kudhys yn tylleryow kevrinek, rag may hwodhvi yth yw my, an Arloedh, Duw Ysrael, neb a'th elow orth dha hanow.

Ysay 45:3 ပူးပေါင်းရင်းမြစ်များ

2 Kroniklys 6:17

Lemmyn, A Arloedh, Duw Ysrael, surha dha er a leversys dhe'th was Davydh.

Ezra 1:2

‘Yndellma y lever Kyrus myghtern Persia: An Arloedh Duw nev, re ros dhymm oll ruvanethow an norvys; hag ev re erghis dhymm drehevel dhodho chi yn Yerusalem, usi yn Yuda.

Eksodus 33:12

Moyses a leveris dhe'n Arloedh, ‘Mir, ty a lever dhymm, “Doro an bobel ma yn-bann”; mes ny'm gessys dhe wodhvos piw a dhannvonydh genev. Hwath re leversys, “My a'th aswonn dre hanow, ha ty re gavas gras y'm golok.”

Eksodus 33:17

Ha'n Arloedh a leveris dhe Moyses, ‘An keth tra ma re gewssys, my a'n gwra; rag ty re gavas gras y'm golok, ha my a'th aswonn dre hanow.’

Ysay 41:23

Derivewgh an taklow yw dhe dhos a-wosa, rag may hwodhvyn hwi dhe vos duwow; gwrewgh da, po gwrewgh drog, rag may fyn digolonnek hag ownek war-barth.

Ysay 43:1

Ha lemmyn yndellma y lever an Arloedh, ev neb a'th wrug, A Yakob, hag ev neb a'th formyas, A Ysrael: Na borth own, rag my re'th prenas ha re'th henwis orth hanow, dhymmo vy yth os.

Ysay 48:15

My, my ow honan re gewsis ha'y elwel, my re'n dros, hag ev a wra seweni yn y fordh.

Ysay 49:1

Goslowewgh orthiv, ynysow, klewewgh, A boblow, a bellder: an Arloedh a'm gelwis dhiworth an dorr, pan esen yn brys ow mamm ev a'm henwis.

Yeremia 41:8

Mes yth esa deg gwer kevys yn aga mysk neb a leveris dhe Yshmael, ‘Na'gan ladh, rag ni a'gan beus y'n parkow tresoryow kudhys a waneth, heydh, oyl ha mel.’ Ytho ev a hedhis, ha ny's ladhas war-barth gans aga breder.

Yeremia 50:26

Dewgh er hy fynn a bub tu; igerewgh hy greunjiow; bernyewgh hi avel graghellow greun, ha'y distrui glan; bedhes travyth gesys anedhi.

Yeremia 50:37

Kledha erbynn hy mergh ha'y charettow, hag erbynn oll an soudoryon estren yn hy mysk, mayth ellons ha bos avel benynes! Kledha erbynn oll hy thresoryow, may fons pyllys!

Yeremia 51:13

Ty neb usi trigys ryb dowrow meur, gans palster a dresoryow, dha dhiwedh yw devedhys, musur dha vewnans yw treghys.

Yeremia 51:53

Kyn yskynno Babylon dhe nev, ha kyn kerro hy ughelder krev, a-dhiworthiv distruoryon a dheu warnedhi, yn-medh an Arloedh.