Ysay 45:24 - An Bibel Kernewek 20234 (Kernewek Kemmyn)

²⁴ A-dro dhymmo vy y leverir, nag eus ewnder na nerth saw unnsel y'n Arloedh. Bys dhodho y teu gans meth peub a'n jevo sorr orto.

Ysay 45:24 ပူးပေါင်းရင်းမြစ်များ

Jenesis 49:10

Ny dreyl an welenn dhiworth Yuda na'n dernwelenn a-dhiworth y dreys, erna dheffo ev neb a's pew; ha dhodho ev y fydh omaj an poblow.

Salmow 110:2

An Arloedh a dhyllo gwelenn dha nerth yn-mes a Sion. Rewl ty yn mysk dha eskerens.

Salmow 71:16

My a dheu yn nerth an Arloedh DUW; my a dhre dhe gov dha ewnder jy dha honan.

Salmow 72:9

Re omblekko a-dheragdho an re usi trigys y'n difeyth; ha'y eskerens lapya an doust.

Salmow 89:17

Rag ty yw glori aga nerth, hag y'th vodh da y trehevydh agan korn.

Ysay 26:4

Trestyewgh y'n Arloedh bynnari rag an ARLOEDH DUW yw karrek bys vykken.

Ysay 41:11

Otta, oll an re a serr orthis a's tevydh meth hag a vydh konfondys; an re a striv orthis a vydh avel mann, ha mos dhe goll.

Ysay 44:8

Na berthewgh own, bedhewgh diagha! A ny dharleveris dhis seuladhydh ha'y veneges? Hwi yw ow dustuniow. Eus Duw a-der my? Nyns eus karrek, ny aswonnav kammenn.

Ysay 45:25

Y'n Arloedh y fydh ewnheans ha bostyans dhe oll an has a Ysrael.

Ysay 54:17

Ny wra seweni arv vyth yw furvys er dha bynn, ha ty a wra dampnya pub taves a sev orthis yn breus. Hemm yw ertach gwesyon an Arloedh, ha'ga ewnheans a dheu dhiworthiv, yn-medh an Arloedh.

Ysay 55:5

Otta, ty a elow kenedhel na aswonnydh, ha kenedhel na aswonnydh a wra poenya dhis, drefenn an Arloedh dha Dhuw, ha'n Sans a Ysrael, rag ev re'th glorifias.

Ysay 60:21

Oll dha bobel a vydh gwiryon hag i a erit an tir bys vykken. I yw skyllenn a blensis, ober ow diwla, dhe dhiskwedhes ow glori.

Ysay 60:9

Rag an ynysow a'm gorta, gorholyon Tarshish yw an kynsa, dhe dhri dha vebyon a bellder, ha'ga owr ha'ga arghans gansa, rag hanow an Arloedh dha Dhuw, ha rag Sans Ysrael, rag ev re'th glorifias.

Ysay 61:10

My a lowenha yn feur y'n Arloedh, ow enev a vydh heudhik y'm Duw, drefenn ev dhe'm kwetha gans dillas a selwyans ha'm kudha yn goen ewnder, kepar dell wra gour pries a omwisk yn tulyfant oferyas, ha kepar dell wra benyn bries hy omafina gans hy gemmweyth.

Ysay 61:11

Ha kepar dell wra an dor dri yn-mes y eginyow, ha lowarth a wra dhe'n pyth yw hesys skylla, yndella an Arloedh Duw a wra dhe ewnder ha gormola skylla a-rag oll an kenedhlow.

Yeremia 33:16

Y'n dydhyow na Yuda a vydh selwys ha Yerusalem a drig yn sawder. Ha hemm yw an hanow may fydh henwys: ‘An Arloedh agan gwiryonedh.’

Habakkuk 3:19

An Arloedh Duw yw ow nerth, hag ev a wra ow threys kepar ha treys ewigow, hag ev a wra dhymm kerdhes war ow thylleryow ughel. Dhe'n penn-kenysi war dhaffar kerdyn.

Zekaria 10:12

My a wra aga nertha y'n Arloedh, hag yn y hanow ev i a gerdh a-dro, yn-medh an Arloedh.

Zekaria 10:6

My a wra nertha chi Yuda ha selwel chi Yosep. My a wra aga restorya, rag my a gemmer truedh anedha. I a vydh kepar ha pan na wrugavy aga skonya; rag yth ov vy an Arloedh aga Duw, ha my a wra aga gorthybi.

Zekaria 12:5

Ena kordhow Yuda a lever yn aga holonn, ‘Trigoryon Yerusalem yw nerth dhymm, der Arloedh an luyow aga Duw.’

Zekaria 8:23

Yndellma y lever Arloedh an luyow: Y'n dydhyow na deg gour dhiworth oll yethow an kenedhlow a dhalghenn lostenn an goen a wour yedhowek, ow leverel, ‘Deun ni genowgh hwi, rag ni re glewas bos Duw genowgh.’

Luk 13:17

Hag ev ow leverel an taklow ma, oll y erbynnoryon a berthi meth, ha'n routh oll a lowenhi drefenn an oberow gloryus gwrys ganso.

Luk 19:27

Mes ow eskerens na, neb na vynnsons my dhe vos myghtern warnedha: gwrewgh aga dri omma ha'ga ladha a-dheragov.” ’

Yowann 12:32

Ha my, pan viv drehevys a'n norvys, a denn tus oll dhymmo vy.’

Yowann 7:37

Y'n jydh diwettha, dydh meur an goel, Yesu a sevis ha kria, ow leverel, ‘Den mara'n jeves syghes, des ev dhymmo vy, hag eva.

1 Korinthianys 1:30

Anodho ev yth esowgh hwi yn Krist Yesu, neb a dheuth ha bos ragon ni skentoleth dhiworth Duw, hag ewnder ha sansheans ha daspren.

2 Korinthianys 5:21

A-barth dhyn ni ev a wrug dhodho, neb na wodhva pegh, bos pegh, may teffen ni ha bos ewnder Duw ynno ev.

Efesianys 3:16

may rollo dhywgh hwi, war-lergh rychys y splannder, dhe vos krevhes gans galloes der y Spyrys y'n den pervedhel,

Efesianys 6:10

Wor'tiwedh, bedhewgh krev y'n Arloedh, hag y'n nerth a'y alloes.

Filippianys 4:13

My a yll gul pup-tra dredho ev neb a re dhymm nerth.

Kolossianys 1:11

nerthys gans pub galloes war-lergh krevder y splannder dhe bub perthyans ha godhevyans; gans lowena

2 Peder 1:1

Simon Peder, gwas hag abostol Yesu Krist, Dhe'n re re gavas fydh drudh kehaval dh'agan fydh ni, yn ewnder agan Duw ha'gan Selwyas Yesu Krist:

Diskwedhyans 11:18

Ha'n kenedhlow o serrys, ha'th sorr yw devedhys, ha'n termyn dhe vreusi an re varow, ha dhe ri gober dhe'th wesyon an brofoesi ha dhe'n syns ha dhe'n re a berth own a'th hanow, dhe'n re vyghan ha'n re veur ha dhe dhiswul an re a dhiswra an dor.’

Diskwedhyans 22:17

Hag yn-medh an Spyrys ha'n venyn bries, ‘Deus’, ha leveres neb a glewvo, ‘Deus’, ha des neb a'n jeffo syghes; neb a vynno, kemmeres ev a'n dowr a vewnans heb kost.