Ysay 45:20 - An Bibel Kernewek 20234 (Kernewek Kemmyn)

²⁰ Omguntellewgh ha dewgh, dewgh nes war-barth, hwi fowesigyon a'n kenedhlow! Ny's teves godhvos vyth, an re a dheg aga imajys a brenn, hag i a bys dhe dhuw na'n jeves selwel.

Ysay 45:20 ပူးပေါင်းရင်းမြစ်များ

2 Kroniklys 25:15

An Arloedh a sorras orth Amasia, hag a dhannvonas dhodho profoes, a leveris dhodho, ‘Prag re hwilsys duwow an bobel ma, na yllens delivra aga fobel aga honan a'th leuv jy?’

2 Kroniklys 28:23

Rag ev a sakrifias dhe dhuwow Damaskus a'n fethsa, ha leverel, ‘Drefenn duwow myghternedh Aram dh'aga gweres, my a wra sakrifia dhedha, rag ma'm gweressons vy.’ Mes an re na o diswrians dhodho ha dhe Ysrael oll.

Salmow 115:8

An re a's gwra yw kehaval dhedha; hag ynwedh oll an re a drest ynna.

Ysay 4:2

Y'n jydh na egin an Arloedh a vydh teg ha gloryus, ha frut an tir a vydh bryntin ha splann dhe'n re a dhienk yn Ysrael.

Ysay 41:21

Dyllewgh agas ken, yn-medh an Arloedh, degewgh agas provow, yn-medh Myghtern Yakob.

Ysay 43:9

Oll an kenedhlow re dheuth war-barth ha'n poblow res omguntellas. Piw yn aga mysk a dherivas hemma, ha darleverel an taklow kyns? Degens aga dustunioryon rag aga justifia, ha klewens ha leverens, ‘Gwir yw.’

Ysay 44:10

Piw re wrug duw po teudhi imaj gravys na'n jeves les kammenn?

Ysay 44:9

Oll myns a wra imajys yw mann, ha'n taklow may lowenhons ynna yw diles. Aga dustunioryon yw heb gweles ha heb godhvos, ytho i a berth meth.

Ysay 46:1

Bel a ombleg dhe'n dor, Nebo a warrgromm, yma aga imajys war vestes ha gwarthek; an taklow degys genowgh yw beghus, avel beghyow poes war enyval skwith.

Ysay 48:14

Omguntellewgh, hwi oll, ha klewewgh: piw anedha re dhiskwedhas an taklow ma? An Arloedh a'n kar, ev a gowlwra y borpos war Babylon, ha'y vregh a vydh erbynn Kaldea.

Ysay 57:13

Pan griydh rag gweres, gwres dha guntellow a idolys dha sawya! An gwyns a's dheg i oll dhe-ves, hag anall a's hwyth dhe-ves. Mes neb a hwila skovva ynnov vy a bew an tir, hag erita ow menydh sans.

Yeremia 10:14

Pubonan yw gokki ha heb skians: pub teudher a gemmer meth a'y imaj gravys; rag y imaj teudhys yw fals, ha nyns eus anall ynna.

Yeremia 10:5

Yth yns avel boekka yn gwel kukumbrow, ha ny yllons kewsel: res yw dhedha bos degys rag ny yllons kerdhes. Na vedhewgh ownek dhedha; rag ny yllons gul drog, na nyns eus ynna dhe wul da.

Yeremia 10:8

Mes i yw ha gokki ha foll; dyskans idolys a brenn yw euveredh.

Yeremia 48:13

Ha Moab a'n jevydh meth a Kemosh, dell borthas chi Ysrael meth a Bethel, may trestsons ynno.

Yeremia 48:47

Mes my a dreyl kethneth Moab y'n dydhyow diwettha, yn-medh an Arloedh. Bys hemma yma an varn war Moab.

Yeremia 50:28

Klewir son an re a fi, hag a skap yn-mes a bow Babylon, dhe dheklarya yn Sion dial an Arloedh agan Duw, dial rag y dempel.

Efesianys 2:12

agas bos y'n eur na heb Krist, estrenhes dhiworth kemmynieth Ysrael, hag estrenyon dhe gevambosow an dedhewadyow, heb govenek, ha heb Duw y'n bys.

Efesianys 2:16

ha may hwrella dhe'n dhew bos unnverhes yn unn korf dhe Dhuw der an grows, dredhi ow ladha an eskarogeth.