Ysay 45:12 - An Bibel Kernewek 20234 (Kernewek Kemmyn)

¹² My yw neb a wrug an norvys, ha my a greatyas mab-den warnodho; ow diwla y feu a lesas an nevow, ha my a worhemmynnis aga luyow oll.

Ysay 45:12 ပူးပေါင်းရင်းမြစ်များ

Jenesis 2:1

Yndella kowlwrys veu an nevow hag oll an lu anedha.

Ezra 1:2

‘Yndellma y lever Kyrus myghtern Persia: An Arloedh Duw nev, re ros dhymm oll ruvanethow an norvys; hag ev re erghis dhymm drehevel dhodho chi yn Yerusalem, usi yn Yuda.

Nehemia 9:6

‘Ty dha honan yw an Arloedh. Ty a wrug nev, an nev a nevow, gans oll aga lu, an nor ha pup-tra eus warnodho, an moryow ha pup-tra eus ynna, ha ty a re bewnans dhedha i oll ha'n lu a nev a'th wordh.

Job 37:18

A yllydh, kepar hag ev, ystynn an nevow, mar grev avel mirour teudhys?

Salmow 102:25

Wostalleth y selsys an nor, ha'n nevow yw ober dha dhiwleuv.

Salmow 104:2

ty a omwisk yn golow kepar hag yn kweth, ha ty a dhisplet an nevow avel kroglenn;

Ysay 37:16

‘A Arloedh an luyow, Duw Ysrael, a esedh war an cherubim, ty yw Duw, ty dha honan, dhe oll gwlaskordhow an norvys. Ty re wrug nev ha nor.

Ysay 40:12

Piw yw re vusuras an dowrow yn palv y leuv, ha re verkyas an nevow gans dornva, ha re synsis doust an bys yn musurva, ha re boesas an menydhyow yn mantol ha'n breow yn balans?

Ysay 40:22

Ev a esedh war gylgh an bys, ha'y drigoryon avel kulyoges-reden yth yns; ev a ystynn an nevow avel vayl, hag a's les avel tylda ynno may trigir.

Ysay 40:26

Drehevewgh yn-bann agas dewlagas, ha gwelewgh: piw a wrug an re ma? Ev neb a dheg yn-mes aga lu, orth aga nivera, ha'ga gelwel pubonan orth hanow; der y nerth meur ha'y alloes krev ny fyll onan vyth.

Ysay 40:28

A ny wodhves, a ny glewsys? An Arloedh yw an Duw heb diwedh, Kreador pennow an norvys. Ny glamder na ny vydh skwith; dres hwithra yw y gonvedhes.

Ysay 42:5

Yndellma y lever Duw, an Arloedh, neb a wrug an nevow ha'ga ystynn, neb a lesas an norvys ha'n pyth a dheu anodho, neb a re anall dhe'n bobel usi warnodho, ha spyrys dhe'n re a gerdh ynno:

Ysay 44:24

Yndellma y lever an Arloedh, dha Dhasprenyas, neb a'th formyas y'n dorr: My yw an Arloedh, a wrug pup-tra, neb a ystynnas an nevow ow honan, hag a lesas an norvys ow honan;

Ysay 45:18

Rag yndellma y lever an Arloedh, Kreador an nevow, Duw yw ev; ev a formyas an norvys ha'y wruthyl; ev a'n fastyas, ny'n kreatyas dhe vos gwag, ev a'n formyas dhe vos annedhys: My yw an Arloedh, nyns eus arall.

Ysay 48:13

Ow dorn a fondyas an norvys, ha'm dorn dhyghow a lesas an nevow; pan y's galwav, i a sev a-ragov war-barth.

Ysay 51:13

Ty re ankovas an Arloedh, dha Wrier, neb a lesas an nevow hag a fondyas selyow an norvys. Oll an jydh ty a berth own, drefenn konnar an gwasker, neb a'n jeves mall a dhistrui. Mes ple'ma konnar an gwasker?

Yeremia 27:5

My re wrug an nor, an den ha'n best usi war an nor, der ow galloes meur ha der ow bregh ystynnys, ha'y ri dhe biwpynag a blekkyo dhymm.

Yeremia 32:17

Ogh Arloedh Duw! Otta, ty re wrug an nevow ha'n nor dre dha alloes meur ha'th vregh ystynnys! Nyns eus travyth re gales ragos.

Zekaria 12:1

Begh ger an Arloedh a-dro dhe Ysrael. An Arloedh, neb a les an nevow, ha fondya an nor, ha formya spyrys mab-den a-ji dhodho, a lever:

Dewteronomi 4:32

Govynn lemmyn a-dro dhe'n dydhyow kyns, kyns dha dermyn jy, dhiworth an jydh may kreatyas Duw den war an norvys; dhiworth tu arall unn penn a'n ebron bys y'n penn arall: eus hwarvedhys neppyth kepar ha'n dra vras ma, po a veu neppyth haval dhodho klewys?

Ebrowyon 11:3

Dre fydh y konvedhyn bos an bys gwrys dre er Duw, may feu gwrys an pyth a welir dhiworth an pyth anwelys.