Ysay 45:11 - An Bibel Kernewek 20234 (Kernewek Kemmyn)

¹¹ Yndellma y lever an Arloedh, an Sans a Ysrael ha'y formyer: A wovynnowgh orthiv a-dro dhe'm fleghes, po ow erghi a-dro dhe ober ow diwla?

Ysay 45:11 ပူးပေါင်းရင်းမြစ်များ

Jenesis 32:26

Hag yn-medh ev, ‘Dannvon vy yn-kerdh, rag an jydh re dardhas.’ Hag yn-medh ev, ‘Ny vynnav dha dhannvon yn-kerdh marnas ty a wra ow benniga.’

Ysay 19:25

Arloedh an luyow a's bennik, ow leverel, ‘Benniges re bo ow fobel Ejyp, hag ober ow diwla Assyria, hag Ysrael ow eretons.’

Ysay 29:23

rag pan wel y fleghes, ober ow diwla, a-ji dhodho, i a sansha ow hanow, ha sanshe Sans Yakob, ha perthi own a Dhuw Ysrael.

Ysay 43:1

Ha lemmyn yndellma y lever an Arloedh, ev neb a'th wrug, A Yakob, hag ev neb a'th formyas, A Ysrael: Na borth own, rag my re'th prenas ha re'th henwis orth hanow, dhymmo vy yth os.

Ysay 43:15

My yw an Arloedh, agas Sans, formyer Ysrael, agas myghtern.

Ysay 43:21

an bobel a formis ragov ow honan, rag may teriffens ow gormola.

Ysay 43:3

Rag yth ov an Arloedh, dha Dhuw, an Sans a Ysrael, dha Selwyas. Ejyp a rov avel dha dhaspren, Ethiopia ha Seba yn keschanj ragos.

Ysay 43:7

pub huni neb yw henwys orth ow hanow, neb re wrugavy rag ow glori, neb a formis vy ha kreatya.’

Ysay 44:2

Yndellma y lever an Arloedh a'th wrug, neb a'th formyas a'n dorr, hag a wra dha weres: Na borth own, a Yakob, ow gwas, Yeshurun neb re dhewisis.

Ysay 45:10

Go-ev neb a lever dhe das: ‘Pandr'a dhineythydh?’ po dhe venyn, ‘Pandr'a dhegedh y'th lavur?’

Ysay 48:17

Yndellma y lever an Arloedh, dha Dhasprenyas, an Sans a Ysrael: My yw an Arloedh dha Dhuw, a'th tysk rag dha les dha honan, ha'th hembronk y'n fordh may tegoedh dhis mones ynni.

Ysay 54:5

Rag dha Wrier yw dha wour pries, Arloedh an luyow yw y hanow; ha'n Sans a Ysrael yw dha Dhasprenyas, Duw an norvys oll y'n henwir.

Ysay 60:21

Oll dha bobel a vydh gwiryon hag i a erit an tir bys vykken. I yw skyllenn a blensis, ober ow diwla, dhe dhiskwedhes ow glori.

Ysay 63:16

Rag ty yw agan Tas, kyn na'gan goer Abraham ha na'gan aswonn Ysrael; ty yw an Arloedh agan Tas, agan Dasprenyas vynnari yw dha hanow.

Ysay 64:8

Ha lemmyn, Arloedh, ty yw agan Tas. Ni yw an pri, ha ty yw agan priweythor; ni oll yw ober dha leuv.

Ysay 8:19

Mar leverons dhywgh, ‘Hwilewgh kusul a nygromonsoryon ha koelyogyon neb a hwyster ha hanasa; a ny goedh dhe bobel hwila aga Duw, hwila kusul an re varow a-barth an re vew

Yeremia 3:19

Mes my a leveris, Fatell wrav vy dha worra yn mysk ow mebyon, ha ri dhis tir plegadow, an tekka ertach a'n kenedhlow oll? Ha my a leveris, Ty a'm galow, Ow thas; ha ny dreylydh arta ahanav.

Yeremia 31:1

Dhe'n keth termyn, yn-medh an Arloedh, my a vydh Duw oll teyluyow Ysrael, hag i a vydh ow fobel.

Yeremia 31:9

I a dheu yn-dann dhagrewi, ha gans konfort my a's hembronk, my a wra dhedha kerdhes ryb frosow dowr, yn fordh leven le ma na drebuchyons; rag my yw tas dhe Ysrael, hag Efraym yw ow hynsa-genys.

Yeremia 33:3

Galow dhymm ha my a worthyp dhis, ha derivas dhis traow meur hag andrehedhadow na aswonnsys.

Ezekiel 36:37

Yndellma y lever an Arloedh Duw: Ynwedh my a as dhe ji Ysrael govynn orthiv dhe wul hemma ragdha: dhe voghhe aga thus kepar ha flokk.

Ezekiel 39:7

My a wra dhe'm hanow sans bos aswonnys yn mysk ow fobel Ysrael; ha ny asav ow hanow sans dhe vos defolys na fella; ha'n kenedhlow a woer my dhe vos an Arloedh, an Sans yn Ysrael.

Daniel 2:18

Ev a's pysis a hwilas truedh dhiworth Duw a nev ow tochya an kevrin ma, ma na ve Daniel ha'y gowetha distruys war-barth gans remenant an dus fur a Babylon.

Hosea 1:10

Hwath y fydh niver fleghes Ysrael avel tewes an mor, na yll bos musurys na niverys. Y'n tyller may feu leverys dhedha, ‘Nyns owgh hwi ow fobel’, y fydh leverys dhedha, ‘Mebyon an Duw bew.’

Hosea 12:4

Ev a strivyas gans an el ha prevaylya; ev a oelas hag a bysis favour dhiworto. Ev a'n kavas yn Bethel, hag ena y kewsis ganso:

Mark 11:24

Rakhenna my a lever dhywgh, pypynag a hwilowgh pan bysowgh, krysewgh y dhegemmeres, ha hwi a'n kyv.

2 Korinthianys 6:18

ha tas vydhav dhywgh ha mebyon ha myrghes vydhowgh hwi dhymm, yn-medh an Arloedh Ollgalloesek.’

Efesianys 2:10

Rag y wrians ev on ni, kreatys yn Krist Yesu dhe oberow da a ragbareusis Duw, may hyllyn ni kerdhes ynna.

Yoshua 10:12

Ena Yoshua a gewsis dhe'n Arloedh y'n jydh pan dhelivras an Arloedh an Amorysi dhe'n Ysraelysi, hag ev a leveris yn golok Ysrael, ‘Howl, sav stag yn Gibeon, ha ty Loer, yn nans Ayyalon.’

Breusysi 16:23

Lemmyn gwahalyethow an Filistysi a omguntellas rag offrynna sakrifis meur dh'aga duw Dagon ha rag lowenhe; rag y lavarsons, ‘Agan duw re ros Samson agan eskar yn agan leuv.’