Ysay 45:1 - An Bibel Kernewek 20234 (Kernewek Kemmyn)

¹ Yndellma y lever an Arloedh dh'y untys, dhe Kyrus, neb a synsis vy er y leuv dhyghow, rag fetha kenedhlow a-ragdho, ha dhe dhigelmi diwglun myghternedh, dhe igeri darasow a-ragdho, ha ny vydh yetys deges:

Ysay 45:1 ပူးပေါင်းရင်းမြစ်များ

1 Myghternedh 19:15

Ena an Arloedh a leveris dhodho, ‘Ke, dehwel war dha fordh dhe wylvos Damaskus, ke a-ji dhe'n sita; hag untya Hazael avel myghtern war Aram,

Ezra 1:1

Yn kynsa blydhen Kyrus myghtern Persia, may fe kollenwys ger an Arloedh dre anow Yeremia, an Arloedh a wrug spyrys Kyrus myghtern Persia dhe dhifuna, may tannvonna gwarnyans der y wlaskor oll, hag ynwedh ev a'n gwrug yn skrif, ow leverel,

Ezra 1:2

‘Yndellma y lever Kyrus myghtern Persia: An Arloedh Duw nev, re ros dhymm oll ruvanethow an norvys; hag ev re erghis dhymm drehevel dhodho chi yn Yerusalem, usi yn Yuda.

Job 12:21

Ev a dhinwa bismer war bennsevigyon, ha lewsel grogys an re yw krev.

Salmow 73:23

Byttegyns yth esov vy prest genes; ty re'm synsis er ow leuv dhyghow.

Ysay 13:2

War venydh moel drehevewgh baner, kriewgh yn ughel dhedha; gwevyewgh leuv rag may teffons yn yetys an ugheloryon.

Ysay 13:3

My re worhemmynnis dhe'm re sanshes, ynwedh my re elwis ow breselysi dhe gowlwul ow sorr, an re a vost y'm meuredh.

Ysay 41:13

Rag my, an Arloedh, yw dha Dhuw a syns dha dhorn dhyghow; neb a lever dhis, ‘Na borth own, my a'th weres.’

Ysay 41:2

Piw a wrug dhe nebonan difuna dhiworth an howldrevel, orth y elwel dh'y servis yn ewnder? Ev a re kenedhlow a-ragdho, ha fetha myghternedh; ev a's gwra avel doust gans y gledha, avel sowl herdhys gans y warak.

Ysay 41:25

My a wrug dhe onan difuna dhiworth an gledhbarth hag ev a dheu, dhiworth an howldrehevel, hag ev a elow war ow hanow. Ev a stank war rewloryon kepar dell ve war leys, dell drett an priweythor an pri.

Ysay 42:6

My yw an Arloedh, my re'th helwis yn ewnder, my a'th syns er an leuv, ha dha witha, my re'th ros yn kevambos dhe'n bobel, golow dhe'n kenedhlow,

Ysay 44:28

neb a gews a Kyrus, ‘Ow bugel yw ev, hag ev a gollenow ow forpos oll’; ow leverel a-dro dhe Yerusalem, ‘Bedhes dastrehevys’, hag a-dro dhe'n tempel, ‘Bedhes hy selven desedhys yn y le.’

Ysay 45:5

My yw an Arloedh, ha nyns eus ken; a-der my nyns eus duw; my a'th arv, kyn na'm aswonnsys,

Ysay 48:15

My, my ow honan re gewsis ha'y elwel, my re'n dros, hag ev a wra seweni yn y fordh.

Yeremia 27:6

Ha lemmyn my re ros oll an tiryow ma yn leuv Nebukadnessar myghtern Babylon, ow gwas, ha my re ros ynwedh bestes an gwel dh'y servya.

Yeremia 43:10

ha lavar dhedha, Yndellma y lever Arloedh an luyow, Duw Ysrael: Otta, my a dhannvon ha kemmeres Nebukadnessar myghtern Babylon, ow gwas, hag ev a worr y dron a-ugh an meyn ma re ynkleudhis, hag ev a les y babell ryel warnedha.

Yeremia 50:3

Rag yn-mes a'n gogledh y teu kenedhel er hy fynn, a wra hy thir ynyal, ha ny drig denvyth ynno, ha den ha best a fi dhe-ves.

Yeremia 50:35

Kledha erbynn an Kaldeanys, yn-medh an Arloedh, hag erbynn annedhysi Babylon, hag erbynn hy fennsevigyon ha'y gwer dhoeth!

Yeremia 51:11

Lymmewgh an sethow! Lenwewgh an goenyow! An Arloedh re dhrehevis spyrys myghternedh an Medys, rag y dowl a-dro dhe Babylon yw hy distrui, rag henn yw dial an Arloedh, dial rag y dempel.

Yeremia 51:30

Breselyoryon Babylon re hepkorras omladh, i a worta yn aga dinasow; aga nerth re fyllis, i res eth ha bos avel benynes; tan re beu gorrys yn hy annedhow, hy barrow yw terrys.

Yeremia 51:58

Yndellma y lever Arloedh an luyow: Fos ledan Babylon a vydh terrys dhe'n leur, ha'y yetow ughel a vydh leskys gans tan. An bobel a lavur rag travyth, ha'n kenedhlow a omskwith rag tan.

Ezekiel 29:20

My re ros dhodho pow Ejyp yn attal rag y ober a wrug, rag i a lavuryas ragov vy, yn-medh an Arloedh Duw.

Daniel 5:6

Ena liw an myghtern a dreylyas, y brederow a'n troblas, mellow y dhiwglun a omlowsyas, ha'y dhewlin a gnoukyas an eyl orth y gila.

Daniel 7:5

Hag ottena best arall, an nessa, kepar hag ors. Omdhrehevys veu war unn denewen, hag yn y anow ynter y dhyns yth esa teyr asenn; hag i a leveris dhodho, ‘Sav yn-bann; deber meur a gig.’

Daniel 8:3

My a dhrehevis ow dewlagas ha mires; hag ottena unn hordh ow sevel war lann an dowrgleudh. Dew gorn a'n jevo, hir aga dew, mes an eyl o hirra ages y gila, ha'n korn hirra a dheuth yn-bann diwettha.

Daniel 8:4

My a welas an hordh ow kornya war-tu ha'n howlsedhes, an gledhbarth, ha'n dhyghowbarth; ny ylli best vyth sevel er y bynn, ha nyns esa denvyth a ylli delivra a'y dhorn; ev a wre dell vynna hag omvoghhe.

Nahum 2:6

Yetys an avonyow yw igerys, ha'n palys a gren.

Nahum 3:13

Awotta, dha dus a-berth ynnos yw benynes; igerys a-les dhe'th eskerens yw porthow dha dir, tan a dhevor barrys dha yetys.