Ysay 44:8 - An Bibel Kernewek 20234 (Kernewek Kemmyn)

⁸ Na berthewgh own, bedhewgh diagha! A ny dharleveris dhis seuladhydh ha'y veneges? Hwi yw ow dustuniow. Eus Duw a-der my? Nyns eus karrek, ny aswonnav kammenn.

Ysay 44:8 ပူးပေါင်းရင်းမြစ်များ

Jenesis 46:3

Hag yn-medh ev, ‘My yw Duw, Duw dha das Ysak. Na borth own a vos yn-nans dhe Ejyp, rag ena my a wra dhis bos kenedhel vras.

Jenesis 48:19

Mes y das a naghas ha leverel, ‘My a woer, ow mab, my a woer. Ev ynwedh a dheu ha bos pobel, hag ev ynwedh a vydh bras; mes y vroder yowynka a vydh brassa agesso, ha'y has a vydh kenedhlow pals.’

2 Samuel 22:32

Rag piw yw Duw marnas an Arloedh? Ha piw yw karrek marnas agan Duw ni.

Ezra 1:2

‘Yndellma y lever Kyrus myghtern Persia: An Arloedh Duw nev, re ros dhymm oll ruvanethow an norvys; hag ev re erghis dhymm drehevel dhodho chi yn Yerusalem, usi yn Yuda.

Ezra 8:22

Rag meth a'm bia govynn orth an myghtern kowethas soudoryon ha marghogyon dh'agan gweres erbynn ladron fordh; rag ni a leveris dhe'n myghtern, ‘Yma leuv agan Duw war oll an re a'n hwila; mes yma y alloes ha'y sorr erbynn oll a'n eskas.’

Salmow 18:31

Rag piw yw Duw marnas an Arloedh? Ha piw yw karrek saw agan Duw ni? –

Salmow 18:32

an Duw neb a worr grogys a nerth a-dro dhymm, hag ev re wrug ow fordh divlam.

Salmow 86:10

Rag meur osta, ha ty a wra marthusyon; ty unnsel yw Duw.

Ysay 17:10

Rag ty re ankovas Duw dha selwyans, ha ny berthsys kov a garrek dha nerth. Rakhenna kynth esos ow plansa plansvaow hweg ha graffya skyll astranj;

Ysay 26:4

Trestyewgh y'n Arloedh bynnari rag an ARLOEDH DUW yw karrek bys vykken.

Ysay 30:29

Y'gas bydh kan kepar hag yn nos solempnya goel, ha lowena an golonn, kepar dell gerdhir gans son an bib dhe dhos yn menydh an Arloedh, dhe Garrek Ysrael.

Ysay 41:23

Derivewgh an taklow yw dhe dhos a-wosa, rag may hwodhvyn hwi dhe vos duwow; gwrewgh da, po gwrewgh drog, rag may fyn digolonnek hag ownek war-barth.

Ysay 42:9

Otta, an taklow dargenys kyns, hwarvedhys yns, ha taklow nowydh a dherivav lemmyn; kyns i dhe egina anedha y terivav orthowgh.

Ysay 43:10

‘Hwi yw ow dustunioryon’, y lever an Arloedh, ha'm gwas a dhewisis, rag may hwodhvowgh ha krysi dhymm, ha konvedhes, my dhe vos ev. Kyns my ny veu Duw formys, na ny vydh nevra war ow lergh.

Ysay 43:11

My, my yw an Arloedh, hag a-der my nyns eus selwyas.

Ysay 43:12

My a dherivas hag a selwis hag a dhellos, pan nag esa Duw astranj yn agas mysk, ha hwi yw ow dustunioryon, y lever an Arloedh, my dhe vos Duw.

Ysay 43:9

Oll an kenedhlow re dheuth war-barth ha'n poblow res omguntellas. Piw yn aga mysk a dherivas hemma, ha darleverel an taklow kyns? Degens aga dustunioryon rag aga justifia, ha klewens ha leverens, ‘Gwir yw.’

Ysay 44:2

Yndellma y lever an Arloedh a'th wrug, neb a'th formyas a'n dorr, hag a wra dha weres: Na borth own, a Yakob, ow gwas, Yeshurun neb re dhewisis.

Ysay 44:6

Yndellma y lever an Arloedh, Myghtern Ysrael, ha'y Dhasprenyas, Arloedh an luyow: My yw an kynsa ha my yw an diwettha, hag a-der my nyns eus duw.

Ysay 45:19

Ny gewsis vy yn-dann gel, yn tyller tewl a'n norvys. Ny leveris dhe agh Yakob, ‘Hwilewgh my yn euver.’ My, an Arloedh a gews an gwir; my a dheriv an pyth yw ewn.

Ysay 46:9

Perthewgh kov a'n taklow koth a henys; rag my yw Duw, ha nyns eus ken; my yw Duw, ha nyns eus onan haval dhymm,

Ysay 48:3

My a dharleveris an kynsa taklow nans yw pell, i eth yn-mes a'm ganow, my a's dellos; ena a-dhistowgh my a's gwrug, hag i a hwarva.

Ysay 48:5

my a's darleveris dhis a hirneth, kyns i dhe hwarvos y's delles dhis, ma na lavarres, ‘Ow idol a's gwrug, ow imaj gravys ha'm imaj teudhys a's erghis.’

Yeremia 10:7

Piw ny berth own ahanas, A Vyghtern an kenedhlow? Rag henn yw an pyth a dhegoedh dhis: yn mysk tus fur an kenedhlow, hag yn oll aga gwlaskordhow, nyns eus nagonan haval dhis.

Daniel 2:28

mes yma yn nev Duw neb a dhiskudh kevrinyow, hag ev re dherivas dhe vyghtern Nebukadnessar pandr'a hwyrvydh y'n dydhyow diwettha. Dha hunros, ha'n gwelesigethow y'th penn war dha weli, o an re ma:

Daniel 2:47

Yn-medh an myghtern dhe Daniel, ‘Yn hwir yth yw dha Dhuw Duw a dhuwow, hag Arloedh a vyghternedh, ha diskudher a gevrinyow, rag ty re allas diskudha an kevrin ma.’

Daniel 4:25

may fi fesys pell dhiworth tus, ha'th annedh a vydh gans bestes gwyls, gwrys dhe dhybri gwels avel oghen, ha glybys gans gluth an nevow. Warnas y tremen seyth seson, bys pan gonvedhydh bos an Ughella rewler yn gwlaskor mab-den, hag y's re dhe neb a vynno.

Daniel 6:22

Ow Duw a dhannvonas y el ha degea ganow an lewyon, ha ny wrens ow shyndya, drefenn ow bos kevys divlam a-ragdho; hag ynwedh a-ragos, A vyghtern, ny wrug drog vyth.’

Yoel 2:27

Hwi a wodhvydh my dhe vos yn mysk Ysrael, ha my dhe vos an Arloedh agas Duw, ha nyns eus nahen. Ha ny wra ow fobel perthi meth bynitha.

Yowann 1:1

Y'n dalleth yth esa an Ger, hag yth esa an Ger gans Duw, ha'n Ger o Duw.

Yowann 10:30

My ha'm Tas yw onan.’

Yowann 6:10

Yn-medh Yesu, ‘Gwrewgh dhe'n wer esedha.’ Lemmyn yth esa meur a wels y'n tyller. Ytho an wer a esedhas, a-dro dhe bymp mil aga niver.

Oberow 1:8

Mes hwi a dhegemmer nerth pan dheu an Spyrys Sans warnowgh, ha dustunioryon vydhowgh dhymm, hag yn Yerusalem hag yn oll Yudi ha Samaria ha bys penn pella an norvys.’

Oberow 14:15

‘A wer, prag y hwrewgh hwi an taklow ma? Ni ynwedh yw gwer, a'n keth gnas avelowgh, ha ni a bregoth rag agas treylya dhiworth an taklow koeg ma dhe Dhuw bew, neb a wrug an nev ha'n nor ha'n mor ha pup-tra eus ynna.

Dewteronomi 32:31

Rag nyns yw aga harrek i haval dh'agan Karrek ni, dell yll agan eskerens aga honan breusi.

Dewteronomi 32:39

Gwelewgh lemmyn, my, my yw ev, ha nyns eus duw marnas vy. My a ladh, ha my a vewha; my a vrew ha my a yaghha, ha nyns eus nagonan a yll delivra dhiworth ow leuv.

Dewteronomi 32:4

An Garrek – perfydh yw y ober, rag oll y fordhow yw ewn; Duw a lenduri, heb kammhynseth, gwiryon ha kompes yw ev.

Dewteronomi 4:35

Y feu diskwedhys dhis, rag may aswonnes an Arloedh dhe vos Duw; nyns eus arall saw unnsel ev.

Dewteronomi 4:39

Ytho godhvydh hedhyw, ha dro arta y'th kolonn, an Arloedh dhe vos Duw yn nev war-vann hag y'n nor a-woeles: nyns eus nahen.

Ebrowyon 12:1

Ytho, ni ynwedh, a-ban eus kommolenn mar veur a dhustunioryon a-dro dhyn, tewlyn a-denewen pub ankombrans ha pegh hag a len mar ogas, ha dre bargh, resyn an resegva yw settys a-dheragon,

1 Yowann 1:2

rag an bewnans a veu diskwedhys ha ni re'n gwelas ha dustunia ha leverel dhywgh, an bewnans heb diwedh esa gans an Tas hag a veu diskwedhys dhyn –

1 Samuel 2:2

‘Nyns eus Sans kepar ha'n Arloedh, nyns eus nagonan marnas ty; nyns eus karrek kepar ha'gan Duw.