Ysay 44:17 - An Bibel Kernewek 20234 (Kernewek Kemmyn)

¹⁷ A'n remenant arall ev a wra duw, y imaj, ha koedha dhe'n dor a-ragdho ha'y wordhya; ev a bys dhodho hag a lever, ‘Delirv vy, rag ty yw ow duw.’

Ysay 44:17 ပူးပေါင်းရင်းမြစ်များ

Ysay 45:20

Omguntellewgh ha dewgh, dewgh nes war-barth, hwi fowesigyon a'n kenedhlow! Ny's teves godhvos vyth, an re a dheg aga imajys a brenn, hag i a bys dhe dhuw na'n jeves selwel.

Daniel 6:27

Delivra ha sawya a wra, ev a wra toknys hag anethow yn nev hag yn nor; ev re sawyas Daniel dhiworth galloes an lewyon.’

Daniel 6:16

Ena an myghtern a worhemmynnis, hag i a dhros Daniel ha'y dewlel yn fow an lewyon. Yn-medh an myghtern dhe Daniel, ‘Re wrello dha Dhuw, neb a servydh prest, dha dhelivra!’

Daniel 3:29

[95] My a dhyllo gorhemmynn: pub pobel, pub kenedhel ha pub taves neb a gews erbynn Duw Shadrak, Meshak hag Abednego, a vydh hakkys dhe demmyn, ha'y ji a vydh treylys dhe vern teyl; rag nyns eus Duw nahen neb a yll delivra yndellna.’

Daniel 3:17

Yndella mars yw yn few, agan Duw neb a servyn a yll agan delivra mes a'n fornes a dan ow flammya, hag ev a'gan delirv mes a'th torn.

Ysay 37:38

Hag y hwarva, pan esa ow kordhya yn chi Nisrok y dhuw, Adrammelek ha Shareser y vebyon a'n ladhas gans an kledha, hag i a skapyas dhe bow Ararat. Hag Esarhaddon y vab a reynyas yn y le.

1 Myghternedh 18:26

Ytho i a gemmeras an lodhen a veu res dhedha, y bareusi, ha gelwel war hanow Baal a'n myttin bys yn hanter-dydh, ow kria, ‘A Baal, gorthyp dhyn!’ Mes nyns esa lev, ha nyns esa gorthyp. Hag i a lammas a-dro dhe'n alter re wrussons.

Oberow 19:27

Lemmyn yma peryll agan kreft dhe gelli y hanow da, mes ynwedh y fydh tempel an dhuwes veur Artemis akontys heb bri, mes moy es henna, y fydh hy braster lehes, neb yw gordhys gans oll Asia ha'n bys.’

1 Myghternedh 18:28

Ena i a grias ughella, ha dell o aga usadow, i a omdroghas gans kledhedhyow ha guwow bys pan frosas an goes warnedha.

Ysay 2:8

Y wlas yw lenwys a idolys; i a wordh gweyth aga diwla, an pyth re wrug aga bysies.

Ysay 44:15

Ena y teu ha bos keunys rag den. Ev a gemmer rann anedha hag a omdoemm; ev a enow tan hag a beb bara; ynwedh y hwra duw ha'y wordhya, ev a wra imaj gravys hag a goedh dhe'n dor a-ragdho.

Ysay 44:16

Hanter anodho ev a lesk yn tan; a-ugh an hanter ma ev a rost kig ha'y dhybri, ha lenwys yw; ynwedh ev a omdoemm hag a lever, ‘Aha, toemm ov, my re welas an tan!’

Ysay 46:6

An re a skoell owr yn hel dhiworth an pors, hag a boes arghans y'n mantolyow, i a arveth owrer neb a'n gwra duw; ena i a goedh dhe'n dor ha gordhya.

Hosea 13:2

Lemmyn i a beghas hwath moy; i re wrug ragdha aga honan imajys teudh, delowyow gwrys a'ga arghans herwydh aga sleyghneth, i oll an ober a greftoryon. Leverir anedha, ‘Tus a wra sakrifis; i a amm dhe leughi!’

Yeremia 2:27

neb a leverel dhe wydhenn, ‘Ty yw ow thas’; ha dhe ven, ‘Ty a'm dineythis.’ Rag i re dreylyas aga heyn dhymm, a-der aga fas: mes yn termyn aga ahwer i a lever, ‘Sev, ha saw ni.’

Mika 5:12

ha my a vynn defendya pystriow mes a dha dhorn, ha ty ny' fydh koelyogyon namoy;

Habakkuk 2:19

Go-ev neb a lever dhe brenn, ‘Difun’, dhe ven avlavar, ‘Yn-sol!’ Dyskador ywa? Otta, gorlownys yw gans owr hag arghans, mes nyns eus spyrys vyth a-berth ynno.