Ysay 44:14 - An Bibel Kernewek 20234 (Kernewek Kemmyn)

¹⁴ Ev a dregh kederwydh, hag a dhewis glastanenn po derwenn ha gasa dhedhi tevi krev yn mysk gwydh an koes; ev a blans lowrwydhenn ha'n glaw a's mag.

Ysay 44:14 ပူးပေါင်းရင်းမြစ်များ

Ysay 40:20

Neb yw re voghosek rag offrynn a dhewis prenn na wra pedri; ev a hwila ser konnyk ragdho rag drehevel imaj gravys na vydh deantell.

Habakkuk 2:19

Go-ev neb a lever dhe brenn, ‘Difun’, dhe ven avlavar, ‘Yn-sol!’ Dyskador ywa? Otta, gorlownys yw gans owr hag arghans, mes nyns eus spyrys vyth a-berth ynno.

Hosea 4:12

Ow fobel a wovynn kusul a'ga frenn, ha'n gwelenn a's gorthyp. An spyrys a horyans a wra dhedha mos yn stray, hag i a wra horyans a-dhiworth aga Duw.

Ysay 44:13

An ser prenn a ystynn kordenn-vusura, ev a'n merk gans mynowes, ev a'n shap gans raskow hag a'n merk gans kompas; ev a'n shap dhe hevelep gour, gans tekter den, may trikko yn chi.

Ysay 44:15

Ena y teu ha bos keunys rag den. Ev a gemmer rann anedha hag a omdoemm; ev a enow tan hag a beb bara; ynwedh y hwra duw ha'y wordhya, ev a wra imaj gravys hag a goedh dhe'n dor a-ragdho.