Ysay 44:11 - An Bibel Kernewek 20234 (Kernewek Kemmyn)

¹¹ Otta, oll y hynsa a's tevydh meth, ha nyns yw an greftoryon marnas tus; omguntellens i oll, sevens yn-rag; i a vydh ownek, i a berth meth war-barth.

Ysay 44:11 ပူးပေါင်းရင်းမြစ်များ

1 Myghternedh 18:40

Elias a leveris dhedha, ‘Dalghennewgh profoesi Baal; na esewgh nagonan anedha dhe dhiank.’ Ena i a's dalghennas; hag Elias a's dros dhe nans Kishon, ha'ga ladha ena.

Salmow 97:7

Perthes meth oll an re a serv imajys gravys, hag a vost yn idolys; gordhyewgh ev, an duwow oll.

Ysay 1:29

Rag i a vydh methek a'n derow re dhesirsowgh; hag i a vydh shamys dre'n lowarthyow re dhewissowgh.

Ysay 42:17

An re a drest yn imajys gravys a vydh treylys war-dhelergh hag a berth meth – an re a lever dhe imajys teudh, ‘Hwi yw agan duwow.’

Ysay 44:9

Oll myns a wra imajys yw mann, ha'n taklow may lowenhons ynna yw diles. Aga dustunioryon yw heb gweles ha heb godhvos, ytho i a berth meth.

Ysay 45:16

I oll a's teves meth hag a vydh konfondys, gwrioryon imajys a yn deray war-barth.

Ysay 65:13

Rakhenna yndellma y lever an Arloedh Duw, Otta, ow servysi a dheber mes hwi a'gas bydh nown; otta, ow servysi a yv mes hwi a'gas bydh syghes; otta, ow servysi a lowenha mes hwi a gemmer meth.

Yeremia 10:14

Pubonan yw gokki ha heb skians: pub teudher a gemmer meth a'y imaj gravys; rag y imaj teudhys yw fals, ha nyns eus anall ynna.

Yeremia 51:17

Pubonan yw talsogh ha heb godhvos; pub owrer a's teves meth drefenn y idolyow; rag y imajys teudh yw fals, ha nyns eus anall ynna.

Hosea 13:2

Lemmyn i a beghas hwath moy; i re wrug ragdha aga honan imajys teudh, delowyow gwrys a'ga arghans herwydh aga sleyghneth, i oll an ober a greftoryon. Leverir anedha, ‘Tus a wra sakrifis; i a amm dhe leughi!’

Dewteronomi 4:28

Ena hwi a serv duwow, ober diwla den, prenn ha men, na welons, ha na glewons, ha na dhebrons, ha na vlasons.