Ysay 43:9 - An Bibel Kernewek 20234 (Kernewek Kemmyn)

⁹ Oll an kenedhlow re dheuth war-barth ha'n poblow res omguntellas. Piw yn aga mysk a dherivas hemma, ha darleverel an taklow kyns? Degens aga dustunioryon rag aga justifia, ha klewens ha leverens, ‘Gwir yw.’

Ysay 43:9 ပူးပေါင်းရင်းမြစ်များ

Salmow 50:1

Duw an duwow, an Arloedh, re gewsis, ha gelwel an nor dhiworth drehevel an howl bys dh'y sedhes.

Ysay 34:1

Dewgh nes, hwi genedhlow, dhe glewes, ha hwi boblow, goslowewgh; klewes an nor ha pup-tra eus ynno, an norvys hag oll y askorr.

Ysay 41:1

Bedhewgh tawel a-ragov, hwi ynysow; nowydhhes an poblow aga nerth, nesens i, ena kewsens i; nesyn ni war-barth rag breus.

Ysay 43:26

Galw vy dhe'n lys, gwren ni mos dhe drial war-barth, diskwedh dha gen, may fi prevys ewn.

Ysay 44:6

Yndellma y lever an Arloedh, Myghtern Ysrael, ha'y Dhasprenyas, Arloedh an luyow: My yw an kynsa ha my yw an diwettha, hag a-der my nyns eus duw.

Ysay 46:10

ow tarleverel an diwedh a-dhia'n dalleth, hag a-dhia dermynyow koth taklow na veu hwarvedhys hwath, ow leverel, ‘Ow forpos a sev, ha my a wra oll ow bodh’,

Ysay 48:14

Omguntellewgh, hwi oll, ha klewewgh: piw anedha re dhiskwedhas an taklow ma? An Arloedh a'n kar, ev a gowlwra y borpos war Babylon, ha'y vregh a vydh erbynn Kaldea.

Ysay 48:3

My a dharleveris an kynsa taklow nans yw pell, i eth yn-mes a'm ganow, my a's dellos; ena a-dhistowgh my a's gwrug, hag i a hwarva.

Yoel 3:11

Dewgh yn uskis, oll hwi an kenedhlow a-derdro, omguntellewgh ena. Dro yn-nans dha vreselyoryon, A Arloedh.