Ysay 43:5 - An Bibel Kernewek 20234 (Kernewek Kemmyn)

⁵ Na borth own, rag yth esov genes; dhiworth an howldrevel y trov dha has, dhiworth an howlsedhes y'th kuntellav.

Ysay 43:5 ပူးပေါင်းရင်းမြစ်များ

Salmow 106:47

Salw ni, A Arloedh agan Duw, ha kuntell ni yn-mes a'n kenedhlow, may hwodhven gras dhe'th hanow sans ha bostya y'th wormola.

Salmow 107:3

ha'n re a guntellas ev mes a'n powyow, dhiworth an howldrevel ha dhiworth an howlsedhes, dhiworth an kledh ha dhiworth an dyghow.

Ysay 41:10

na borth own, rag yth esov genes, na vydh digolonnek, rag my yw dha Dhuw; my a wra dha nertha, my a wra dha weres, my a'th syns gans dorn dhyghow ow selwyans.

Ysay 41:14

Na borth own, ty bryv, Yakob, ty gontronenn Ysrael! My a wra dha weres, yn-medh an Arloedh, dha Dhasprenyas, an Sans a Ysrael.

Ysay 41:8

Mes ty, Ysrael, ow gwas, Yakob, neb re dhewisis, askorr Abraham, ow howeth;

Ysay 41:9

ty neb a gemmeris vy a bennow an norvys, ha'th helwel a'y bella sornow, ow leverel dhis, ‘Ty yw ow gwas, my re'th tewisas ha ny'th tewlis dhe-ves’;

Ysay 43:1

Ha lemmyn yndellma y lever an Arloedh, ev neb a'th wrug, A Yakob, hag ev neb a'th formyas, A Ysrael: Na borth own, rag my re'th prenas ha re'th henwis orth hanow, dhymmo vy yth os.

Ysay 43:2

Pan dremenydh der an dowrow y fydhav genes, ha der an avonyow, ny livons warnas; pan gerdhydh dre dan, ny vydhydh leskys, ha ny wra an flamm dha woleski.

Ysay 44:2

Yndellma y lever an Arloedh a'th wrug, neb a'th formyas a'n dorr, hag a wra dha weres: Na borth own, a Yakob, ow gwas, Yeshurun neb re dhewisis.

Ysay 49:12

Otta, an re ma a dheu a bellder, hag otta, an re ma a'n gledhbarth, hag a'n howlsedhes, ha'n re ma a bow Sinim.

Ysay 49:18

Drehav dha dhewlagas a-derdro ha gwel; i oll a omguntell, i a dheu dhis. Dell vewav, yn-medh an Arloedh, ty a wra aga gwiska oll avel tegenn, hag avel benyn bries ty a's kelm warnas.

Ysay 54:3

Rag ty a omles a-dhyghow hag a-gledh, ha'th has a erit an kenedhlow, hag a wra dhe'n sitys ynyal bos annedhys.

Ysay 54:7

Unn pols byghan my a'th forsakys, mes gans truedh meur my a'th kuntell.

Ysay 61:9

Aga has a vydh aswonnys y'n kenedhlow, ha'ga askorr yn mysk an poblow. Peub a's gwel a aswonn i dhe vos has a wrug an Arloedh aga benniga.

Ysay 8:10

Omgusulyewgh war-barth, ha'n gusul a vydh lestys; leverewgh ger, ha ny sev, rag bos Duw genen.

Yeremia 23:7

Ytho, yma an dydhyow ow tos, yn-medh an Arloedh, ma na vydh leverys namoy, ‘Dell vew an Arloedh neb a dhros mebyon Ysrael yn-mes a bow Ejyp’,

Yeremia 23:8

mes ‘Dell vew an Arloedh neb a dhros ha hembronk has chi Ysrael yn-mes a dir an gogledh hag yn-mes a oll an powyow ma's fesis.’ Ena triga a wrons yn aga thir aga honan.

Yeremia 29:14

Ha my a'gas gas dhe'm kavoes, yn-medh an Arloedh, ha treylya agas kethneth, ha my a'gas kuntell a-dhiworth oll an kenedhlow hag oll an tylleryow ma'gas fesis, yn-medh an Arloedh, ha my a'gas dre arta dhe'n tyller ma'gas dannvenis dhiworto yn divroedh.

Yeremia 3:18

Y'n dydhyow na chi Yuda a wra kerdhes gans chi Ysrael, hag i a dheu war-barth yn-mes a dir an gogledh dhe'n tir a res rag eretons dh'agas tasow.

Yeremia 42:11

Na berthewgh own a vyghtern Babylon, may perthowgh own anodho; na berthewgh own anodho, yn-medh an Arloedh, rag my a vydh genowgh, dh'agas sawya ha'gas livra a'y leuv.

Yeremia 51:46

Na vedhewgh gwann agas kolonn na ownek drefenn an nowodhow klewys y'n tir – unn vlydhen unn hwedhel a dheu, an nessa blydhen ken onan, Yma freudh y'n tir, ha rewlyas erbynn rewlyas.

Yoel 3:7

Otta, my a wra dhedha difuna yn-mes a'n tyller ma's gwerthsowgh, ha my a dreyl agas attal arta war agas pennow agas honan.

Mika 2:12

My a'th kuntell, A Yakob, oll yn tien, my a guntell remenant Ysrael; my a's gorr war-barth avel deves Bosra, avel flokk yn kres y beurva; dasseni a wra gans tus.

Zekaria 8:7

Yndellma y lever Arloedh an luyow: My a wra sawya ow fobel a-dhiworth bro an howldrevel ha bro an howlsedhes.

Luk 13:29

Hag i a dheu a'n howldrevel ha'n howlsedhes hag a'n kledh hag a'n dyghow hag esedha orth moes yn gwlaskor Duw.

Yowann 10:16

Hag yma dhymm deves erell, nag yns a'n gorlann ma; res yw dhymm aga dri ynwedh, hag i a glew ow lev; hag y fydh unn flokk, unn bugel.

Dewteronomi 30:3

ena an Arloedh dha Dhuw a wra restorita ragos ha kemmeres truedh ahanas ha'th kuntell arta dhiworth oll an poblow le may hwrug an Arloedh dha Dhuw dha skattra bys di.