Ysay 43:3 - An Bibel Kernewek 20234 (Kernewek Kemmyn)

³ Rag yth ov an Arloedh, dha Dhuw, an Sans a Ysrael, dha Selwyas. Ejyp a rov avel dha dhaspren, Ethiopia ha Seba yn keschanj ragos.

Ysay 43:3 ပူးပေါင်းရင်းမြစ်များ

Jenesis 10:7

Mebyon Kush: Seba, Havila, Sabta, Rama ha Sabteka. Mebyon Raama: Sheba ha Dedan.

Salmow 72:10

Re dhrollo myghternedh Tarshish ha'n ynysow trubyt; ha myghternedh Sheba ha Seba dri rohow.

Eksodus 10:7

Ha servysi Faro a leveris dhodho, ‘Pygemmys prys y fydh an den ma antell dhyn? Gas an dus dhe vones may serfyons an Arloedh aga Duw; a ny gonvedhydh na hwath bos Ejyp distruys?’

Eksodus 20:2

My yw an Arloedh dha Dhuw, neb a'th tros yn-mes a bow Ejyp, yn-mes a'n chi a gethneth.

Lavarow Koth 11:8

An den gwiryon yw delivrys a boenvos ha'n tebelwas a dheu a-bervedh ynno yn y le.

Lavarow Koth 21:18

An tebelwas yw daspren rag an den gwiryon, ha'n den dislel rag tus ewnhynsek.

Ysay 19:20

Ev a vydh tokyn ha dustuni dhe Arloedh an luyow yn pow Ejyp. Pan grions dhe'n Arloedh drefenn an arwaskoryon, ev a dhannvon dhedha selwador, hag ev a's menten ha'ga delivra.

Ysay 20:3

Ena an Arloedh a leveris, ‘Kepar dell esa ow gwas Ysay ow kerdhes noeth ha dieskis avel tokyn erbynn Ejyp ha Kush,

Ysay 30:11

kewgh mes a'n hyns, treylyewgh dhiworth an fordh, astelewgh dri Sans Ysrael a-ragon.’

Ysay 41:14

Na borth own, ty bryv, Yakob, ty gontronenn Ysrael! My a wra dha weres, yn-medh an Arloedh, dha Dhasprenyas, an Sans a Ysrael.

Ysay 42:8

My yw an Arloedh, henn yw ow hanow, ow glori ny'n rov dhe gen dhuw, nag ow gormola dhe imajys gravys.

Ysay 43:11

My, my yw an Arloedh, hag a-der my nyns eus selwyas.

Ysay 45:14

Yndellma y lever an Arloedh: Gwayn lavur Ejyp ha gwara Ethiopia, ha pobel Sabea, gwer meur aga ughelder, a dheu dhis, ha bos dhis; i a hol war dha lergh ow tos dhis yn kadonyow. I a ombleg dhe'n dor a-ragos, ha pysi dhis, ow leverel, ‘Yma Duw genes yn sur, ha nyns eus nahen, nyns eus duwow saw ev.’

Ysay 45:15

Yn hwir ty yw Duw a omgudh, A Dhuw Ysrael, an Selwador.

Ysay 45:21

Dyllewgh ha profyewgh agas ken; omgusulyens i war-barth. Piw a dharleveris hemma nans yw pell? Piw a'n dhellos seuladhydh? A nyns o my, an Arloedh? Nyns eus Duw a-der my, Duw gwiryon ha Selwador, nyns eus nagonan a-der my.

Ysay 49:26

My a wra dhe'th waskoryon dybri aga hig aga honan, ha gans aga goes aga honan y fydhons medhow, par dell ve gans gwin. Ena pub kig oll a wodhvydh my dhe vos an Arloedh, dha Selwador ha'th Tasprenyas, an Galloesek a Yakob.

Ysay 60:16

Dena leth an kenedhlow ty a wra, ha dena bronn myghternedh. Ena ty a woer my, an Arloedh, dhe vos dha Selwyas, ha'th Tasprenyas, an Galloesek a Yakob.

Ysay 63:8

Ev a leveris, ‘Sur ow fobel yns i, mebyon na wra falsuri’; ytho ev a dheuth ha bos Selwador dhedha

Yeremia 14:8

A wovenek Ysrael, y selwador yn termyn ahwer, prag y tal dhis bos avel alyon y'n tir, hag avel tremenyas a dreyl a-denewen dhe spena an nos?

Yeremia 16:21

‘Ytho, otta, an unn prys ma my a wra dhedha aswonn, my a wra dhedha aswonn ow leuv ha'm nerth; hag i a wra godhvos bos ow hanow an Arloedh.’

Ezekiel 39:7

My a wra dhe'm hanow sans bos aswonnys yn mysk ow fobel Ysrael; ha ny asav ow hanow sans dhe vos defolys na fella; ha'n kenedhlow a woer my dhe vos an Arloedh, an Sans yn Ysrael.

Hosea 13:4

Mes my re beu an Arloedh dha Dhuw a-ban veus yn pow Ejyp; ny wodhvydhydh Duw vyth a-der my, ha nyns eus selwador a-der my.

Levitikus 11:44

Rag my yw an Arloedh agas Duw. Ytho omsanshewgh, ha bedhewgh sans, rag sans ov vy. Ny wrewgh hwi omdhefola gans kreatur vytholl a hes, ow kreupya war an dor.

Amos 9:7

A nyns owgh hwi kepar ha mebyon an Ethiopysi dhymm, A vebyon Ysrael? yn-medh an Arloedh. A ny dhres vy Ysrael yn-mes a bow Ejyp, ha'n Filistysi yn-mes a Kaftor, hag Aram yn-mes a Kir?

Zekaria 9:9

Lowenha yn feur, myrgh Sion! Garm, myrgh Yerusalem! Awotta dha vyghtern a dheu dhis, gwiryon ha trygh, uvel hag ow marghogeth war asen, war ebel mab asen.

Lyther Yud 1:25

dhe'n unn Duw agan Selwyas, dre Yesu Krist agan Arloedh, dhodho re bo gordhyans, meuredh, mestrynses, ha galloes kyns pub oes ha lemmyn ha bys vynnari. Amen.