Ysay 43:25 - An Bibel Kernewek 20234 (Kernewek Kemmyn)

²⁵ My, my yw ev neb a dhefend dhe-ves dha dreuspassow a'm govis ow honan, ha ny borthav kov a'th peghosow.

Ysay 43:25 ပူးပေါင်းရင်းမြစ်များ

2 Kroniklys 6:21

Klew aspysadow dha was ha'th pobel Ysrael, pan bysons war-tu ha'n tyller ma. Klew dhiworth nev, tyller dha drigva; klew ha gav.

Salmow 103:12

mar bell dell usi an howldrevel dhiworth an howlsedhes, mar bell re worras ev agan kammwriansow dhiworthyn ni.

Salmow 103:3

Neb a av dhis oll dha gammweyth, neb a yaghha oll dha glevesow,

Salmow 25:11

A-barth dha hanow, A Arloedh, gav dhymm ow hammweyth, rag meur yw.

Salmow 25:7

Na borth kov a beghosow ow yowynkneth, na'm kammweyth; herwydh dha dregeredh porth kov ahanav, A Arloedh, a-barth dha dhader.

Salmow 51:3

Rag my a aswonn ow hammwriansow, ha prest a-dheragov yma ow fegh.

Salmow 51:4

Er dha bynn jy, ty dha honan, y peghis vy ha gul an drogober ma y'th wolok, rag may fes justifiys y'th lavar, ha divlam y'th vreus.

Salmow 51:9

Kudh dha fas rag ow feghosow, ha defend dhe-ves oll ow hammweythresow.

Ysay 1:18

Dewgh, ha resnyn ni war-barth, yn-medh an Arloedh. Kyn fons agas peghosow kepar ha kogh, y fydhons mar wynn avel an ergh; kyn fons mar rudh avel purpur, y fydhons kepar ha gwlan.

Ysay 37:35

My a vydh skoes dhe'n sita ma dh'y sawya a-barth dhymmo vy hag a-barth Davydh ow gwas.’

Ysay 38:17

Otta rag les y feu dhymm hwerowder; mes ty re withas ow enev dhiworth an pytt a dhistruans, rag ty re dewlis oll ow feghosow a-dryv dha geyn.

Ysay 43:11

My, my yw an Arloedh, hag a-der my nyns eus selwyas.

Ysay 44:22

My re skubas dhe-ves dha dreuspassow avel kommolenn, ha'th peghosow avel niwl; dehwel dhymm, rag my re'th tasprenas.

Ysay 48:11

A'm govis vy, a'm govis evy y'n gwrav, rag fatell vydhav defolys? Ha'm glori ny'n rov dhe arall.

Ysay 55:7

Gases an drogoberer y fordh, ha'n gour anwiryon y brederow; Dehweles dhe'n Arloedh rag may kemmerro truedh anodho, ha dh'agan Duw, rag ev a re gevyans yn hel.

Ysay 64:8

Ha lemmyn, Arloedh, ty yw agan Tas. Ni yw an pri, ha ty yw agan priweythor; ni oll yw ober dha leuv.

Ysay 64:9

Na sorr dres eghenn, A Arloedh, ha na borth kov a anewnder bys vykken. Otta mir, ni oll yw dha bobel.

Yeremia 31:34

Ha ny dhyskons namoy pub gour y gentrevek, ha pub gour y vroder, ow leverel, ‘Godhvydhewgh an Arloedh’, rag i oll a'm aswonn a'n lyha dhe'n moyha, yn-medh an Arloedh; rag my a av aga anewnder, ha ny borthav kov a'ga fegh namoy.

Yeremia 50:20

Y'n dydhyow na hag y'n termyn na, yn-medh an Arloedh, anewnder Ysrael a vydh hwithrys ha ny vydh nagonan; ha peghosow Yuda, ha ny vydh kevys nagonan; rag my a av an re a wrav aga gasa.

Ezekiel 18:22

Ny vydh kovhes er y bynn nagonan a'y dreuspassow re wrug; drefenn y wiryonedh a wrug, ev a vew.

Ezekiel 20:14

My a wrug hemma a-barth ow hanow, ma na ve disakrys a-wel dhe'n kenedhlow, neb a's dres dhe-ves a-wel dhedha.

Ezekiel 20:22

Mes my a gildennas ow leuv dhe-ves, hag oberi a-barth ow hanow, ma na ve disakrys a-wel dhe'n kenedhlow, may hwrug vy aga dri yn-mes yn aga gwel.

Ezekiel 20:9

Mes my a'n gwrug a-barth ow hanow, ma na vo disakrys a-wel dhe'n kenedhlow mayth esons yn aga mysk, may feuv aswonnys dhedha a-wel dhedha, orth aga dri yn-mes a bow Ejyp.

Ezekiel 33:16

Ny vydh kovhes er y bynn oll an peghosow re wrug ev. Ev re wrug an pyth yw lafyl hag ewn; ev a vew yn surredi.

Ezekiel 36:22

Rakhenna lavar dhe ji Ysrael, Yndellma y lever an Arloedh Duw: Nyns yw ragowgh hwi y hwrav vy hemma, chi Ysrael, mes rag ow hanow sans a wrussowgh y dhisakra yn mysk an kenedhlow may teuthewgh di.

Ezekiel 36:32

Nyns yw a-barth dhywgh hwi y hwrav vy hemma, yn-medh an Arloedh Duw; bedhes hemma godhvedhys dhywgh. Kemmerewgh meth ha bos konfondys drefenn agas fara, a ji Ysrael.

Mark 2:7

‘Prag y kews an den ma yndella? Blasfemi a wra; piw a yll gava peghosow saw unnsel Duw?’

Luk 5:21

Ha'n skribys ha'n Fariseow a dhallathas resna, ow leverel, ‘Piw yw hemma, ow kewsel blasfemiow? Piw a yll gava peghosow saw unnsel Duw?’

Oberow 3:19

Rakhenna kemmerewgh edrek, ha treylyewgh may fo defendys dhe-ves agas peghosow,

Romanyon 5:20

Mes an lagha a dheuth, rag palshe an kammweythres; mes y'n tyller may palshi pegh, gras a balshi dhe voy,

Efesianys 1:6

dhe wormel splannder y ras a wrontyas dhyn y'n Karadow;

Efesianys 1:8

a ros dhyn yn hel, yn oll furneth ha konvedhes,

Ebrowyon 10:17

ena ev a geworr, ‘A'ga feghosow ha'ga oberow dilagha ny borthav kov namoy.’

Ebrowyon 8:12

Rag my a vydh tregeredhus a'ga drogoberow, ha ny wrav perthi kov namoy a'ga feghosow.’