Ysay 43:21 - An Bibel Kernewek 20234 (Kernewek Kemmyn)

²¹ an bobel a formis ragov ow honan, rag may teriffens ow gormola.

Ysay 43:21 ပူးပေါင်းရင်းမြစ်များ

Salmow 102:18

Hemma a vydh skrifys rag an henedh a dheu, ha pobel a vydh formys a wormel an Arloedh;

Salmow 102:19

rag ev re viras war-woeles dhiworth ughelder y sentri, dhiworth nev y hwelas an Arloedh an nor,

Salmow 4:3

Mes godhvydhewgh an Arloedh dhe apoyntya an den duwek dhodho y honan; an Arloedh a glew pan alwav warnodho.

Salmow 79:13

Ytho ni, dha bobel ha deves dha beurva, a woer gras dhis bynitha; ni a dheriv dha wormola a unn henedh dhe'n nessa.

Lavarow Koth 16:4

An Arloedh re wrug pup-tra rag porpos, ynwedh an tebelwas rag dydh a derroes.

Ysay 42:12

Rens i gordhyans dhe'n Arloedh ha derivas i y wormola y'n arvoryow.

Ysay 43:1

Ha lemmyn yndellma y lever an Arloedh, ev neb a'th wrug, A Yakob, hag ev neb a'th formyas, A Ysrael: Na borth own, rag my re'th prenas ha re'th henwis orth hanow, dhymmo vy yth os.

Ysay 50:7

An Arloedh Duw a'm gweres, ytho ny veuv konfondys; rakhenna my re settyas ow fas avel kellester, ha my a wonn na borthav meth.

Ysay 60:21

Oll dha bobel a vydh gwiryon hag i a erit an tir bys vykken. I yw skyllenn a blensis, ober ow diwla, dhe dhiskwedhes ow glori.

Ysay 61:3

dhe brovia rag an re a gyn yn Sion ha dhe ri dhedha tulyfant teg yn le lusu, oyl lowena yn le kynvann, ha mantell gormola yn le spyrys digolonnek; may fons gelwys derow gwiryonedh, plansva an Arloedh, may fo y glori diskwedhys.

Yeremia 13:11

Rag dell glen an grogys orth diwglun gour, yndella my re wrug oll chi Ysrael hag oll chi Yuda glena dhymm, yn-medh an Arloedh, may fons dhymm pobel, ha hanow, ha gormel, ha glori: mes ny glewsons.

Yeremia 33:9

Ha homma a vydh hanow a lowena dhymm, gormel hag enor a-dherag oll kenedhlow an nor, pan glewons oll an da a wrav ragdha; i a's tevydh own ha krena drefenn oll an da ha rag oll an sewena a broviav dhedhi.

Malaki 3:17

I a vydh dhymmo vy, yn-medh Arloedh an luyow, ow thresor arbennik y'n jydh may hwrav vy oberi. My a gemmer truedh anedha par dell gemmer den truedh a'y vab neb a'n serv.

1 Korinthianys 10:31

Ytho, po dybri po eva a wrewgh, po pypynag a wrewgh, pup-tra dhe wordhyans Duw gwrewgh.

Efesianys 3:21

dhodho ev re bo gordhyans y'n eglos hag yn Krist Yesu dres oll henedhow, trank heb worfenn. Amen.

Kolossianys 1:16

rag ynno ev y feu pup-tra gwrys y'n nevow ha war an nor, hewel ha diwel, tronys, dominasyons, prynsipatys po potestatys; pup-tra a veu gwrys dredho ev ha ragdho ev.

Titus 2:14

neb a omros ragon ni may hwrella agan dasprena dhiworth pub ober dilagha ha glanhe ragdho pobel dh'y berghennogeth y honan, diwysyk yn gwriansow da.

Ebrowyon 13:15

Dredho ytho, offrynnyn heb lett sakrifis a wordhyans dhe Dhuw, henn yw frut diwweus a wormel y hanow.

1 Peder 2:9

Mes hwi yw agh dhewisys, oferyaseth ryel, kenedhel sans, pobel arbennik dhodho, may hyllowgh deklarya an gwriansow marthys a neb a'gas gelwys yn-mes a dewlder a-bervedh yn y wolow marthys.