Ysay 43:20 - An Bibel Kernewek 20234 (Kernewek Kemmyn)

²⁰ An bestes gwyls a'm enor, an owrgeun ha'n strusyow; rag my a re dowr y'n difeythtir, avonyow y'n gwylvos, dhe ri diwes dhe'm pobel dhewisys,

Ysay 43:20 ပူးပေါင်းရင်းမြစ်များ

1 Kroniklys 16:13

A has Ysrael y was, hwi vebyon Yakob, y bobel dewisys.

Salmow 104:21

An lewyon yowynk a us war-lergh aga freydh, hag a hwila aga boes dhiworth Duw.

Salmow 148:10

miles ha gwarthek oll, kreaturs ow slynkya hag ydhyn askellek.

Salmow 33:12

Gwynnvys an genedhel hag yw an Arloedh hy Duw, an bobel dewisys ganso dhe vos y ertach y honan.

Ysay 13:22

Keun a oul yn hy thouryow, hag owrgeun y'n palesyow fethus. Yma hy thermyn ow tos nes, ha ny vydh hy dydhyow delatys.

Ysay 30:25

War bub menydh ughel ha pub bre ughel y fydh goverow ow resek gans dowr, yn dydh an ladhva vras pan goedh an touryow.

Ysay 32:2

Pubonan a vydh avel kudhva rag an gwyns, ha skovva rag an annawel, avel goverow dowr yn tir sygh, avel an skeus a garrek bras yn tir skwith.

Ysay 33:21

Mes ena an Arloedh meuredhek a vydh dhyn tyller a avonyow ha goverow ledan; ny vydh gorholyon gans roevow ow mos ynno, na ny vydh lester bras ow tremena dresto.

Ysay 35:7

An tir poeth a vydh poll kors, ha'n tir sygh a vydh fentynyow dowr. Y'n tyller mayth esa owrgeun ow krowedha, an gwels a vydh kors ha papyrus.

Ysay 41:17

Pan hwila an voghosogyon ha'n edhommogyon dowr, ha nyns eus banna, ha krin yw aga thaves gans syghes, my an Arloedh a worthyp dhedha, my, Duw Ysrael, ny's gasav.

Ysay 41:18

My a vynn igeri avonyow war an ugheldiryow moel, ha fentynyow yn mysk an nansow; my a wra an difeythtir poll dowr, ha'n dor sygh fentynyow dowr.

Ysay 43:19

Otta, y hwrav tra nowydh, lemmyn y hwra ev egina: a ny'n gwelowgh? My a wra hyns y'n difeythtir, avonyow y'n gwylvos.

Ysay 48:21

Ny's tevo syghes pan y's hembronkas der an difeythyow, ev a wrug may resekka an dowr ragdha a'n garrek, ev a folsas an garrek, ha'n dowr a frosas yn-mes.

Ysay 49:10

Ny's tevydh na nown na syghes, ny's gwask na toemmder na howl, rag ev neb a gemmer truedh anedha a vynn aga hembronk, ha ryb fentynyow dowr aga hevarwoedha.

Ysay 65:15

Hwi a as agas hanow avel molleth dhe'm re dhewisys; ha'n Arloedh Duw a'th ladh; mes ev a elow y servysi gans ken hanow.

Yeremia 31:9

I a dheu yn-dann dhagrewi, ha gans konfort my a's hembronk, my a wra dhedha kerdhes ryb frosow dowr, yn fordh leven le ma na drebuchyons; rag my yw tas dhe Ysrael, hag Efraym yw ow hynsa-genys.

Yoel 3:18

Y'n jydh na an menydhyow a dhever gans sugen grappys, an breow a dhinwa leth resek a wra oll goverow Yuda gans dowr. Fenten a dheu yn-mes dhiworth chi an Arloedh ha dowra nans Shittim.

Mark 13:20

Ha'n Arloedh mar ny wrella kott an dydhyow, ny via sawys kig vyth; mes a-barth an re dhewisys, neb a dhewisas ev, ev a wrug kott an dydhyow.

Yowann 4:10

Yesu a worthybis ha leverel dhedhi, ‘Mar kodhves ro Duw, ha piw yw neb a lever dhis, “Ro dhymm dhe eva”, ty a wrusses y bysi, hag ev a rossa dhis dowr bew.’

Yowann 4:14

mes piwpynag a effo a'n dowr a rov vy dhodho ny'n jevydh syghes bynitha; mes an dowr a rov dhodho a vydh ynno fenten a dhowr ow frosa bys yn bewnans heb diwedh.’

1 Peder 2:9

Mes hwi yw agh dhewisys, oferyaseth ryel, kenedhel sans, pobel arbennik dhodho, may hyllowgh deklarya an gwriansow marthys a neb a'gas gelwys yn-mes a dewlder a-bervedh yn y wolow marthys.

Diskwedhyans 17:14

An re ma a wra gwerrya erbynn an Oen, ha'n Oen a wra aga thryghi: drefenn y vos Arloedh arlydhi, ha Myghtern myghternedh, ha'n re usi ganso yw gelwys, ha dewisys, ha len.’

Diskwedhyans 21:6

Hag ev a leveris dhymm, ‘Gwrys yw. Alfa hag Omega ov vy, an dalleth ha'n diwedh. My a re dhe neb a'n jeves syghes a fenten an dowr a vewnans heb kost.

Diskwedhyans 22:17

Hag yn-medh an Spyrys ha'n venyn bries, ‘Deus’, ha leveres neb a glewvo, ‘Deus’, ha des neb a'n jeffo syghes; neb a vynno, kemmeres ev a'n dowr a vewnans heb kost.