Ysay 43:13 - An Bibel Kernewek 20234 (Kernewek Kemmyn)

¹³ Ynwedh alemma rag my yw ev; nyns eus denvyth a yll delivra dhiworth ow dorn; my a ober ha piw a yll y lettya?

Ysay 43:13 ပူးပေါင်းရင်းမြစ်များ

Job 10:7

kyn hwodhes nag ov kablus, ha nyns eus denvyth dhe dhelivra yn-mes a'th leuv?

Job 34:29

‘Mes pan yw ev tawesek, piw a'n dampen? Pan gudh ev y fas, piw a'n aspi? Mes yma ev a-ugh kenedhel hag a-ugh densys,

Job 9:12

Awotta, ev a gib dhe-ves; piw a yll y lettya? Piw a yll leverel dhodho, “Pandr'a wredh?”

Salmow 102:28

Fleghes dha wesyon a dhur; ha'ga has a vydh fastys y'th wolok.

Salmow 50:22

‘Prederewgh hemma, hwi neb a ankev Duw, ma na wrylliv agas skwardya, ha na vo nagonan dhe dhelivra.

Salmow 90:2

Kyns an menydhyow dhe vos dineythys, po kyns ty dhe formya an tir ha'n norvys, trank heb worfenn ha bys vykken, ty yw Duw.

Salmow 93:2

Dha se a veu fastys bythkweth; ty re beu, trank heb worfenn.

Lavarow Koth 21:30

Nyns eus na furneth, na konvedhes na kusul a yll sevel erbynn an Arloedh.

Lavarow Koth 8:23

Kyns an oesow y feuv furvys, y'n dalleth, kyns bosva an norvys.

Ysay 14:27

Ytho Arloedh an luyow re erviris, ha piw a'n lest? Y leuv yw ystynnys, ha piw a's treyl dhe-ves?

Ysay 41:4

Piw re wrug hag a gowlwrug hemma, ow kelwel an henedhow a-dhia'n dhallethva? My, an Arloedh, an kynsa, ha gans an re dhiwettha; my yw ev.

Ysay 46:10

ow tarleverel an diwedh a-dhia'n dalleth, hag a-dhia dermynyow koth taklow na veu hwarvedhys hwath, ow leverel, ‘Ow forpos a sev, ha my a wra oll ow bodh’,

Ysay 46:4

bys y'th henys my yw ev, bys pan dreylli loes my a'th teg. My re'th wrug ha my a'th skoedh, ha my a venten hag a wra sawya.

Ysay 47:15

Yndella dhis yw an re may lavursys gansa, neb re genwerthas genes a-dhia'th yowynkneth. I oll a wander yn aga hynsyow aga honan; nyns eus denvyth dhe'th sawya.

Ysay 48:16

Dewgh nes dhymm, ha klewewgh hemma: A-dhia'n dhallethva ny gewsis yn-dann gel, a-dhia'n termyn may teu an taklow ma ha bos, awottavy! Ha lemmyn an Arloedh Duw re'm dannvonas, gans y spyrys.

Ysay 57:15

Rag yndellma y lever an ughel hag eksaltys neb a drig trank heb worfenn, ha sans yw y hanow: Trigys esov yn tyller ughel ha sans, hag ynwedh gans an den yw keudhesik hag isel y spyrys, dhe wul dhe spyrys an re uvel dasvewa ha dhe wul dhe golonn a'n re brewys dasvewa.

Daniel 4:35

ha pub annedhyas a'n norvys yw reknys avel mann; kepar dell vynno y hwra yn mysk lu an nev, hag yn mysk annedhysi an norvys; ny yll denvyth lettya y dhorn na leverel dhodho, ‘Pandr'a wredh?’

Hosea 2:10

Lemmyn my a wra diskudha hy meth a-rag dewlagas hy haroryon, ha nagonan ny's delirv dhiworth ow leuv.

Hosea 5:14

My a vydh avel lew dhe Efraym, hag avel lew yowynk dhe ji Yuda. My, my a wra skwardya ha mones; my a wra kemmeres, ha nagonan ny dhelirv.

Mika 5:2

Ha ty, Bethlehem Efratha, byghan kynth os yn mysk teyluyow Yuda, yn-mes ahanas y teu dhymm nebonan a vydh rewler yn Ysrael, may feu y dhalleth a'n termyn koth, a dhydhyow pell tremenys.

Habakkuk 1:12

A ny veus a'n dalleth, A Arloedh, ow Duw sans? Ny verwyn. A Arloedh, ty re's ordenas rag breus; A Garrek, ty re's fondyas rag keredh.

Niverow 23:20

Otta, my a dhegemmeras gorhemmynn dhe venniga: ev re bennigas, ha ny allav y dhaskelwel.

Yowann 8:58

Yn-medh Yesu dhedha, ‘Yn hwir, yn hwir y lavarav dhywgh, kyns Abraham dhe vos, yth esov vy.’

Efesianys 1:11

ni ynwedh a veu dewisys, ragdhestnys war-lergh y borpos ev neb a gowlwra pup-tra orth bodh y vrys,

Dewteronomi 28:31

Dha ojyon a vydh ledhys a-wel dhis, mes ny dhybrydh dhiworto; dha asen a vydh kemmerys dhiworthis dre nerth ha ny vydh daskorrys dhis; dha dheves a vydh res dhe'th eskerens ha ny vydh dhis nagonan dh'aga sawya.

Dewteronomi 32:39

Gwelewgh lemmyn, my, my yw ev, ha nyns eus duw marnas vy. My a ladh, ha my a vewha; my a vrew ha my a yaghha, ha nyns eus nagonan a yll delivra dhiworth ow leuv.

1 Timothi 1:17

Dhe Vyghtern an oesow, anvarwel, diwel, an unn Duw, re bo enor ha gordhyans trank heb worfenn. Amen.

Ebrowyon 13:8

Yesu Krist yw an keth de ha hedhyw ha bys vykken.

Yoshua 2:2

Y feu derivys dhe vyghtern Yeriko ow leverel, ‘Awotta gwer a vebyon Ysrael a dheuth omma haneth rag aspia an tir.’

Diskwedhyans 1:8

‘My yw an Alfa ha'n Omega’, yn-medh an Arloedh Duw, neb yw, ha neb o, ha neb a dheu, an Ollgalloesek.