Ysay 43:1 - An Bibel Kernewek 20234 (Kernewek Kemmyn)

¹ Ha lemmyn yndellma y lever an Arloedh, ev neb a'th wrug, A Yakob, hag ev neb a'th formyas, A Ysrael: Na borth own, rag my re'th prenas ha re'th henwis orth hanow, dhymmo vy yth os.

Ysay 43:1 ပူးပေါင်းရင်းမြစ်များ

Jenesis 32:28

Hag yn-medh ev, ‘Ny vydh dha hanow gelwys Yakob namoy mes Ysrael, rag ty re strivyas gans Duw ha gans mab-den ha fetha.’

Salmow 100:3

Godhvydhewgh an Arloedh dhe vos Duw; ev yw neb re'gan formyas, hag ev a'gan pew; yth on ni y bobel, ha deves y beurva.

Salmow 102:18

Hemma a vydh skrifys rag an henedh a dheu, ha pobel a vydh formys a wormel an Arloedh;

Eksodus 15:13

‘Ty re hembronkas y'th tregeredh an bobel re dhasprensys, ty re's kevarwoedhas dre dha nerth dhe'th trigva sans.

Eksodus 15:16

own hag euth a goedh warnedha; drefenn meuredh dha vregh, i yw kosel avel men, erna dremenno dha bobel, A Arloedh, erna dremenno dha bobel re brensys.

Eksodus 33:17

Ha'n Arloedh a leveris dhe Moyses, ‘An keth tra ma re gewssys, my a'n gwra; rag ty re gavas gras y'm golok, ha my a'th aswonn dre hanow.’

Ysay 27:11

Pan yw sygh hy skorrow, yth yns terrys dhe-ves; benynes a dheu ha'ga enowi. Rag homm yw pobel heb konvedhes; rakhenna ny gemmer aga Kreador truedh anedha, ha ny dhiskwedh aga Gwrier favour dhedha.

Ysay 41:14

Na borth own, ty bryv, Yakob, ty gontronenn Ysrael! My a wra dha weres, yn-medh an Arloedh, dha Dhasprenyas, an Sans a Ysrael.

Ysay 42:6

My yw an Arloedh, my re'th helwis yn ewnder, my a'th syns er an leuv, ha dha witha, my re'th ros yn kevambos dhe'n bobel, golow dhe'n kenedhlow,

Ysay 43:21

an bobel a formis ragov ow honan, rag may teriffens ow gormola.

Ysay 43:5

Na borth own, rag yth esov genes; dhiworth an howldrevel y trov dha has, dhiworth an howlsedhes y'th kuntellav.

Ysay 43:7

pub huni neb yw henwys orth ow hanow, neb re wrugavy rag ow glori, neb a formis vy ha kreatya.’

Ysay 44:2

Yndellma y lever an Arloedh a'th wrug, neb a'th formyas a'n dorr, hag a wra dha weres: Na borth own, a Yakob, ow gwas, Yeshurun neb re dhewisis.

Ysay 45:11

Yndellma y lever an Arloedh, an Sans a Ysrael ha'y formyer: A wovynnowgh orthiv a-dro dhe'm fleghes, po ow erghi a-dro dhe ober ow diwla?

Ysay 48:17

Yndellma y lever an Arloedh, dha Dhasprenyas, an Sans a Ysrael: My yw an Arloedh dha Dhuw, a'th tysk rag dha les dha honan, ha'th hembronk y'n fordh may tegoedh dhis mones ynni.

Ysay 48:20

Kewgh yn-mes a Babylon, fiewgh dhiworth Kaldea, dyllewgh hemma gans garm a lowender, ha'y dherivas, dannvenewgh e bys yn penn an norvys; leverewgh, ‘An Arloedh re dhasprenas Yakob y was.’

Ysay 49:1

Goslowewgh orthiv, ynysow, klewewgh, A boblow, a bellder: an Arloedh a'm gelwis dhiworth an dorr, pan esen yn brys ow mamm ev a'm henwis.

Ysay 49:26

My a wra dhe'th waskoryon dybri aga hig aga honan, ha gans aga goes aga honan y fydhons medhow, par dell ve gans gwin. Ena pub kig oll a wodhvydh my dhe vos an Arloedh, dha Selwador ha'th Tasprenyas, an Galloesek a Yakob.

Ysay 51:13

Ty re ankovas an Arloedh, dha Wrier, neb a lesas an nevow hag a fondyas selyow an norvys. Oll an jydh ty a berth own, drefenn konnar an gwasker, neb a'n jeves mall a dhistrui. Mes ple'ma konnar an gwasker?

Ysay 52:9

Germewgh gans joy, hwi vagoryow a Yerusalem; rag an Arloedh re gonfortyas y bobel, ev re dhasprenas Yerusalem.

Ysay 62:12

I a vydh gelwys, ‘An bobel sans, An re dasprenys gans an Arloedh’; ha ty a vydh gelwys Hwilys, Sita Nag yw Forsakys.

Ysay 63:16

Rag ty yw agan Tas, kyn na'gan goer Abraham ha na'gan aswonn Ysrael; ty yw an Arloedh agan Tas, agan Dasprenyas vynnari yw dha hanow.

Ysay 63:9

yn oll aga anken. Nyns o kannas nag el mes y lok ev a's sawyas. Yn y gerensa hag yn y druedh ev a's dasprenas; ev a's drehevis ha'ga doen oll an dydhyow koth.

Yeremia 31:3

an Arloedh a omdhiskwedhas dhodho a-bell: My re'th karas gans kerensa heb diwedh; ytho gans tregeredh my re'th tennas.

Yeremia 33:24

A ny welsys fatell lever an bobel ma, ‘An dhew deylu dewisys gans an Arloedh re beu deneghys ganso’, ha fatell synsons ow fobel yn kemmys bismer ma na vons namoy kenedhel a-ragdha.

Yeremia 33:26

ena my a dhenaghsa has Yakob, ha Davydh ow gwas, ma na dhewisav nagonan a'y has avel rewloryon war has Abraham, Ysak ha Yakob. Rag my a dreyl aga hethneth, ha kemmeres truedh anedha.

Yeremia 50:34

Aga Dasprenyas yw krev; Arloedh an luyow yw y hanow. Ev a bled aga hen yn sur, may rollo powes dhe'n tir, mes ankres dhe annedhysi Babylon.

Kynvannow 3:57

Ty a dheuth nes y'n jydh mayth elwis warnas, ‘Na borth own’, yn-medhydh.

Ezekiel 16:8

Ena my a dremenas dresos ha mires, hag otta, drehedhys veus dhe'n oes a gerensa. Ytho my a lesas ow lostenn warnas ha kudha dha noethedh, ha my a dos ti dhis, hag entra yn kevambos genes, yn-medh an Arloedh Duw, ha ty a dheuth ha bos dhymm.

Daniel 10:19

Yn-medh ev, ‘Na borth own, A wour karadow; kres re bo genes; bydh krev, ha bydh pur grev.’ Kettell gewsis orthiv, y feuv kennerthys, hag y leveris, ‘Re gowsso ow arloedh, rag ty re'm kennerthas.’

Zekaria 13:9

My a dhre an tressa rann dre'n tan, ha'ga furhe dell yw purhes an arghans, a'ga frevi dell yw prevys an owr. Ev a wra gelwel war ow hanow, ha my a worthyp dhodho; my a lever, ‘Ev yw ow fobel’, hag ev a lever, ‘An Arloedh yw ow Duw.’

Malaki 3:17

I a vydh dhymmo vy, yn-medh Arloedh an luyow, ow thresor arbennik y'n jydh may hwrav vy oberi. My a gemmer truedh anedha par dell gemmer den truedh a'y vab neb a'n serv.

Oberow 27:20

Pan na omdhiskwedhas na howl na ster lies dydh, hag yth esa hager-awel a-has ow kweskel, pub govenek y fedhen ni sawys a veu kellys.

Oberow 27:25

Rakhenna, gwellhewgh agas cher, A wer; rag my a grys Duw, y fydh kepar dell veu leverys dhymm.

Efesianys 2:10

Rag y wrians ev on ni, kreatys yn Krist Yesu dhe oberow da a ragbareusis Duw, may hyllyn ni kerdhes ynna.

Dewteronomi 32:15

Yakob a dhybris hag a veu gwalghys, Yeshurun a dheuth ha bos tew hag a botyas; ty a dheuth ha bos tew ha berrik, ha bos gorth; ev a forsakyas Duw neb a'n gwrug, ha despitya Karrek y selwyans.

Dewteronomi 32:6

A attylowgh an Arloedh yndella, pobel goeg ha diboell? A nyns yw ev dha Das, dha Wrier, neb a'th formyas, ha neb a'th fastyas?

Dewteronomi 32:9

Rag rann an Arloedh yw y bobel; Yakob yw kevrenn y eretons.

2 Timothi 2:19

Byttegyns selven fyrv Duw a sev, ha warnodho an skrif ma: ‘An Arloedh a aswonn an re usi dhodho’, ha, ‘Pubonan a henow hanow an Arloedh, treylys ev dhiworth kammhynseth.’

Titus 2:14

neb a omros ragon ni may hwrella agan dasprena dhiworth pub ober dilagha ha glanhe ragdho pobel dh'y berghennogeth y honan, diwysyk yn gwriansow da.

Diskwedhyans 5:9

Ha kan nowydh a ganons i, ow leverel, ‘Gwiw osta dhe gemmeres an rol, hag igeri an selyow, rag ty a veu ledhys ha re dhasprensys tus dhe Dhuw gans dha woes yn-mes a bub loeth, ha yeth, ha pobel, ha kenedhel;